Numrat 13 | ALB Bible Study

Numrat 13:1 (ALB)
Zoti i foli Moisiut, duke i thënë:

Numrat 13:2 (ALB)
"Dërgo njerëz të kqyrin vendin e Kanaanit që unë po u jap bijve të Izraelit. Do të dërgoni një nga çdo fis i etërve të tyre; të gjithë të jenë nga princat e tyre".

Numrat 13:3 (ALB)
Kështu Moisiu i nisi nga shkretëtira e Paranit, simbas urdhrit të Zotit; të gjithë këta ishin krerë të bijve të Izraelit.

Numrat 13:4 (ALB)
Këta ishin emrat e tyre: Shamua, bir i Zakurit, për fisin e Rubenit;

Numrat 13:5 (ALB)
Shafati, bir i Horit, për fisin e Simeonit;

Numrat 13:6 (ALB)
Kalebi, bir i Jefunehut, për fisin e Judës;

Numrat 13:7 (ALB)
Igali, bir i Jozefit, për fisin e Isakarit;

Numrat 13:8 (ALB)
Hoshea, bir i Nunit, për fisin e Efraimit;

Numrat 13:9 (ALB)
Palti, bir i Rafut, për fisin e Beniaminit;

Numrat 13:10 (ALB)
Gadieli, bir i Sodit, për fisin e Zabulonit;

Numrat 13:11 (ALB)
Gadi, bir i Susit, për fisin e Jozefit, domethënë për fisin e Manasit;

Numrat 13:12 (ALB)
Amieli, bir i Gemalit, për fisin e Danit;

Numrat 13:13 (ALB)
Seturi, bir i Mikaelit, për fisin e Asherit;

Numrat 13:14 (ALB)
Nahbi, bir i Vofsit, për fisin e Neftalit;

Numrat 13:15 (ALB)
Geueli, bir i Makit, për fisin e Gadit.

Numrat 13:16 (ALB)
Këto janë emrat e personave që Moisiu dërgoi për të vëzhguar vendin. Moisiu i vuri Hosheas, birit të Nunit, emrin e Jozueut.

Numrat 13:17 (ALB)
Moisiu, pra, i dërgoi për të vëzhguar vendin e Kanaanit dhe u tha atyre: "Ngjituni që këtej në Negev dhe pastaj në krahinën malore,

Numrat 13:18 (ALB)
për të parë si është vendi, në qoftë se populli që banon aty është i fortë apo i dobët, i pakët në numër apo i shumtë;

Numrat 13:19 (ALB)
si është vendi ku banon, i mirë apo i keq, si janë qytetet në të cilat jeton, a ka kampe ose vende të fortifikuara;

Numrat 13:20 (ALB)
dhe si është toka, pjellore apo e varfër, në rast se ka pemë ose jo. Bëhuni trima dhe sillni frytet nga ky vend". Ishte koha kur kishte filluar të piqej rrushi.

Numrat 13:21 (ALB)
Ata u ngjitën, pra, dhe vëzhguan vendin e Tsinit deri në Rehob, duke hyrë në të nga ana e Hamathit.

Numrat 13:22 (ALB)
U ngjitën përmes Negevit dhe shkuan deri në Hebron, ku ishin Ahimani, Sheshai dhe Talmai, pasardhës të Anakut. (Hebronin e kishin ndërtuar shtatë vjet para Tsoanit në Egjipt).

Numrat 13:23 (ALB)
Arritën pastaj deri në luginën e Eshkolit, ku prenë një degë me një vile rrushi, që e mbanin që të dy me një purtekë; dhe morën gjithashtu shegë dhe fiq.

Numrat 13:24 (ALB)
Ky vend u quajt lugina e Eshkolit, për shkak të viles së rrushit që bijtë e Izraelit prenë aty.

Numrat 13:25 (ALB)
Mbas dyzet ditësh ata u kthyen nga vëzhgimi i vendit,

Numrat 13:26 (ALB)
dhe shkuan të takojnë Moisiun, Aaronin dhe tërë asamblenë e bijve të Izraelit në shkretëtirën e Paranit, në Kadesh; para tyre dhe tërë asamblesë paraqitën një raport dhe u treguan pemët e vendit.

Numrat 13:27 (ALB)
Kështu para tij raportuan duke thënë: "Ne arritëm në vendin ku na dërgove; aty rrjedh me të vërtetë qumësht dhe mjaltë, dhe këto janë pemët e tij.

Numrat 13:28 (ALB)
Por populli që banon në këtë vend është i fortë, qytetet janë të fortifikuara dhe shumë të mëdha; dhe aty pamë edhe pasardhësit e Anakut.

Numrat 13:29 (ALB)
Amalekitët banojnë në krahinën e Negevit; Hitejtë, Gebusejtë dhe Amorejtë banojnë përkundrazi në krahinën malore, ndërsa Kananejtë banojnë pranë detit dhe gjatë Jordanit".

Numrat 13:30 (ALB)
Atëherë Kalebi e qetësoi popullin që murmuriste kundër Moisiut dhe tha: Le të ngjitemi menjëherë dhe ta pushtojmë vendin, sepse këtë mund ta bëjmëë me siguri".

Numrat 13:31 (ALB)
Por njerëzit që kishin shkuar me të thanë: "Nuk mund të sulemi kundër këtij populli, sepse është më i fortë se ne".

Numrat 13:32 (ALB)
Kështu i paraqitën një informacion të keq për vendin që kishin vëzhguar duke thënë: "Vendi që kemi përshkuar për ta vëzhguar është një vend që i ha banorët e tij; dhe të gjithë njerëzit që kemi parë në të janë njerëz me shtat të lartë.

Numrat 13:33 (ALB)
Përveç kësaj aty pamë gjigantë (pasardhësit e Anakut rrjedhin nga gjigantët), përballë të cilëve na dukej se ishim karkaleca, dhe kështu duhet t’u dukeshim atyre".

Previous Chapter
« Numrat 12

Next Chapter
Numrat 14 »

Numrat (ALB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36

ALB Book Selection List

View full list of ALB Bible Books and Chapters