Numrat 25 | ALB Bible Study

Numrat 25:1 (ALB)
Ndërsa Izraeli ndodhej në Shitim, populli filloi të shthurret me bijat e Moabit.

Numrat 25:2 (ALB)
Ato e ftuan popullin të kryejë flijime për perënditë e tyre dhe populli hëngri dhe ra përmbys përpara perëndive të tyre.

Numrat 25:3 (ALB)
Kështu Izraeli u bashkua me Baal-Peorin, dhe zemërimi i Zotit u ndez kundër Izraelit.

Numrat 25:4 (ALB)
Pastaj Zoti i tha Moisiut: "Merr të gjithë krerët e popullit, vriti e vari para Zotit përjashta, në diell me qëllim që zemërimi i zjarrtë i Zotit të largohet nga Izraeli".

Numrat 25:5 (ALB)
Kështu u foli Moisiu gjykatësve të Izraelit: "Secili nga ju të vrasë ata njerëz të tij që janë bashkuar me Baal-Peorin".

Numrat 25:6 (ALB)
Dhe ja, që një nga bijtë e Izraelit erdhi dhe u paraqiti vëllezërve të tij një grua madianite, para syve të Moisiut dhe tërë asamblesë së bijve të Izraelit, ndërsa këta po qanin në hyrjen e çadrës së mbledhjes.

Numrat 25:7 (ALB)
Duke parë këtë skenë, Finehasi, bir i Eleazarit, që ishte bir i priftit Aaron, u ngrit në mes të asamblesë dhe mori në dorë një shtizë,

Numrat 25:8 (ALB)
ndoqi pastaj burrin e Izraelit në alkovën e tij dhe i shpoi që të dy, burrin e Izraelit dhe gruan, në pjesën e poshtme të barkut. Kështu u ndal fatkeqësia në mes të bijve të Izraelit.

Numrat 25:9 (ALB)
Nga kjo fatkeqësi vdiqën njëzet e katër mijë veta.

Numrat 25:10 (ALB)
Atëherë Zoti i foli Moisiut, duke i thënë:

Numrat 25:11 (ALB)
"Finehasi, bir i Eleazarit, që ishte bir i priftit Aaron, e largoi zemërimin tim nga bijtë e Izraelit, sepse ai ishte i frymëzuar nga po ajo xhelozia ime; kështu në xhelozinë time nuk i kam shfarosur bijtë e Izraelit.

Numrat 25:12 (ALB)
Prandaj i thuaj: "Ja, unë po lidh një aleancë paqeje me të,

Numrat 25:13 (ALB)
që do të jetë për të dhe për pasardhësit pas tij besëlidhja e një priftërie të përjetshme, sepse është treguar i zellshëm për Perëndinë e tij dhe ka kryer shlyerjen e fajit për bijtë e Izraelit".

Numrat 25:14 (ALB)
Burri i Izraelit, që u vra bashkë me gruan madianite, quhej Zimri, bir i Salut, i pari i një shtëpie patriarkale të Simeonitëve.

Numrat 25:15 (ALB)
Dhe gruaja që u vra, Madianitja, quhej Kozbi, bijë e Tsurit, që ishte i pari i një shtëpie patriarkale në Madian.

Numrat 25:16 (ALB)
Pastaj Zoti i foli Moisiut duke i thënë:

Numrat 25:17 (ALB)
"Bjeruni Madianitëve dhe i sulmoni,

Numrat 25:18 (ALB)
sepse ju kanë rënë më qafë me dredhitë e tyre dhe ju kanë mashtruar në rastin e Peorit dhe në atë të Kozbit, bijë e një princi të Madianit, motër e tyre, që u vra ditën e fatkeqësisë për çështjen e Peorit".

Previous Chapter
« Numrat 24

Next Chapter
Numrat 26 »

Numrat (ALB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36

ALB Book Selection List

View full list of ALB Bible Books and Chapters