Numrat 1 | ALB Bible Study

Numrat 1:1 (ALB)
Zoti i foli akoma Moisiut në shkretëtirën e Sinait, në çadrën e mbledhjes, ditën e parë të muajit të dytë, gjatë vitit të dytë nga dalja e tyre nga vendi i Egjiptit, dhe i tha:

Numrat 1:2 (ALB)
"Bëni regjistrimin e gjithë asamblesë së bijve të Izraelit në bazë të familjeve të tyre dhe të shtëpive të etërve të tyre, duke numëruar një për një emrat e çdo mashkulli.

Numrat 1:3 (ALB)
Nga mosha njëzet vjeç e lart, të gjithë ata që në Izrael mund të shkojnë në luftë; ti dhe Aaroni do t’i regjistroni, grup pas grupi.

Numrat 1:4 (ALB)
Dhe me ju do të jetë një burrë për çdo fis, një që të jetë i pari i shtëpisë së atit të tij.

Numrat 1:5 (ALB)
Këta janë emrat e burrave që do të jenë me ju. nga Ruben, Elitsur, bir i Shedeurit;

Numrat 1:6 (ALB)
nga Simeoni, Shelumieli, bir i Tsurishadait;

Numrat 1:7 (ALB)
nga Juda, Nahshoni, bir i Aminadabit;

Numrat 1:8 (ALB)
nga Isakari, Nethaneeli, bir i Tsuarit;

Numrat 1:9 (ALB)
nga Zabuloni, Eliabi, bir i Helonit;

Numrat 1:10 (ALB)
nga bijtë e Jozefit, për Efraimin, Elishama, bir i Amihudit; për Manasën, Gamalieli, bir i Pedahtsurit;

Numrat 1:11 (ALB)
nga Beniamini, Abidani, bir i Gideonit;

Numrat 1:12 (ALB)
nga Dani, Ahiezeri, bir i Amishadaidit;

Numrat 1:13 (ALB)
nga Asheri, Pagieli, bir i Okranit;

Numrat 1:14 (ALB)
nga Gadi, Eliasafi, bir i Deuelit;

Numrat 1:15 (ALB)
nga Neftali, Ahira, bir i Enanit".

Numrat 1:16 (ALB)
Këta janë ata që u zgjodhën nga asambleja, prijësit e fiseve të etërve të tyre, krerët e divizioneve të Izraelit.

Numrat 1:17 (ALB)
Moisiu dhe Aaroni morën, pra, këta burra që ishin caktuar me emër,

Numrat 1:18 (ALB)
dhe thirrën tërë asamblenë, ditën e parë të muajit të dytë; ata u treguan fisin e tyre, në bazë të familjeve të tyre dhe të shtëpive të etërve të tyre, duke numëruar personat me moshë njëzet vjeç e lart, një për një.

Numrat 1:19 (ALB)
Ashtu si Zoti pat urdhëruar Moisiun, ai bëri regjistrimin e tyre në shkretëtirën e Sinait.

Numrat 1:20 (ALB)
Nga bijtë e Rubenit, i parëlinduri i Izraelit, trashëgimtarët e tyre në bazë të familjeve të tyre dhe të shtëpive të etërve të tyre, duke numëruar emrat e të gjithë meshkujve, një për një, nga mosha njëzet vjeç e lart, tërë ata që ishin të aftë të shkonin në luftë:

Numrat 1:21 (ALB)
ata që u regjistruan nga fisi i Rubenit ishin dyzet e gjashtë mijë e pesëqind.

Numrat 1:22 (ALB)
Nga bijtë e Simeonit, trashëgimtarët e tyre në bazë të familjeve të tyre dhe të shtëpive të etërve të tyre, ata që u regjistruan duke numëruar emrat e të gjithë meshkujve, një për një, nga mosha njëzet vjeç e lart, të gjithë ata që ishin të aftë të shkonin në luftë:

Numrat 1:23 (ALB)
ata që u regjistruan nga fisi i Simeonit ishin pesëdhjetë e nëntë mijë e treqind.

Numrat 1:24 (ALB)
Nga bijtë e Gadit, trashëgimtarët e tyre në bazë të familjeve të tyre dhe të shtëpive të etërve të tyre, duke numëruar emrat e atyre që ishin njëzet vjeç e lart, të gjithë ata që ishin të aftë të shkonin në luftë:

Numrat 1:25 (ALB)
ata që u regjistruan nga fisi i Gadit ishin dyzet e pesë mijë e gjashtëqind e pesëdhjetë.

Numrat 1:26 (ALB)
Nga bijtë e Judës, trashëgimtarët e tyre në bazë të familjeve të tyre dhe të shtëpive të etërve të tyre, duke i numëruar emrat e tyre nga njëzet vjeç e lart, të gjithë ata që ishin të aftë të shkonin në luftë:

Numrat 1:27 (ALB)
ata që u regjistruan nga fisi i Judës ishin shtatëdhjetë e katër mijë e gjashtëqind.

Numrat 1:28 (ALB)
Nga bijtë e Isakarit, trashëgimtarët e tyre në bazë të familjeve të tyre dhe të shtëpive të etërve të tyre, duke i numëruar emrat nga njëzet vjeç e lart, të gjithë ata që ishin të aftë të shkonin në luftë:

Numrat 1:29 (ALB)
ata që u regjistruan nga fisi i Isakarit ishin pesëdhjetë e katër mijë e katërqind.

Numrat 1:30 (ALB)
Nga bijtë e Zabulonit, trashëgimtarët e tyre në bazë të familjeve dhe të shtëpive të etërve të tyre duke i numëruar nga mosha njëzet vjeç e lart, të gjithë ata që ishin të aftë të shkonin në luftë:

Numrat 1:31 (ALB)
ata që u regjistruan nga fisi i Zabulonit ishin pesëdhjetë e shtatë mijë e katërqind.

Numrat 1:32 (ALB)
Ndër bijtë e Jozefit: nga bijtë e Efraimit, trashëgimtarët e tyre në bazë të familjeve dhe të shtëpive të etërve të tyre, duke i numëruar emrat nga mosha njëzet vjeç e lart, të gjithë ata që ishin të aftë për të shkuar në luftë:

Numrat 1:33 (ALB)
ata që u regjistruan nga fisi i Efraimit ishin dyzet mijë e pesëqind.

Numrat 1:34 (ALB)
Nga bijtë e Manasit, trashëgimtarët e tyre në bazë të familjeve dhe të shtëpive të etërve të tyre, duke i numëruar emrat nga mosha njëzet vjeç e lart, të gjithë ata që ishin të aftë të shkonin në luftë:

Numrat 1:35 (ALB)
ata që u regjistruan nga fisi i Manasit ishin tridhjetë e dy mijë e dyqind.

Numrat 1:36 (ALB)
Nga bijtë e Beniaminit, trashëgimtarët e tyre në bazë të familjeve të tyre dhe të etërve të tyre, duke i numëruar emrat nga mosha njëzet vjeç e lart, të gjithë ata që ishin të aftë të shkonin në luftë:

Numrat 1:37 (ALB)
ata që u regjistruan nga fisi i Beniaminit ishin tridhjetë e pesë mijë e katërqind.

Numrat 1:38 (ALB)
Nga bijtë e Danit, trashëgimtarët e tyre në bazë të familjeve dhe të shtëpive të etërve të tyre, duke i numëruar emrat nga mosha njëzet vjeç e lart, të gjithë ata që ishin të aftë të shkonin në luftë:

Numrat 1:39 (ALB)
ata që u regjistruan nga fisi i Danit ishin gjashtëdhjetë e dy mijë e shtatëqind.

Numrat 1:40 (ALB)
Nga bijtë e Asherit, trashëgimtarët e tyre në bazë të familjeve të tyre dhe të shtëpive të etërve të tyre, duke i numëruar emrat nga mosha njëzet vjeç e lart, të gjithë ata që ishin të aftë të shkonin në luftë:

Numrat 1:41 (ALB)
ata që u regjistruan nga fisi i Asherit ishin dyzet e një mijë e pesëqind.

Numrat 1:42 (ALB)
Nga bijtë e Neftalit, trashëgimtarët e tyre në bazë të familjeve të tyre dhe të shtëpive të etërve të tyre, duke i numëruar emrat nga mosha njëzet vjeç e lart, të gjithë ata që ishin të aftë të shkonin në luftë:

Numrat 1:43 (ALB)
ata që u regjistruan nga fisi i Neftalit ishin pesëdhjetë e tre mijë e katërqind.

Numrat 1:44 (ALB)
Këta ishin të regjistruarit nga Moisiu dhe Aaroni, së bashku me dymbëdhjetë burrat, prijës të Izraelit, secili përfaqësues i shtëpisë së atit të tij.

Numrat 1:45 (ALB)
Kështu tërë bijtë e Izraelit që u regjistruan në bazë të shtëpive të etërve të tyre, nga mosha njëzet vjeç e lart, domethënë tërë njerëzit që në Izrael ishin të aftë të shkonin në luftë,

Numrat 1:46 (ALB)
të gjithë ata që u regjistruan ishin gjashtëqind e tre mijë e pesëqind e pesëdhjetë.

Numrat 1:47 (ALB)
Por Levitët nuk u regjistruan bashkë me të tjerët, simbas fisit të etërve të tyre,

Numrat 1:48 (ALB)
sepse Zoti i kishte folur Moisiut, duke i thënë:

Numrat 1:49 (ALB)
"Vetëm në fisin e Levit nuk do të bësh regjistrimin dhe nuk do të llogaritësh numrin e tyre me bijtë e Izraelit;

Numrat 1:50 (ALB)
por besoju Levitëve kujdesin për tabernakullin e dëshmisë, për të gjitha orenditë e tij dhe për çdo gjë që i përket. Ata do të mbartin tabernakullin dhe tërë orenditë e tij, do të bëjnë shërbimin dhe do të fushojnë rreth tabernakullit.

Numrat 1:51 (ALB)
Kur tabernakulli duhet të zhvendoset, Levitët do ta bëjnë pjesë-pjesë; kur tabernakulli duhet të ndalet, ata do ta ngrenë; dhe i huaji që do të afrohet do të dënohet me vdekje.

Numrat 1:52 (ALB)
Bijtë e Izraelit do t’i ngrenë çadrat e tyre secili në kampin e vet, secili pranë flamurit të vet, simbas renditjes së tyre.

Numrat 1:53 (ALB)
Por Levitët do t’i ngrenë çadrat e tyre rreth tabenakullit të dëshmisë me qëllim që mëria ime të mos bjerë mbi asamblenë e bijve të Izraelit; kështu Levitët do të kujdesen për tabernakullin e dëshmisë".

Numrat 1:54 (ALB)
Bijtë e Izraelit iu binden gjithçkaje që Zoti kishte urdhëruar Moisiun, dhe kështu bënë.

Numrat 1 ALB

Numrat (ALB) Chapter Selection

ALB Book Selection List