Mateu 4:1 (ALB)
Atëherë Fryma e çoi Jezusin në shkretëtirë, që djalli ta tundonte.

Mateu 4:2 (ALB)
Dhe, mbasi agjëroi dyzet ditë e dyzet net, në fund e mori uria.

Mateu 4:3 (ALB)
Atëherë tunduesi, pasi iu afrua, i tha: “Në qoftë se je Biri i Perëndisë, thuaj që këta gurë të bëhen bukë.”

Mateu 4:4 (ALB)
Por ai, duke iu përgjigjur, tha: “Éshtë shkruar: "Njeriu nuk rron vetëm me bukë, por me çdo fjalë që del nga goja e Perëndisë".”

Mateu 4:5 (ALB)
Atëherë djalli e çoi në qytetin e shenjtë dhe e vendosi në majë të tempullit

Mateu 4:6 (ALB)
dhe i tha: “Nëse je Biri i Perëndisë, hidhu poshtë, sepse është shkruar: Ai do t’u japë urdhër engjëjve të tij për ty; edhe ata do të mbajnë mbii duart e tyre që të mos ndeshësh me këmbën tënde ndonjë gur".”

Mateu 4:7 (ALB)
Jezusi i tha: “Éshtë shkruar gjithashtu: "Mos e tundo Zotin, Perëndinë tënd".”

Mateu 4:8 (ALB)
Djalli e çoi sërish mbi një mal shumë të lartë dhe i tregoi të gjitha mbretëritë e botës dhe lavdinë e tyre,

Mateu 4:9 (ALB)
dhe i tha: “Unë do të t’i jap të gjitha këto, nëse ti bie përmbys para meje dhe më adhuron.”

Mateu 4:10 (ALB)
Atëherë Jezusi i tha: “Shporru, Satan, sepse është shkruar: "Adhuro Zotin, Perëndinë tënde, dhe shërbeji vetëm atij".”

Mateu 4:11 (ALB)
Atëherë djalli e la; dhe ja, u afruan engjëjt dhe i shërbenin.

Mateu 4:12 (ALB)
Jezusi, mbasi dëgjoi se Gjonin e kishin futur në burg, u tërhoq në Galile.

Mateu 4:13 (ALB)
Pastaj la Nazaretin dhe shkoi të banojë në Kapernaum, qytet bregdetar, në kufijtë të Zabulonit dhe të Neftalit,

Mateu 4:14 (ALB)
që të përmbushej ç’ishte thënë nëpërmjet profetit Isaia kur tha:

Mateu 4:15 (ALB)
“Toka e Zabulonit, toka e Neftalit, mbi bregun e detit, krahina përtej Jordanit, Galileja e paganëve,

Mateu 4:16 (ALB)
populli që dergjej në errësirë ka parë një dritë të madhe, dhe përmbi ata që dergjeshin në krahinë dhe në hijen e vdekjes, doli drita.”

Mateu 4:17 (ALB)
Që nga ajo kohë Jezusi filloi të predikojë dhe të thotë: “Pendohuni, sepse mbretëria e qiejve është afër!.”

Mateu 4:18 (ALB)
Duke ecur gjatë bregut të detit të Galilesë, Jezusi pa dy vëllezër: Simonin, të quajtur Pjetër, dhe Andrean, të vëllanë, të cilët po hidhnin rrjetën në det, sepse ishin peshkatarë;

Mateu 4:19 (ALB)
dhe u tha atyre: “Ndiqmëni dhe unë do t’ju bëj peshkatarë njerëzish.”

Mateu 4:20 (ALB)
Dhe ata i lanë menjëherë rrjetat dhe e ndoqën.

Mateu 4:21 (ALB)
Dhe, duke vazhduar rrugën, pa dy vëllezër të tjerë: Jakobin, birin e Zebedeut dhe Gjonin, vëllanë e tij, në barkë bashkë me Zebedeun, atin e tyre, duke ndrequr rrjetat; dhe i thirri.

Mateu 4:22 (ALB)
Dhe ata lanë menjëherë barkën dhe atin e tyre dhe i shkuan pas.

Mateu 4:23 (ALB)
Jezusi shkonte kudo nëpër Galile, duke mësuar në sinagogat e tyre, duke predikuar ungjillin e mbretërisë dhe duke shëruar çdo sëmundje dhe çdo lëngatë në popull.

Mateu 4:24 (ALB)
Dhe fama e tij u përhap në gjithë Sirinë; dhe i sillnin të gjithë të sëmurët që vuanin nga lëngata dhe dhimbje të ndryshme, të demonizuar, epileptikë dhe paralitikë; dhe ai i shëronte.

Mateu 4:25 (ALB)
Dhe një mori e madhe njerëzish i shkonte pas, nga Galileja, nga Dekapoli, nga Jeruzalemi, nga Judeja dhe nga përtej Jordanit.