Luka 2 | ALB Bible Study

Luka 2:1 (ALB)
Tani, në atë ditë u shpall një dekret nga ana e Cezar Augustit, për të kryer regjistrimin e popullsisë të gjithë perandorisë.

Luka 2:2 (ALB)
Ky regjistrim qe i pari që u krye kur Kuirini ishte guvernatori i Sirisë.

Luka 2:3 (ALB)
Dhe të gjithë shkonin të regjistroheshin, secili në qytetin e vet.

Luka 2:4 (ALB)
Tani edhe Jozefi doli nga qyteti i Nazaretit të Galilesë, për të shkuar në Jude, në qytetin e Davidit, që quhet Bethlehem, sepse ai ishte i shtëpisë dhe i familjes së Davidit,

Luka 2:5 (ALB)
për t’u regjistruar bashkë me Marinë, gruan e vet, me të cilën ishte martuar dhe që ishte shtatzënë.

Luka 2:6 (ALB)
Kështu, ndërsa ishin atje, asaj i erdhi koha të lindë.

Luka 2:7 (ALB)
Dhe ajo lindi djalin e saj të parëlindur, e mbështolli me pelena dhe e vendosi në një grazhd, sepse në han nuk kishte vend për ta.

Luka 2:8 (ALB)
Tani në po atë krahinë ishin disa barinj që rrinin jashtë, në fusha, dhe natën ruanin kopenë e tyre.

Luka 2:9 (ALB)
Dhe ja, një engjëll i Zotit iu paraqit atyre dhe lavdia e Zotit shkëlqeu rreth tyre e ata i zuri një frikë e madhe.

Luka 2:10 (ALB)
Por engjëlli u tha atyre: “Mos druani, sepse unë po ju lajmëroj një gëzim të madh për të gjithë popullin;

Luka 2:11 (ALB)
sepse sot në qytetin e Davidit lindi për ju një Shpëtimtar, që është Krishti, Zoti.

Luka 2:12 (ALB)
Dhe kjo do t’ju vlejë si shenjë: ju do të gjeni një fëmijë të mbështjellur me pelena, të shtrirë në një grazhd.”

Luka 2:13 (ALB)
Dhe menjëherë engjëllit iu bashkua një shumicë e ushtrisë qiellore, që lëvdonte Perëndinë, duke thënë:

Luka 2:14 (ALB)
“Lavdi Perëndisë në vendet më të larta, dhe paqe mbi tokë njerëzve mbi të cilët qëndron mirëdashja e tij!.”

Luka 2:15 (ALB)
Dhe ndodhi që, kur engjëjt u larguan prej tyre për t’u kthyer në qiell, barinjtë i thanë njeri tjetrit: “Le të shkojmë deri në Bethlehem për të parë ç’ka ndodhur dhe ç’na bëri të ditur Zoti.”

Luka 2:16 (ALB)
Shkuan, pra, me nxitim dhe gjetën Marinë, Jozefin dhe fëmijën që ndodhej në një grazhd.

Luka 2:17 (ALB)
Mbasi e panë, përhapën ato që u ishte thënë për atë fëmijë.

Luka 2:18 (ALB)
Dhe të gjithë ata që i dëgjuan, u mrekulluan nga gjërat që u treguan barinjtë.

Luka 2:19 (ALB)
Maria i ruante të gjitha këto fjalë, duke i medituar në zemrën e saj.

Luka 2:20 (ALB)
Dhe barinjtë u kthyen, duke përlëvduar dhe lavdëruar Perëndinë për të gjitha gjërat që kishin dëgjuar dhe parë, ashtu si u ishte thënë atyre.

Luka 2:21 (ALB)
Dhe kur kaluan të tetë ditët, pas të cilave ai duhej rrethprerë, ia vunë emrin Jezus, emër të dhënë nga engjëlli para se ai të ngjizej në bark.

Luka 2:22 (ALB)
Kur pastaj ishin plotësuar ditët e pastrimit të saj sipas ligjit të Moisiut, e çuan fëmijën në Jeruzalem për t’ia paraqitur Zotit,

Luka 2:23 (ALB)
ashtu siç është shkruar në ligjin e Zotit: “Çdo mashkull i parëlindur do të jetë thirrur shenjt për Zotin,”

Luka 2:24 (ALB)
dhe për të ofruar flijim, siç është thënë në ligjin e Zotit, një çift turtujsh ose dy pëllumbash të rinj.

Luka 2:25 (ALB)
Dhe ja, në Jeruzalem ishte një njeri që quhej Simeon; Ky njeri ishte i drejtë dhe i përshpirtshëm dhe priste ngushëllimin e Izraelit; dhe Fryma e Shenjtë ishte mbi të.

Luka 2:26 (ALB)
Dhe në mënyrë hyjnore atij i qe zbuluar nga Fryma e Shenjtë se nuk do të vdiste para se të kishte parë Krishtin e Zotit.

Luka 2:27 (ALB)
Ai pra, i shtyrë nga Fryma, erdhi në tempull; dhe, si prindërit i prunë fëmijën Jezus për të bërë me të ato që përshkruan ligji,

Luka 2:28 (ALB)
ai e mori në krah e bekoi Perëndinë duke thënë:

Luka 2:29 (ALB)
“Tani, o Zot, lejo që shërbëtori yt të vdesë në paqe, sipas fjalës sate,

Luka 2:30 (ALB)
sepse sytë e mi e panë shpëtimin tënd

Luka 2:31 (ALB)
që ti e përgatite përpara gjithë popujve:

Luka 2:32 (ALB)
dritën për të ndriçuar kombet dhe lavdinë e popullit tënd, Izraelit.”

Luka 2:33 (ALB)
Dhe Jozefi e nëna e fëmijës mrrekulloheshin për gjërat që thuheshin për të.

Luka 2:34 (ALB)
Pastaj Simeoni i bekoi dhe i tha Marisë, nënës së tij: “Ja, ky është vënë për rënien dhe për ngritjen e shumë vetave në Izrael dhe për të qenë shenjë kundërshtimesh,

Luka 2:35 (ALB)
edhe ty vetë një shpatë do të ta tejshpojë shpirtin, që të zbulohen mendimet e shumë zemrave.”

Luka 2:36 (ALB)
Aty ishte edhe Ana, një profeteshë, bija e Fanuelit, nga fisit i Aserit, e cila ishte shumë e kaluar në moshë, që kishte jetuar mbas virgjërisë së saj shtatë vjet me burrin.

Luka 2:37 (ALB)
Ajo ishte e ve dhe, megjithse ishte tetëdhjetë e katër vjeçe, nuk largohej kurrë nga tempulli duke i shërbyer Perëndisë natë e ditë me agjërime dhe lutje.

Luka 2:38 (ALB)
Edhe ajo erdhi në atë moment, lavdëroi Zotin dhe u fliste për këtë fëmijë të gjithë atyre që prisnin çlirimin në Jeruzalem.

Luka 2:39 (ALB)
Dhe mbasi i kryen të gjitha ato që i takonin sipas ligjit të Zotit, u kthyen në Galile, në qytetin e tyre, Nazaret.

Luka 2:40 (ALB)
Ndërkaq fëmija rritej dhe forcohej në frymë, duke qenë plot dituri; dhe hiri i Perëndisë ishte mbi të.

Luka 2:41 (ALB)
Tani prindërit e tij shkonin çdo vit në Jeruzalem për festën e Pashkës.

Luka 2:42 (ALB)
Dhe, kur ai i mbushi dymbëdhjetë vjeç, ata u ngjitën në Jeruzalem, sipas zakonit të festës.

Luka 2:43 (ALB)
Dhe si u përmbushën ato ditë, kur ata u kthyen, fëmija Jezus ndënji në Jeruzalem; por Jozefi dhe e ëma e tij nuk e dinin.

Luka 2:44 (ALB)
Duke menduar se ai ishte në shoqëri, ata bënë një ditë rrugë, pastaj filluan ta kërkojnë midis farefisit dhe të njohurve;

Luka 2:45 (ALB)
dhe, duke qenë se nuk e gjetën, u kthyen në Jeruzalem për ta kërkuar.

Luka 2:46 (ALB)
Dhe ndodhi që, pas tri ditësh, e gjetën në tempull, të ulur në mes të dijetarëve, duke i dëgjuar dhe duke u bërë atyre pyetje.

Luka 2:47 (ALB)
Dhe të gjithë ata që e dëgjonin, habiteshin nga zgjuarësia e tij dhe nga përgjigjet e tij.

Luka 2:48 (ALB)
Dhe, kur ata e panë, mbetën të habitur, dhe e ëma i tha: “Bir, pse na e bëre këtë? Ja, yt atë dhe unë, në ankth, po të kërkonim!.”

Luka 2:49 (ALB)
Por ai u tha atyre: “Përse më kërkonit? A nuk e dinit se më duhet të merrem me punët e Atit tim?.”

Luka 2:50 (ALB)
Por ata nuk i kuptuan fjalët që ai u tha atyre.

Luka 2:51 (ALB)
Dhe ai zbriti bashkë me ta, u kthye në Nazaret dhe i bindej atyre. E ëma i ruante të gjitha këto fjalë në zemrën e saj.

Luka 2:52 (ALB)
Dhe Jezusi rritej në dituri, në shtat dhe në hir përpara Perëndisë dhe njerëzve.

Luka 2 ALB

Luka (ALB) Chapter Selection

ALB Book Selection List