Veprat e Apostujve 14:1 (ALB)
Ndodhi që edhe në Antioki ata hynë në sinagogën Ejudenjve dhe folën në mënyrë të tillë, sa një turmë e madhe Judenjsh dhe Grekësh besuan,

Veprat e Apostujve 14:2 (ALB)
Porjudenjtë që nuk besuan i nxitën dhe i acaruan shpirtrat e johebrenjve kundër vëllezërve.

Veprat e Apostujve 14:3 (ALB)
Ata, pra, qëndruan shumë kohë atje, duke folur lirisht në Zotin, i cili jepte dëshmi fjalës së hirit të tij, duke lejuar që me anë të duarve të tyre të bëheshin shenja dhe mrekulli.

Veprat e Apostujve 14:4 (ALB)
Por popullsia e qytetit u nda: disa mbanin anën e Judenjve dhe të tjerë atë të apostujve.

Veprat e Apostujve 14:5 (ALB)
Por kur u bë një orvatje nga ana e johebrenjve dhe e Judenjve me krerët e tyre për t’i keqtrajtuar apostujt dhe për t’i vrarë me gurë,

Veprat e Apostujve 14:6 (ALB)
ata e morën vesh dhe ikën në qytetet e Likaonisë: në Listra, në Derbë dhe në krahinën përreth,

Veprat e Apostujve 14:7 (ALB)
dhe atje vazhduan të ungjillëzonin.

Veprat e Apostujve 14:8 (ALB)
Dhe në Listra ishte një njeri me këmbë të paralizuara, që rrinte gjithnjë ndenjur dhe nuk kishte ecur kurrë, sepse ishte sakat që nga barku i së ëmës.

Veprat e Apostujve 14:9 (ALB)
Ky e dëgjoi duke folur Palin, i cili nguli sytë mbi të dhe pa se ai kishte besim për t’u shëruar,

Veprat e Apostujve 14:10 (ALB)
dhe tha me zë të lartë: “Çohu në këmbë!.” Dhe ai hovi lart dhe nisi të ecë.

Veprat e Apostujve 14:11 (ALB)
Turma, kur pa ç’kishte bërë Pali, e ngriti zërin duke thënë në gjuhën likaonike: “Perënditë zbritën ndër ne, në trajtë njeriu.”

Veprat e Apostujve 14:12 (ALB)
Dhe e quanin Barnabën Jupiter, Palin Mërkur, sepse ai fliste më shumë.

Veprat e Apostujve 14:13 (ALB)
Atëherë prifti i Jupiterit, që e kishte tempullin në hyrje të qytetit të tyre, solli dema me kurora pranë portave dhe donte të ofronte një flijim bashkë me turmën.

Veprat e Apostujve 14:14 (ALB)
Por apostujt Barnaba dhe Pal, kur dëgjuan këtë, i grisën rrobat e tyre dhe u turrën në mes të turmës, duke thirrur e duke thënë:

Veprat e Apostujve 14:15 (ALB)
“O burra, pse bëni këto gjëra? Edhe ne jemi njerëz me të njëjtën natyrë si ju, dhe po ju shpallim lajmin e mirë, që ju nga këto gjëra të kota të ktheheni te Perëndia e gjallë që ka bërë qiellin, dheun, detin dhe të gjitha gjërat që janë në ta.

Veprat e Apostujve 14:16 (ALB)
Në brezat që shkuan ai la që të gjitha kombet të ndjekin rrugët e tyre;

Veprat e Apostujve 14:17 (ALB)
por nuk e la veten e vet pa dëshmi, duke bërë mirë, duke na dhënë shira prej qiellit dhe stinë të frytshme dhe duke i mbushur zemrat tona me ushqim dhe gëzim.”

Veprat e Apostujve 14:18 (ALB)
Duke thënë këto gjëra, mundën t’i ndalin me vështirësi turmat që të mos u bëjnë flijim.

Veprat e Apostujve 14:19 (ALB)
Por në atë kohë erdhën disa Judenj nga Antiokia dhe nga Ikoni; ata, mbasi ia mbushën mendjen turmës, e gjuajtën me gurë Palin dhe, duke menduar se kishte vdekur, e tërhoqën zvarrë jashtë qytetit.

Veprat e Apostujve 14:20 (ALB)
Por, kur dishepujt u mblodhën rreth tij, ai u ngrit dhe hyri në qytet; dhe të nesërmen u nis me Barnabën për në Derbë.

Veprat e Apostujve 14:21 (ALB)
Dhe, mbasi ungjillëzuan atë qytet dhe bënë shumë dishepuj, u kthyen në Listra, në Ikon dhe në Antioki,

Veprat e Apostujve 14:22 (ALB)
duke fuqizuar shpirtërat e dishepujve dhe duke i këshilluar që të ngulmojnë në besim, dhe duke thënë se me shumë pikëllime duhet të hyjmë në mbretërinë e Perëndisë.

Veprat e Apostujve 14:23 (ALB)
Dhe mbasi caktuan për ta pleqtë në çdo kishë, u lutën dhe agjëruan, i lanë në dorën e Zotit, në të cilin kishin besuar.

Veprat e Apostujve 14:24 (ALB)
Dhe, mbasi e përshkuan Pisidinë, ardhën në Panfili.

Veprat e Apostujve 14:25 (ALB)
Dhe, mbasi e shpallën fjalën në Pergë, zbritën në Atali.

Veprat e Apostujve 14:26 (ALB)
Pastaj që andej lundruan për në Antioki, prej nga ishin rekomanduar në hir të Perëndisë për veprën që posa kishin kryer.

Veprat e Apostujve 14:27 (ALB)
Si arritën atje, mblodhën kishën dhe treguan ç’gjëra të mëdha kishte kryer Perëndia me anë të tyre dhe si u kishte hapur johebrenjve derën e besimit.

Veprat e Apostujve 14:28 (ALB)
Dhe qëndruan atje me dishepujt mjaft kohë.