Numrat 34 | ALB Bible Study

Numrat 34:1 (ALB)
Zoti i foli akoma Moisiut, duke i thënë:

Numrat 34:2 (ALB)
"Urdhëro bijtë e Izraelit dhe u thuaj atyre: Kur do të hyni në vendin e Kanaanit, ky është vendi që ju takon si trashëgimi, vendi i Kanaanit me këta kufij të veçantë:

Numrat 34:3 (ALB)
Kufiri juaj jugor do të fillojë në shkretëtirën e Tsinit, gjatë kufirit të Edomit; kështu kufiri juaj do të shtrihet nga skaji i Detit të Kripur në drejtim të lindjes;

Numrat 34:4 (ALB)
kufiri juaj do të shkojë pastaj nga e përpjeta e Akrabimit, do të kalojë nëpër Tsin dhe do të shtrihet në jug të Kadesh-Barneas; do të vazhdojë pastaj në drejtim të Hatsar-Adarit dhe do të kalojë nëpër Atsmoni.

Numrat 34:5 (ALB)
Nga Atsmoni kufiri do të kthejë deri në përroin e Egjiptit dhe do të përfundojë në det.

Numrat 34:6 (ALB)
Kufiri juaj në perëndim do të jetë Deti i Madh; ky do të jetë kufiri juaj perëndimor.

Numrat 34:7 (ALB)
Ky do të jetë kufiri juaj verior: duke u nisur nga Deti i Madh do të caktoni kufirin tuaj deri në malin Hor;

Numrat 34:8 (ALB)
nga mali Hor do të caktoni kufirin tuaj deri në hyrje të Hamathit, dhe skaji i kufirit do të jetë në Tsedad;

Numrat 34:9 (ALB)
kufiri do të vazhdojë pastaj deri në Zifron dhe do të mbarojë në Hatsar-Enan; ky do të jetë kufiri juaj verior.

Numrat 34:10 (ALB)
Do ta vijëzoni kufirin tuaj lindor nga Hatsar-Enani deri në Shefam;

Numrat 34:11 (ALB)
kufiri do të zbresë nga Shefami në drejtim të Riblahut, në lindje të Ainit; pastaj kufiri do të zbresë dhe do të shtrihet deri sa të arrijë bregun lindor të detit të Kinerethit;

Numrat 34:12 (ALB)
pastaj kufiri do të zbresë në drejtim të Jordanit, për të arritur deri në Detin e Kripur. Ky do të jetë vendi juaj me kufijtë e tij rreth e qark".

Numrat 34:13 (ALB)
Kështu Moisiu u njoftoi këtë urdhër bijve të Izraelit dhe u tha atyre: Ky është vendi që do të merrni si trashëgimi duke hedhur short, dhe që Zotii ka urdhëruar t’u jepet nëntë fiseve e gjysmë,

Numrat 34:14 (ALB)
sepse fisi i bijve të Rubenit, në bazë të shtëpive të etërve të tyre, dhe fisi i bijve të Gadit, në bazë të shtëpive të etërve të tyre, dhe gjysma e fisit të Manasit e kanë marrë trashëgiminë e tyre.

Numrat 34:15 (ALB)
Këto dy fise e gjysmë e kanë marrë trashëgiminë e tyre në lindje të Jordanit, mbi bregun përballë Jerikos, në drejtim të lindjes".

Numrat 34:16 (ALB)
Zoti i foli akoma Moisiut, duke i thënë:

Numrat 34:17 (ALB)
"Këta janë emrat e burrave që do të kryejnë ndarjen e vendit midis jush: prifti Eleazar dhe Jozueu, bir i Nunit.

Numrat 34:18 (ALB)
Do të merrni edhe një prijës nga çdo fis, për të bërë ndarjen e vendit.

Numrat 34:19 (ALB)
Këta janë emrat e burrave: Kalebi, bir i Jefunehut, nga fisi i Judës;

Numrat 34:20 (ALB)
Shemueli, bir i Amihudit, nga fisi i bijve të Simeonit;

Numrat 34:21 (ALB)
Elidadi, bir i Kislonit, nga fisi i Beniaminit;

Numrat 34:22 (ALB)
prijësi Buki, bir i Joglit, nga fisi i bijve të Danit;

Numrat 34:23 (ALB)
prijësi Haniel, bir i Efodit, për bijtë e Jozefit, nga fisi i bijve të Manasit;

Numrat 34:24 (ALB)
prijësi Kemuel, bir i Shiftanit, për fisin e bijve të Efraimit;

Numrat 34:25 (ALB)
prijësi Elitsafan, bir i Parnakut, për fisin e bijve të Zabulonit;

Numrat 34:26 (ALB)
prijësi Paltiel, bir i Azanit, për fisin e bijve të Isakarit;

Numrat 34:27 (ALB)
prijësi Ahihud, bir i Shelomit, për fisin e bijve të Asherit;

Numrat 34:28 (ALB)
dhe prijësi Pedahel, bir i Amihudit, për fisin e bijve të Neftalit".

Numrat 34:29 (ALB)
Këta janë burrat të cilët Zoti i urdhëroi t’u jepnin trashëgiminë bijve të Izraelit në vendin e Kananit.

Previous Chapter
« Numrat 33

Next Chapter
Numrat 35 »

Numrat (ALB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36

ALB Book Selection List

View full list of ALB Bible Books and Chapters