Numrat 2 | ALB Bible Study

Numrat 2:1 (ALB)
Zoti i foli akoma Moisiut dhe Aaronit, duke u thënë:

Numrat 2:2 (ALB)
"Bijtë e Izraelit do të vendosen secili pranë flamurit të vet nën shenjat e shtëpisë së etërve të tyre; do të vendosen rreth e rrotull çadrës së mbledhjes, por në një farë largësie prej saj.

Numrat 2:3 (ALB)
Në krahun lindor, ndaj diellit që po ngrihet, do të vendoset flamuri i kampit të Judës simbas renditjes së tij; prijësi i bijve të Efraimit është Nashoni, bir i Aminadabit;

Numrat 2:4 (ALB)
ata që u regjistruan në divizionin e tij ishin shtatëdhjetë e katër mijë e gjashtëqind.

Numrat 2:5 (ALB)
Pranë tij do të vendoset fisi i Isakarit; prijësi i bijve të Isakarit është Nethaneeli, bir i Tsuarit;

Numrat 2:6 (ALB)
ata që u regjistruan në divizionin e tij ishin pesëqind e katër mijë e katërqind.

Numrat 2:7 (ALB)
Pastaj do të vijë fisi i Zabulonit; prijësi i bijve të Zabulonit është Eliabi, bir i Helonit;

Numrat 2:8 (ALB)
ata që u regjistruan në divizionin e tij ishin pesëdhjetë e shtatë mijë e katërqind.

Numrat 2:9 (ALB)
Të gjithë ata që u regjistruan në kampin e Judës, simbas ndarjeve të tij, ishin njëqind e tetëdhjetë e gjashtë mijë e katërqind. Ata do ta fillojnë marshimin të parët.

Numrat 2:10 (ALB)
Në krahun jugor do të vihet flamuri i kampit të Rubenit simbas renditjes së ushtarëve të tij; dhe prijësi i bijve të Rubenit është Elitsuri, bir i Shedeurit;

Numrat 2:11 (ALB)
dhe ata që u regjistruan në divizionin e tij ishin dyzet e gjashtë mijë e pesëqind.

Numrat 2:12 (ALB)
Pranë tij do të vendoset fisi i Simeonit; dhe prijësi i bijve të Simeonit është Shelumjeli, bir i Tsurishadait;

Numrat 2:13 (ALB)
ata që u regjistruan në divizionin e tij ishin pesëdhjetë e nëntë mijë e treqind.

Numrat 2:14 (ALB)
Pastaj do të vijë fisi i Gadit; prijësi i bijve të Gadit është Eliasafi, bir i Reuelit,

Numrat 2:15 (ALB)
ata që u regjistruan në divizionin e tij ishin dyzet e pesë mijë e gjashtëqind e pesëdhjetë.

Numrat 2:16 (ALB)
Tërë ata që janë regjistruar në kampin e Rubenit, simbas divizioneve të tyre, ishin njëqind e pesëdhjetë e një mijë e katërqind e pesëdhjetë. Këta do ta fillojnë marshimin të dytët.

Numrat 2:17 (ALB)
Pastaj do të niset për marshim çadra e mbledhjes bashkë me kampin e Levitëve në mes të kampeve të tjera. Do ta fillojnë marshimin në po atë rend të sistemimit të tyre, duke qëndruar secili në vendin e tij, pranë flamurit të vet.

Numrat 2:18 (ALB)
Në krahun perëndimor do të jetë flamuri i kampit të Efraimit simbas renditjes së tij, prijësi i bijve të Efraimit është Elishama, bir i Amihudit;

Numrat 2:19 (ALB)
ata që u regjistruan në divizionin e tij ishin dyzet mijë e pesëqind.

Numrat 2:20 (ALB)
Pranë tij do të zërë vend fisi i Manasit; prijësi i bijve të Manasit është Gamalieli, bir i Pedahtsurit;

Numrat 2:21 (ALB)
ata që u regjistruan në divizionin e tij ishin tridhjetë e dy mijë e dyqind.

Numrat 2:22 (ALB)
Pastaj do të vijë fisi i Beniaminit; prijësi i bijve të Beniaminit është Abidan, bir i Gideonit;

Numrat 2:23 (ALB)
ata që u regjistruan në divizionin e tij ishin tridhjetë e pesë mijë e katërqind.

Numrat 2:24 (ALB)
Të gjithë ata që janë regjistruar në kampin e Efraimit, simbas divizioneve të tyre, ishin njëqind e tetë mijë e njëqind. Këta do ta fillojnë marshimin të tretët.

Numrat 2:25 (ALB)
Në krahun perëndimor do të jetë flamuri i kampit të Danit simbas renditjes së tij; prijësi i bijve të Danit është Ahiezeri, bir i Amishadait;

Numrat 2:26 (ALB)
ata që u regjistruan në divizionin e tij ishin gjashtëdhjetë e dy mijë e shtatëqind.

Numrat 2:27 (ALB)
Pranë tij do të zërë vend fisi i Asherit; prijësi i bijve të Asherit është Pagieli, bir i Okranit;

Numrat 2:28 (ALB)
ata që u regjistruan në divizionin e tij ishin dyzet e një mijë e pesëqind.

Numrat 2:29 (ALB)
Pastaj do të vijë fisi i Neftalit; prijësi i bijve të Neftalit është Ahira, bir i Enanit;

Numrat 2:30 (ALB)
ata që u regjistruan në divizionin e tij ishin pesëdhjetë e tre mijë e katërqind.

Numrat 2:31 (ALB)
Të gjithë ata që u regjistruan në divizionin e Danit, ishin njëqind e pesëdhjetë e shtatë mijë e gjashtëqind. Ata do të nisen për marshim të fundit, pranë flamujve të tyre".

Numrat 2:32 (ALB)
Këta janë bijtë e Izraelit që u regjistruan në bazë të shtëpive të etërve të tyre. Të gjithë ata që u regjistruan në kampet e ndryshme simbas divizioneve të tyre ishin gjashtëqind e tre mijë e pesëqind e pesëdhjetë.

Numrat 2:33 (ALB)
Por Levitët nuk u regjistruan me bijtë e Izraelit, sepse kështu e kishte urdhëruar Zoti Moisiun.

Numrat 2:34 (ALB)
Bijtë e Izraelit iu bindën të gjitha urdhrave që Zoti i kishte dhënë Moisiut: kështu ata fushuan pranë flamurëve të tyre dhe kështu e nisnin marshimin, secili simbas familjes së tij dhe simbas shtëpisë së etërve të tij.

Previous Chapter
« Numrat 1

Next Chapter
Numrat 3 »

Numrat (ALB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36

ALB Book Selection List

View full list of ALB Bible Books and Chapters