Luka 1 | ALB Bible Study

Luka 1:1 (ALB)
Mbasi shumë vetë ndërmorën të renditin tregimin e ngjarjeve që ndodhën në mesin tonë,

Luka 1:2 (ALB)
ashtu si na i përcollën ata që ishin bërë nga fillimi dëshmitarë okularë dhe shërbyes të fjalës,

Luka 1:3 (ALB)
m’u duk e mirë edhe mua, pasi i hetova të gjitha gjërat me kujdes që nga fillimi, të t’i shkruaj sipas radhës, fort i nderuari Teofil,

Luka 1:4 (ALB)
që ti të njohësh vërtetësinë e gjërave që të kanë mësuar.

Luka 1:5 (ALB)
Në ditën e Herodit, mbretit të Judesë, ishte një prift me emër Zakaria, nga rendi i Abias; gruaja e tij ishte pasardhëse e Aaronit dhe quhej Elizabetë.

Luka 1:6 (ALB)
Që të dy ishin të drejtë në sytë e Perëndisë, duke ecur pa të metë në të gjitha urdhërimet dhe ligjet e Zotit.

Luka 1:7 (ALB)
Por nuk kishin fëmijë, sepse Elizabeta ishte shterpe, dhe të dy ishin të kaluar në moshë.

Luka 1:8 (ALB)
Ndodhi që, kur Zakaria po ushtronte detyrën e tij priftërore para Perëndisë sipas rregullit të rendit të vet,

Luka 1:9 (ALB)
sipas zakonit të shërbesës priftërore, i ra shorti të hyjë në tempullin e Zotit për të djegur temjanin.

Luka 1:10 (ALB)
Ndërkaq mbarë turma e popullit rrinte jashtë e lutej, në orën e temjanit.

Luka 1:11 (ALB)
Atëherë një engëll i Zotit iu shfaq duke qëndruar në këmbë në të djathtën e altarit të temjanit.

Luka 1:12 (ALB)
Zakaria, kur e pa, u trondit dhe e zuri frika.

Luka 1:13 (ALB)
Por engjëlli i tha: “Mos u tremb, Zakaria, sepse lutja jote u plotësua dhe gruaja jote Elizabeta do të lindë një djalë, të cilit do t’ia vësh emrin Gjon.

Luka 1:14 (ALB)
Dhe ai do të jetë për ty shkak gëzimi dhe hareje, dhe shumë vetë do të gëzohen për lindjen e tij.

Luka 1:15 (ALB)
Sepse ai do të jetë i madh përpara Zotit; nuk do të pijë as verë as pije dehëse dhe do të jetë i përplotë me Frymën e Shenjtë që në barkun e s’ëmës.

Luka 1:16 (ALB)
Dhe do t’i kthejë shumë prej bijve të Izraelit te Zoti, Perëndia i tyre.

Luka 1:17 (ALB)
Dhe do të shkojë përpara tij në frymë dhe pushtet të Elias, për t’i kthyer zemrat e prindërve te fëmijët dhe rebelët në urtinë e të drejtëve, për t’ia bërë gati Zotit një popull të përgatitur mirë.”

Luka 1:18 (ALB)
Dhe Zakaria i tha engjëllit: “Nga se do ta njoh këtë? Sepse unë jam plak dhe gruaja ime është e kaluar në moshë.”

Luka 1:19 (ALB)
Dhe engjëlli, duke iu përgjigjur, i tha: “Unë jam Gabrieli që rri në prani të Perëndisë, dhe më kanë dërguar që të flas me ty dhe të të njoftoj këto lajme të mira.

Luka 1:20 (ALB)
Dhe ja, ti do të jesh i pagojë dhe nuk do të mund të flasësh deri në atë ditë kur do të ndodhin këto gjëra, sepse nuk u ke besuar fjalëve të mia, të cilat do të përmbushen në kohën e tyre.”

Luka 1:21 (ALB)
Ndërkaq populli po priste Zakarian dhe çuditej që ai po vonohej aq shumë brenda tempullit.

Luka 1:22 (ALB)
Por, kur doli, nuk mundi t’u flasë atyre; atëherë ata e kuptuan se ai kishte pasur një vegim në tempull; ai u bënte shenja atyre, por mbeti i pagojë.

Luka 1:23 (ALB)
Dhe ndodhi që, kur u plotësuan ditët e shërbesës së tij, ai u kthye në shtëpinë e vet.

Luka 1:24 (ALB)
Dhe, pas atyre ditëve Elizabeta, gruaja e tij, u ngjiz; dhe u fsheh pesë muaj dhe thoshte:

Luka 1:25 (ALB)
“Ja ç’më bëri Zoti, në ato ditë kur e ktheu vështrimin e tij mbi mua për të më hequr turpin përpara njerëzve.”

Luka 1:26 (ALB)
Në muajin e gjashtë, engjëlli Gabriel u dërgua nga Perëndia në një qytet të Galilesë, që quhej Nazaret,

Luka 1:27 (ALB)
te një e virgjër, që ishte e fejuar me një njeri që quhej Jozef, nga shtëpia e Davidit; dhe emri i virgjëreshës ishte Maria.

Luka 1:28 (ALB)
Dhe engëlli hyri te ajo dhe tha: “Tungjatjeta, o hirplote, Zoti është me ty; ti je e bekuar ndër gratë.”

Luka 1:29 (ALB)
Por kur e pa atë, ajo mbeti e shqetësuar nga fjalët e tij, dhe pyeste vetveten çfarë kuptimi mund të kishte një përshëndetje e tillë.

Luka 1:30 (ALB)
Dhe engjëlli i tha: “Mos ki frikë, Mari, sepse ke gjetur hir para Perëndisë.

Luka 1:31 (ALB)
Dhe ja, ti do të mbetesh shtatzënë dhe do të lindësh një djalë, dhe do t’ia vesh emrin Jezus.

Luka 1:32 (ALB)
Ai do të jetë i madh dhe do të quhet Biri i Shumë të Lartit; dhe Zoti Perëndi do t’i japë fronin e Davidit, atit të tij;

Luka 1:33 (ALB)
dhe do të mbretërojë mbi shtëpinë e Jakobit përjetë, dhe mbretëria e tij nuk do të ketë kurrë të sosur.”

Luka 1:34 (ALB)
Dhe Maria i tha engjëllit: “Si do të ndodhë kjo, përderisa unë nuk njoh burrë?.”

Luka 1:35 (ALB)
Dhe engjëlli duke u përgjigjur, i tha: “Fryma e Shenjtë do të vijë mbi ty dhe pushteti i Shumë të Lartit do të të mbulojë me hijen e vet; prandaj i shenjti që do të lindë prej teje do të quhet Bir i Perëndisë.

Luka 1:36 (ALB)
Dhe ja, Elizabeta, e afërmja jote, edhe ajo, në pleqërinë e saj, mbeti shtatzënë me një djalë; dhe ky është muaji i gjashtë për të, që e quanin shterpë,

Luka 1:37 (ALB)
sepse me Perëndinë asgjë s’është e pamundshme.”

Luka 1:38 (ALB)
Atëherë Maria tha: “Ja shërbëtorja e Zotit; le të më ndodhë sipas fjalës sate.” Dhe engjëlli u largua prej saj.

Luka 1:39 (ALB)
Dhe në ato ditë Maria u ngrit dhe shkoi me nxitim në krahinën malore, në një qytet të Judesë,

Luka 1:40 (ALB)
dhe hyri në shtëpinë e Zakarias e përshëndeti Elizabetën.

Luka 1:41 (ALB)
Dhe ndodhi që, sapo Elizabeta dëgjoi përshëndetjen e Maries, fëmija i kërceu në bark, dhe Elizabeta u mbush me Frymën e Shenjtë,

Luka 1:42 (ALB)
dhe thërriti me zë të lartë, duke thënë: “Ti je e bekuar ndër gratë dhe i bekuar është fryti i barkut tënd.

Luka 1:43 (ALB)
Dhe përse po më ndodh kjo, që nëna e Zotit tim të vijë tek unë?

Luka 1:44 (ALB)
Sepse, ja, sapo arriti në veshët e mi zëri i përshëndetjes sate, fëmija nga gëzimi kërceu në barkun tim.

Luka 1:45 (ALB)
Tani, e lumur është ajo që besoi, sepse gjërat që i janë thënë nga ana e Zotit do të realizohen!.”

Luka 1:46 (ALB)
Dhe Maria tha: “Shpirti im e madhëron Zotin,

Luka 1:47 (ALB)
dhe fryma im ngazëllon në Perëndinë, Shpëtimtarin tim,

Luka 1:48 (ALB)
sepse ai e shikoi me pëlqim ultësinë e shërbëtores së tij; sepse ja, tani e tutje të gjitha brezat do të më shpallin të lume,

Luka 1:49 (ALB)
sepse i Pushtetshmi më bëri gjëra të mëdha, dhe i Shenjtë është emri i tij!

Luka 1:50 (ALB)
Dhe mëshira e tij shtrihet nga brezi në brez për ata që e druajnë.

Luka 1:51 (ALB)
Ai veproi pushtetshëm me krahun e vet; i shpërndau krenarët me mendimet e zemrave të tyre;

Luka 1:52 (ALB)
i përmbysi pushtetarët nga fronat e tyre dhe i ngriti të përulurit;

Luka 1:53 (ALB)
i mbushi me të mira të uriturit dhe i ktheu duarbosh të pasurit.

Luka 1:54 (ALB)
Ai e ndihmoi Izraelin, shërbëtorin e vet, duke i kujtuar për mëshirën e tij,

Luka 1:55 (ALB)
ashtu si ua pati deklaruar etërve tanë, Abrahamit dhe pasardhësve të tij, për gjithmonë.”

Luka 1:56 (ALB)
Dhe Maria ndenji me Elizabetën gati tre muaj, pastaj u kthye në shtëpinë e vet.

Luka 1:57 (ALB)
Dhe Elizabetës i erdhi koha që të lindë dhe të nxjerrë në dritë një djalë.

Luka 1:58 (ALB)
Fqinjët e saj dhe të afërmit, kur dëgjuan se Zoti kishte treguar mëshirë të madhe ndaj saj, u gëzuan me të.

Luka 1:59 (ALB)
Dhe ndodhi që të tetën ditë erdhën për ta rrethprerë djalin, dhe donin t’ia quanin Zakaria, me emrin e atit të tij;

Luka 1:60 (ALB)
por e ëma ndërhyri dhe tha: “Jo, por përkundrazi do të quhet Gjon.”

Luka 1:61 (ALB)
Dhe ata i thanë: “S’ka njeri në fisin tënd që të quhet me këtë emër.”

Luka 1:62 (ALB)
Kështu me shenja e pyetën të atin, si donte që t’i quhej.

Luka 1:63 (ALB)
Ai atëherë kërkoi një tabelë shkrimi dhe shkroi mbi të: “Emri i tij është Gjon.” Dhe të gjithë u mrrekulluan.

Luka 1:64 (ALB)
Në atë çast goja e tij u hap dhe gjuha e tij u zgjidh, dhe fliste duke bekuar Perëndinë.

Luka 1:65 (ALB)
Dhe të gjithë fqinjëve të tyre u hyri druajtja, dhe të gjitha këto gjëra u përhapën nëpër krejt krahinën malore të Judesë.

Luka 1:66 (ALB)
Të gjitha ata që i dëgjuan, i vunë në zemrën e tyre duke thënë: “Vallë kush do të jetë ky fëmijë?.” Dhe dora e Zotit ishte me të.

Luka 1:67 (ALB)
Dhe Zakaria, ati i tij, u mbush me Frymën e Shenjtë dhe profetizoi, duke thënë:

Luka 1:68 (ALB)
Bekuar qoftë Zoti, Perëndia i Izraelit, sepse e ka vizituar dhe e kreu çlirimin e popullit të vet;

Luka 1:69 (ALB)
dhe na ngriti një shpëtim të pushtetshëm në shtëpinë e Davidit, shërbëtorit të vet,

Luka 1:70 (ALB)
ashtu si ai e kishte deklaruar nëpërmjet gojës së profetëve të tij të shenjtë që nga kohët e lashta, që ne të shpëtojmë

Luka 1:71 (ALB)
prej armiqve tanë dhe prej dorës së gjithë atyre që na urrejnë,

Luka 1:72 (ALB)
për të treguar mëshirë tek etërit tanë e për t’u kujtuar për besëlidhjen e tij të shenjtë,

Luka 1:73 (ALB)
betimin që i bëri Abrahamit, atit tonë,

Luka 1:74 (ALB)
për të na lejuar që, pasi të çlirohemi nga duart e armiqve tanë, të mund t’i shërbejmë pa frikë,

Luka 1:75 (ALB)
në shenjtëri e në drejtësi përpara atij, të gjitha ditët e jetës sonë.

Luka 1:76 (ALB)
Dhe ti, o fëmijë i vogël, do të quhesh profet nga Shumë i Larti, sepse ti do të shkosh përpara fytyrës së Zotit për të përgatitur udhët e tij,

Luka 1:77 (ALB)
për t’i dhënë popullit të tij njohjen e shpëtimit, në faljen e mëkateve të tyre;

Luka 1:78 (ALB)
për hir të thellësisë së mëshirës së Perëndisë sonë, për të cilën agimi nga lart na ka vizituar,

Luka 1:79 (ALB)
për të ndriçuar ata që dergjeshin në errësirë dhe në hijen e vdekjes, për të udhëhequr hapat tona në udhën e paqes.”

Luka 1:80 (ALB)
Ndërkaq fëmija rritej dhe forcohej në frymë: dhe qëndroi në shkretëtirë deri në atë ditë, kur ai duhej t’i zbulohej Izraelit.

Luka 1 ALB

Luka (ALB) Chapter Selection

ALB Book Selection List