Mateu 1:1 (ALB)
Libri i gjenealogjisë së Jezu Krishtit, birit të Davidit, birit të Abrahamit.

Mateu 1:2 (ALB)
Abrahamit i lindi Isaku; Isakut i lindi Jakobi; Jakobit i lindi Juda dhe vëllezërit e tij.

Mateu 1:3 (ALB)
Judës i lindi nga Tamara Faresi dhe Zara; Faresit i lindi Esromi; Esromit i lindi Arami;

Mateu 1:4 (ALB)
Aramit i lindi Aminadabi; Aminadabit i lindi Naasoni; Naasonit i lindi Salmoni.

Mateu 1:5 (ALB)
Salmonit i lindi Boozi nga Rahabi; Boozit i lindi Obedi nga Ruthi; Obedit i lindi Jeseu.

Mateu 1:6 (ALB)
Jeseut i lindi Davidi mbret; mbretit David i lindi Salomoni nga ajo që kishte qenë bashkëshortja e Urias.

Mateu 1:7 (ALB)
Salomonit i lindi Roboami; Roboamit i lindi Abia; Abias i lindi Asai.

Mateu 1:8 (ALB)
Asait i lindi Jozafati; Jozafatit i lindi Jorami; Joramit i lindi Ozia.

Mateu 1:9 (ALB)
Ozias i lindi Joatami; Joatamit i lindi Akazi; Akazit i lindi Ezekia.

Mateu 1:10 (ALB)
Ezekias i lindi Manaseu; Manaseut i lindi Amoni; Amonit i lindi Josia.

Mateu 1:11 (ALB)
Josias i lindi Jekonia dhe vëllezërit e tij në kohën e internimit në Babiloni.

Mateu 1:12 (ALB)
Pas internimit në Babiloni Jekonias i lindi Salatieli; Salatielit i lindi Zorobabeli.

Mateu 1:13 (ALB)
Zorobabelit i lindi Abiudi; Abiudit i lindi Eliakimi; Eliakimit i lindi Azori.

Mateu 1:14 (ALB)
Azorit i lindi Sadoku; Sadokut i lindi Akimi; Akimit i lindi Eliudi.

Mateu 1:15 (ALB)
Eliudit i lindi Eleazari, Eleazarit i lindi Matthani, Matthanit i lindi Jakobi.

Mateu 1:16 (ALB)
Jakobit i lindi Jozefi, bashkëshorti i Marisë, nga e cila lindi Jezusi, që quhet Krisht.

Mateu 1:17 (ALB)
Kështu të gjithë brezat nga Abrahami deri te Davidi bëhen katërmbëdhjetë breza; dhe, nga Davidi deri te internimi në Babiloni, katërmbëdhjetë breza; dhe, nga internimi në Babiloni deri te Krishti, katërmbëdhjetë breza.

Mateu 1:18 (ALB)
Tani lindja e Jezu Krishtit ndodhi në këtë mënyrë: Maria, nëna e tij, i ishte premtuar Jozefit, por para se të fillonin të rrinin bashkë, mbeti shtatzënë nga Frymën e Shenjtë.

Mateu 1:19 (ALB)
Atëherë Jozefi, i fejuari i saj, i cili ishte njeri i drejtë dhe nuk donte ta poshtëronte botërisht, vendosi ta linte fshehtas.

Mateu 1:20 (ALB)
Por, ndërsa bluante me vete këto çështje, ja që iu shfaq në ëndërr një engjell i Zotit dhe i tha: “Jozef, bir i Davidit, mos ki frikë ta marrësh me vete Marinë si gruan tënde, sepse ç’është ngjizur në të është vepër e Frymës së Shenjtë.

Mateu 1:21 (ALB)
Dhe ajo do të lindë një djalë dhe ti do t’i vësh emrin Jezus, sepse ai do të shpëtojë popullin e tij nga mëkatet e tyre.”

Mateu 1:22 (ALB)
E gjithë kjo ndodhi që të përmbushej fjala e Zotit, e thënë me anë të profetit që thotë:

Mateu 1:23 (ALB)
“Ja, virgjëresha do të mbetet shtatzënë dhe do të lindë një djalë, të cilit do t’i venë emrin Emanuel, që do të thotë: "Zoti me ne".”

Mateu 1:24 (ALB)
Dhe Jozefi, si u zgjua nga gjumi, veproi ashtu siç e kishte urdhëruar engjëlli i Zotit dhe e mori pranë vetës gruan e tij;

Mateu 1:25 (ALB)
por ai nuk e njohu, derisa ajo lindi djalin e saj të parëlindur, të cilit ia vuri emrin Jezus.