Veprat e Apostujve 2 | ALB Bible Study

Veprat e Apostujve 2:1 (ALB)
Kur erdhi dita e Rrëshajëve, ata ishin të gjithë bashkë, në një mendje të vetme, në të njëjtin vend.

Veprat e Apostujve 2:2 (ALB)
Dhe befas nga qielli erdhi një ushtimë, si ajo e një ere që fryn furishëm, dhe e mbushi gjithë shtëpinë ku ata po rrinin.

Veprat e Apostujve 2:3 (ALB)
Dhe atyre u dukën gjuhë, si prej zjarri, të cilat ndaheshin dhe zinin vend mbi secilin prej tyre.

Veprat e Apostujve 2:4 (ALB)
Kështu të gjithë u mbushën me Frymën e Shenjtë dhe filluan të flasin në gjuhë të tjera, ashtu si Fryma e Shenjtë ua jepte të shpreheshin.

Veprat e Apostujve 2:5 (ALB)
Por në Jeruzalem banonin disa Judenj, njerëz të perëndishëm, nga të gjitha kombet nën qiell.

Veprat e Apostujve 2:6 (ALB)
Kur u dëgjua ajo ushtimë, turma u mblodh dhe u hutua, sepse secili nga ata i dëgjonte të flisnin në gjuhën e vet.

Veprat e Apostujve 2:7 (ALB)
Dhe të gjithë habiteshin dhe mrekulloheshin dhe i thoshnin njëri-tjetrit: “Ja, a nuk janë të gjithë Galileas këta që flasin?

Veprat e Apostujve 2:8 (ALB)
Si vallë secili nga ne i dëgjon të flasin në gjuhën e vet amtare?

Veprat e Apostujve 2:9 (ALB)
Ne Partët, Medët, Elamitët dhe banorët e Mesopotamisë, të Judesë dhe të Kapadokisë, të Pontit dhe të Azisë,

Veprat e Apostujve 2:10 (ALB)
të Frigjisë e të Pamfilisë, të Egjiptit dhe të pjesëve të Libisë përballë Kirenës, dhe ne të ardhur nga Roma, Judenj dhe prozelitë,

Veprat e Apostujve 2:11 (ALB)
Kretas dhe Arabë, i dëgjojmë të flasin për gjërat e mëdha të Perëndisë në gjuhët tona!.”

Veprat e Apostujve 2:12 (ALB)
Dhe të gjithë habiteshin dhe ishin hutuar dhe i thonin njëri-tjetrit: “Ç’do të thotë kjo?.”

Veprat e Apostujve 2:13 (ALB)
Kurse të tjerë i përqeshnin dhe thonin: “Janë plot me verë të ëmbël!.”

Veprat e Apostujve 2:14 (ALB)
Por Pjetri u çua në këmbë bashkë me të njëmbëdhjetët dhe u foli atyre me zë të lartë: “Judenj dhe ju të gjithë që banoni në Jeruzalem, merrni njoftim për këtë dhe dëgjoni me vëmendje fjalët e mia.

Veprat e Apostujve 2:15 (ALB)
Këta nuk janë të dehur, siç po mendoni ju, sepse është vetëm ora e tretë e ditës.

Veprat e Apostujve 2:16 (ALB)
Por kjo është ajo që ishte thënë nëpërmjet profetit Joel:

Veprat e Apostujve 2:17 (ALB)
"Dhe në ditët e fundit do të ndodhë, thotë Perëndia, që unë do të përhap nga Fryma ime mbi çdo mish; dhe bijtë tuaj e bijat tuaja do të profetizojnë, të rinjtë tuaj do të shohin vegime dhe të moshuarit tuaj do të shohin ëndrra.

Veprat e Apostujve 2:18 (ALB)
Në ato ditë do të përhap nga Fryma im mbi shërbëtorët e mi dhe mbi shërbëtoret e mia, dhe do të profetizojnë.

Veprat e Apostujve 2:19 (ALB)
Dhe do të bëj mrekulli lart në qiell dhe shenja poshtë mbi tokë: gjak, zjarr e avull tymi.

Veprat e Apostujve 2:20 (ALB)
Dielli do të kthehet në errësirë dhe hëna në gjak, para se të vijë dita e madhe dhe e lavdishme e Zotit.

Veprat e Apostujve 2:21 (ALB)
Dhe do të ndodhë që kush ta ketë thirrur emrin e Zotit, do të shpëtohet".

Veprat e Apostujve 2:22 (ALB)
Burra të Izraelit, dëgjoni këto fjalë: Jezusi Nazareas, njeriu i dëftuar nga Perëndia ndër ju me vepra të fuqishme, me mrekulli dhe shenja që Perëndia bëri ndër ju me anë të ti tij, siç edhe vet e dini,

Veprat e Apostujve 2:23 (ALB)
ai, pra, sipas këshillit të caktuar dhe të paranjohur të Perëndisë, ju dorëzua juve dhe ju e zutë dhe, me duart e të padrejtëve, e gozhduat në kryq dhe e vratë.

Veprat e Apostujve 2:24 (ALB)
Por Perëndia e ka ringjallur, pasi e zgjidhi nga ankthet e vdekjes, sepse nuk ishte e mundur që vdekja ta mbante atë.

Veprat e Apostujve 2:25 (ALB)
Në fakt Davidi thotë për të: "E pata vazhdimisht Zotin para meje, sepse ai është në të djathtën time, që unë të mos hiqem.

Veprat e Apostujve 2:26 (ALB)
Për këtë u gëzua zemra ime dhe ngazëlloi gjuha ime, dhe edhe mishi im do të qëndrojë në shpresë.

Veprat e Apostujve 2:27 (ALB)
Sepse ti nuk do ta lësh shpirtin tim në Hades dhe nuk do të lejosh që i Shenjti yt të shohë kalbjen.

Veprat e Apostujve 2:28 (ALB)
Ti më ke bërë të njoh udhët e jetës, ti do të më mbushësh me gëzim në praninë tënde".

Veprat e Apostujve 2:29 (ALB)
Vëllezër, mund të thuhet haptas për Davidin patriark që ai vdiq dhe u varros; dhe varri i tij është ndër ne deri ditën e sotme.

Veprat e Apostujve 2:30 (ALB)
Ai, pra, duke qenë profet, e dinte se Perëndia i kishte premtuar me betim se nga fryti i belit të tij, sipas mishit, do të ngjallet Krishti për t’u ulur mbi fronin e tij;

Veprat e Apostujve 2:31 (ALB)
dhe, duke parashikuar këtë, foli për ringjalljen e Krishtit, duke thënë se shpirti i tij nuk do të lihej në Hades dhe se mishi i tij nuk do të shihte kalbjen.

Veprat e Apostujve 2:32 (ALB)
Këtë Jezus, Perëndia e ka ringjallur; dhe për këtë të gjithë ne jemi dëshmitarë!

Veprat e Apostujve 2:33 (ALB)
Ai, pra, duke qenë i ngritur në të djathtë të Perëndisë dhe duke marrë nga Ati premtimin e Frymës së Shenjtë, ka përhapur atë që ju tani shihni dhe dëgjoni.

Veprat e Apostujve 2:34 (ALB)
Sepse Davidi nuk është ngritur në qiell, madje ai vetë thotë: "Zoti i ka thënë Zotit tim: Ulu në të djathtën time,

Veprat e Apostujve 2:35 (ALB)
derisa unë t’i vë armiqtë e tu si stol të këmbëve të tua!".

Veprat e Apostujve 2:36 (ALB)
Ta dijë, pra, me siguri, gjithë shtëpia e Izraelit se atë Jezus që ju e keni kryqëzuar, Perëndia e ka bërë Zot e Krisht.”

Veprat e Apostujve 2:37 (ALB)
Kur ata i dëgjuan këto gjëra, u pikëlluan në zemër dhe pyetën Pjetrin dhe apostujt: “Vëllezër, ç’duhet të bëjmë?.”

Veprat e Apostujve 2:38 (ALB)
Atëherë Pjetri u tha atyre: “Pendohuni dhe secili nga ju le të pagëzohet në emër të Jezu Krishtit për faljen e mëkateve, dhe ju do të merrni dhuratën e Frymës së Shenjtë.

Veprat e Apostujve 2:39 (ALB)
Sepse premtimi është për ju dhe për bijtë tuaj dhe për gjithë ata që janë larg, për ata që Zoti, Perëndia ynë, do t’i thërrasë.”

Veprat e Apostujve 2:40 (ALB)
Dhe me shumë fjalë të tjera u përbetohej dhe i nxiste, duke thënë: “Shpëtoni veten nga ky brez i çoroditur!.”

Veprat e Apostujve 2:41 (ALB)
Dhe ata që e pranuan fjalën e tij me gëzim, u pagëzuan; atë ditë u shtuan rreth tre mijë veta.

Veprat e Apostujve 2:42 (ALB)
Ata ishin ngulmues në zbatimin e mësimit të apostujve, në bashkësi, në thyerjen e bukës dhe në lutje.

Veprat e Apostujve 2:43 (ALB)
Dhe të gjithëve u kishte hyrë druajtja; dhe shumë shenja e mrekulli bëheshin nga dora e apostujve.

Veprat e Apostujve 2:44 (ALB)
Por gjithë ata që besonin rrinin bashkë dhe çdo gjë e kishin të përbashkët.

Veprat e Apostujve 2:45 (ALB)
Dhe i shisnin pronat e pasuritë dhe ua ndanin të gjithëve, sipas nevojës së çdonjërit.

Veprat e Apostujve 2:46 (ALB)
Dhe ngulmonin me një mendje të vetme çdo ditë në tempull dhe, duke e thyer bukën nga shtëpia në shtëpi, merrnin ushqimin me gëzim dhe me thjeshtësi zemre,

Veprat e Apostujve 2:47 (ALB)
duke lavdëruar Perëndinë dhe duke gëzuar simpatinë e gjithë popullit. Dhe Zoti i shtonte kishës çdo ditë ata që ishin shpëtuar.

Previous Chapter
« Veprat e Apostujve 1

Next Chapter
Veprat e Apostujve 3 »

Veprat e Apostujve (ALB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

ALB Book Selection List

View full list of ALB Bible Books and Chapters