Mateu 22 | ALB Bible Study

Mateu 22:1 (ALB)
Dhe Jezusi, nisi përsëri t’u flasë atyre me shëmbëlltyra, duke thënë:

Mateu 22:2 (ALB)
“Mbretëria e qiejve i ngjan një mbreti, i cili përgatiti dasmën e të birit.

Mateu 22:3 (ALB)
Dhe dërgoi shërbëtorët e vet për të thirrur të ftuarit në dasmë, por ata nuk deshën të vijnë.

Mateu 22:4 (ALB)
Dërgoi përsëri shërbëtorë të tjerë duke thënë: "U thoni të ftuarve: Ja unë e kam shtruar drekën time, viçat e mi dhe bagëtia ime e majmur janë therur dhe gjithçka është gati; ejani në dasmë".

Mateu 22:5 (ALB)
Por ata, pa e përfillur, shkuan: dikush në arën e vet e dikush në punët e veta.

Mateu 22:6 (ALB)
Dhe të tjerët, mbasi kapën shërbëtorët e tij, i shanë dhe i vranë.

Mateu 22:7 (ALB)
Mbreti atëhërë, kur dëgjoi këtë, u zemërua dhe dërgoi ushtritë e veta për të shfarosur ata gjaksorë dhe dogji qytetin e tyre.

Mateu 22:8 (ALB)
Atëherë u tha shërbëtorëve të vet: "Dasma është gati, por të ftuarit nuk ishin të denjë.

Mateu 22:9 (ALB)
Shkoni, pra, në udhëkryqe dhe ftoni në dasmë këdo që të gjeni."

Mateu 22:10 (ALB)
Dhe ata shërbëtorët dolën nëpër rrugë, mblodhën të gjithë ata që gjetën, të këqij dhe të mirë, dhe vendi i dasmës u mbush me të ftuar.

Mateu 22:11 (ALB)
Atëherë mbreti hyri për të parë të ftuarit dhe gjeti aty një njeri që nuk kishte veshur rrobë dasme;

Mateu 22:12 (ALB)
dhe i tha: "Mik, si hyre këtu pa pasur rrobë dasme?". Dhe ai mbylli gojën.

Mateu 22:13 (ALB)
Atëherë mbreti u tha shërbëtorëve: "Lidheni duar dhe këmbë, kapeni dhe hidheni në errësirat e jashtme. Atje do të jetë e qara dhe kërcëllim dhëmbësh".

Mateu 22:14 (ALB)
Sepse shumë janë të thirrur, por pak janë të zgjedhur.”

Mateu 22:15 (ALB)
Atëherë farisenjtë u veçuan dhe bënin këshill se si ta zinin gabim në fjalë.

Mateu 22:16 (ALB)
Dhe i dërguan dishepujt e tyre bashkë me herodianët, për t’i thënë: “Mësues, ne e dimë se ti je i vërtetë dhe që mëson udhën e Perëndisë në të vërtetë, pa marrë parasysh njeri, sepse ti nuk shikon pamjen e jashtme të njerëzve.

Mateu 22:17 (ALB)
Na thuaj, pra: Si e mendon? A është e ligjshme t’i paguhet taksa Cezarit apo jo?.”

Mateu 22:18 (ALB)
Por Jezusi, duke e njohur ligësinë e tyre, tha: “Pse më tundoni, o hipokritë?

Mateu 22:19 (ALB)
Më tregoni monedhën e taksës.” Atëherë ata i treguan një denar.

Mateu 22:20 (ALB)
Dhe ai u tha atyre: “E kujt është kjo fytyrë dhe ky mbishkrim?.”

Mateu 22:21 (ALB)
Ata i thanë: “E Cezarit.” Atëherë ai u tha atyre: “Jepni, pra, Cezarit atë që i përket Cezarit dhe Perëndisë atë që i përket Perëndisë.”

Mateu 22:22 (ALB)
Dhe ata, kur e dëgjuan këtë, u mrekulluan, e lanë, dhe ikën.

Mateu 22:23 (ALB)
Po atë ditë erdhën tek ai saducenjtë, të cilët thonë se nuk ka ringjallje, dhe e pyetën

Mateu 22:24 (ALB)
duke thënë: “Mësues, Moisiu ka thënë: "Në se dikush vdes pa lënë fëmijë, i vëllai le të martohet me gruan e tij, për t’i lindur trashëgimtarë vëllait të tij.

Mateu 22:25 (ALB)
Tani ndër ne ishin shtatë vëllezër; i pari u martua dhe vdiq dhe duke mos pasë trashëgimtarë, ia la gruan vëllait të vet.

Mateu 22:26 (ALB)
Kështu edhe i dyti dhe i treti, deri tek i shtati.

Mateu 22:27 (ALB)
Në fund vdiq edhe gruaja.

Mateu 22:28 (ALB)
Në ringjallje, pra, e kujt nga këta të shtatë do të jetë grua? Sepse të gjithë e patën gruaja.”

Mateu 22:29 (ALB)
Por Jezusi, duke u përgjigjur u tha atyre: “Ju bëni gabim, sepse nuk e kuptoni as Shkrimin as pushtetin e Perëndisë.

Mateu 22:30 (ALB)
Në ringjallje, pra, as martohen as martojnë, por ata do të jenë në qiell si engjëjt e Perëndisë.

Mateu 22:31 (ALB)
Pastaj sa për ringjalljen e të vdekurve, a nuk e keni lexuar ç’ju ishte thënë nga Perëndia kur thotë:

Mateu 22:32 (ALB)
"Unë jam Perëndia i Abrahamit, Perëndia i Isakut dhe i Jakobit"? Perëndia nuk është Perëndia i të vdekurve, por i të gjallëve.”

Mateu 22:33 (ALB)
Dhe turmat, kur i dëgjuan këto gjëra, habiteshin nga doktrina e tij.

Mateu 22:34 (ALB)
Atëherë farisenjtë, kur dëgjuan se ai ua kishte zënë gojën saducenjve, u mblodhën tok.

Mateu 22:35 (ALB)
Dhe një nga ata, mësues i ligjit, e pyeti për të vënë në provë, duke thënë:

Mateu 22:36 (ALB)
“Mësues, cili është urdhërimi i madh i ligjit?.”

Mateu 22:37 (ALB)
Dhe Jezusi i tha: “"Duaje Zotin, Perëndinë tënde me gjithë zemrën tënde, me gjithë shpirtin tënd dhe me gjithë mendjen tënde".

Mateu 22:38 (ALB)
Ky është urdhërimi i parë dhe i madhi.

Mateu 22:39 (ALB)
Dhe i dyti, i ngjashëm me këtë, është: "Duaje të afërmin tënd porsi vetveten".

Mateu 22:40 (ALB)
Nga këto dy urdhërime varet i tërë ligji dhe profetët.”

Mateu 22:41 (ALB)
Tani, kur u mblodhën farisenjtë, Jezusi i pyeti:

Mateu 22:42 (ALB)
“Ç’u duket juve për Krishtin? Biri i kujt është?.” Ata i thanë: “I Davidit.”

Mateu 22:43 (ALB)
Ai u tha atyre: “Si pra Davidi, në Frymë, e quan Zot, duke thënë:

Mateu 22:44 (ALB)
"Zoti i ka thënë Zotit tim: Ulu në të djathtën time, deri sa unë t’i vë armiqtë e tu si stol të këmbëve të tua"?

Mateu 22:45 (ALB)
Në qoftë se Davidi e quan Zot, si mund të jetë biri i tij?.”

Mateu 22:46 (ALB)
Por asnjë nuk ishte në gjendje t’i përgjigjej; dhe, që nga ajo ditë, askush nuk guxoi ta pyesë më.

Mateu 22 ALB

Mateu (ALB) Chapter Selection

ALB Book Selection List