Numrat 10:1 (ALB)
Zoti i foli akoma Moisiut, duke i thënë

Numrat 10:2 (ALB)
"Bëj dy bori prej argjendi; do t’i bësh me argjend të rrahur; do t’i përdorësh për të thirrur asamblenë dhe për të lëvizur fushimet.

Numrat 10:3 (ALB)
Nën tingullin e të dyjave gjithë asambleja do të mblidhet pranë teje, në hyrje të çadrës së mbledhjes.

Numrat 10:4 (ALB)
Nën tingullin e njerës bori, prijësit, krerët e divizioneve të Izraelit do të mblidhen pranë teje.

Numrat 10:5 (ALB)
Kur do t’i bini alarmit për herë të parë, ata që janë në lindje do të vihen në lëvizje.

Numrat 10:6 (ALB)
Kur do t’i bini alarmit për herë të dytë, ata që janë në jug do të vihen në lëvizje; duhet t’i bini alarmit që të vihen në lëvizje.

Numrat 10:7 (ALB)
Kur duhet të mblidhet asambleja do t’i bini borisë, pa i rënë alarmit.

Numrat 10:8 (ALB)
Do t’u bien borive bijtë e Aaronit, priftërinjtë; ky do të jetë një statut i përjetshëm për ju dhe për trashëgimtarët tuaj.

Numrat 10:9 (ALB)
Kur në vendin tuaj do të shkoni në luftë kundër armikut që ju shtyp, do t’i bini alarmit me boritë; kështu do të kujtoheni përpara Zotit Perëndisë tuaj, dhe do të çliroheni nga armiqtë tuaj.

Numrat 10:10 (ALB)
Po kështu në ditët tuaja të gëzimit, në festat tuaja të caktuara dhe në fillim të muajve tuaj të parë, do t’u bini borive me rastin e olokausteve dhe të flijimeve tuaja të falënderimit; dhe kështu ato do të bëjnë që të kujtoheni përpara Perëndisë tuaj. Unë jam Zoti, Perëndia juaj".

Numrat 10:11 (ALB)
Por ndodhi që në vitin e dytë, në muajin e dytë, ditën e njëzetë të muajit, reja u ngrit mbi tabernakullin e dëshmisë.

Numrat 10:12 (ALB)
Dhe bijtë e Izraelit u nisën për rrugë, duke lënë shkretëtirën e Sinait; pastaj reja u ndal në shkretëtirën e Paranit.

Numrat 10:13 (ALB)
Kështu u nisën për rrugë herën e parë simbas urdhrit që Zoti kishte dhënë me anë të Moisiut.

Numrat 10:14 (ALB)
I pari lëvizi flamuri i kampit të bijve të Judës, i ndarë simbas formacioneve të tij. Divizionin e Judës e komandonte Nahshoni, bir i Aminadabit.

Numrat 10:15 (ALB)
Nethaneeli, bir i Tsuarit, komandonte divizionin e fisit të bijve të Isakarit,

Numrat 10:16 (ALB)
ndërsa Eliabi, bir i Helonit, komandonte divizionin e fisit të bijve të Zabulonit.

Numrat 10:17 (ALB)
Pastaj u çmontua tabernakulli dhe bijtë e Merarit dhe të Gershonit u nisën për rrugë, duke transportuar tabernakullin.

Numrat 10:18 (ALB)
Pastaj u vu në lëvizje flamuri i kampit të Rubenit, i ndarë simbas formacioneve të tij. Divizionin e Rubenit e komandonte Elitsuri, bir i Shedeurit.

Numrat 10:19 (ALB)
Shelumieli, bir i Tsurishadait, komandonte divizionin e fisit të bijve të Simeonit,

Numrat 10:20 (ALB)
ndërsa Eliasafi, bir i Deuelit, komandonte divizionin e fisit të bijve të Gadit.

Numrat 10:21 (ALB)
Pastaj u vunë në lëvizje Kehathitët, duke transportuar sendet e shenjta; ata do ta ngrinin tabernakullin para ardhjes së tyre.

Numrat 10:22 (ALB)
Pas kësaj u nis flamuri i kampit të bijve të Efraimit, i ndarë simbas formacioneve të tij. Divizionin e Efraimit e komandonte Elishama, bir i Amihudit.

Numrat 10:23 (ALB)
Gamalieli, bir i Pedahtsurit, komandonte divizionin e fisit të bijve të Manasit,

Numrat 10:24 (ALB)
ndërsa Abidani, bir i Gideonit, komandonte divizionin e fisit të bijve të Beniaminit.

Numrat 10:25 (ALB)
Pastaj filloi të lëvizë flamuri i kampit të bijve të Danit, i ndarë simbas formacioneve të tij, që përbënte praparojën e të gjitha kampeve. Divizioni i Danit komandohej nga Ahiezieri, bir i Amishadait.

Numrat 10:26 (ALB)
Pagieli, bir i Okranit, komandonte divizionin e fisit të bijve të Asherit,

Numrat 10:27 (ALB)
ndërsa Ahira, bir i Enanit, komandonte divizionin e fisit të bijve të Neftalit.

Numrat 10:28 (ALB)
Kjo ishte radha e marshimit të bijve të Izraelit, simbas divizioneve të tyre. Kështu u vunë në lëvizje.

Numrat 10:29 (ALB)
Por Moisiu i tha Hobabit, birit të Reuelit, Madianitit, vjehrri i Moisiut: "Ne po vihemi në marshim drejt vendit për të cilin Zoti ka thënë Unë do t’jua japp". Eja me ne dhe do të të bëjmë të mira, sepse Zoti i ka premtuar gjëra të mira Izraelit".

Numrat 10:30 (ALB)
Hobabi iu përgjegj: "Unë nuk do të vij, por do të kthehem në vendin tim te të afërmit e mi".

Numrat 10:31 (ALB)
Atëherë Moisiu i tha: "Mos na lërë, sepse ti e di ku duhet të fushojmë në shkretëtirë dhe ti do të jesh si sytë për ne.

Numrat 10:32 (ALB)
Në qoftë se vjen me ne, çdo të mirë që do të na bëjë Zoti, ne do të ta bëjmë ty".

Numrat 10:33 (ALB)
Kështu u nisën nga mali i Zotit dhe ecën tri ditë; dhe arka e besëlidhjes së Zotit shkoi para tyre gjatë një udhëtimi prej tri ditësh, për të gjetur një vend ku ata të pushonin.

Numrat 10:34 (ALB)
Dhe reja e Zotit qëndronte mbi ta gjatë ditës, kur niseshin nga kampi.

Numrat 10:35 (ALB)
Kur nisej arka, Moisiu thoshte; "Çohu, o Zot, me qëllim që të shkatërrohen armiqtë e tu dhe të ikin me vrap para teje ata që të urrejnë!".

Numrat 10:36 (ALB)
Dhe kur ndalej, thoshte: "Kthehu, o Zot, pranë morisë së madhe të njerëzve të Izraelit!".