1 Korintasve 3 | ALB Bible Study

1 Korintasve 3:1 (ALB)
Dhe unë, o vëllezër, nuk munda t’ju flas si njerëz frymëror, por ju fola si njerëz të mishit, si foshnja në Krisht.

1 Korintasve 3:2 (ALB)
Ju dhashë qumësht për të pirë dhe nuk ju dhashë ushqim të fortë, sepse nuk ishit në gjendje ta asimilonit, madje edhe tani jo, sepse jeni akoma të mishit;

1 Korintasve 3:3 (ALB)
në fakt sepse midis jush ka smirë, grindje e përçarje a nuk jeni të mishit dhe a nuk ecni sipas mënyrës së njerëzve?

1 Korintasve 3:4 (ALB)
Sepse, kur dikush thotë: “Unë jam i Palit,” dhe një tjetër: “Unë jam i Apolit,” a nuk jeni ju të mishit?

1 Korintasve 3:5 (ALB)
Kush është, pra, Pali dhe kush është Apoli, veçse shërbëtor me anë të të cilëve ju besuat, edhe ashtu si Zoti i dha gjithsecilit?

1 Korintasve 3:6 (ALB)
Unë mbolla, Apoli ujiti, po Perëndia i bëri të rriten.

1 Korintasve 3:7 (ALB)
Kështu, pra, as ai që mbjell, as ai që ujit, nuk është gjë, por Perëndia që rrit.

1 Korintasve 3:8 (ALB)
Por ai që mbjell dhe ai që ujit janë një, dhe secili do të marrë shpërblimin e vet sipas mundit të tij.

1 Korintasve 3:9 (ALB)
Ne, pra, jemi bashkëpunëtorë të Perëndisë; ju jeni ara e Perëndisë, ndërtesa e Perëndisë.

1 Korintasve 3:10 (ALB)
Sipas hirit të Perëndisë që më është dhënë, si arkitekt i ditur, unë kam hedhur themelin dhe një tjetër ndërton mbi të; por secili të ketë kujdes se si ndërton mbi të,

1 Korintasve 3:11 (ALB)
sepse askush nuk mund të hedhë themel tjetër përveç atij që është hedhur, i cili është Jezu Krishti.

1 Korintasve 3:12 (ALB)
Dhe, në qoftë se dikush ndërton mbi këtë themel ar, argjend, gurë të çmuar, dru, sanë, kashtë,

1 Korintasve 3:13 (ALB)
vepra e secilit do të shfaqet, sepse dita do ta tregojë; sepse do të zbulohet me anë të zjarrit, dhe zjarri do të provojë veprën e secilit e ç’lloji është.

1 Korintasve 3:14 (ALB)
Në qoftë se vepra që dikush ka ndërtuar mbi themelin qëndron, ai do të marrë një shpërblim,

1 Korintasve 3:15 (ALB)
në qoftë se vepra e tij digjet, ai do të pësojë humbje, por ai vetë do të shpëtohet, si përmes zjarrit.

1 Korintasve 3:16 (ALB)
A nuk e dini ju se jeni tempulli i Perëndisë dhe se Fryma e Perëndisë banon në ju?

1 Korintasve 3:17 (ALB)
Në qoftë se dikush e prish tempullin e Perëndisë, Perëndia do ta prishë atë, sepse tempulli i Perëndisë, i cili jeni ju, është i shenjtë.

1 Korintasve 3:18 (ALB)
Askush të mos mashtrojë vetveten; në qoftë se ndonjë nga ju mendon se është i urtë në këtë kohë, le të bëhet i marrë, që të mund të bëhet i urtë.

1 Korintasve 3:19 (ALB)
Sepse dituria e kësaj bote është marrëzi pranë Perëndisë, sepse është shkruar: “Ai i zë të urtët në dinakërinë e tyre”;

1 Korintasve 3:20 (ALB)
dhe përsëri: “Zoti i njeh mendimet e të urtëve se janë të kota.”

1 Korintasve 3:21 (ALB)
Prandaj asnjë të mos mburret në njerëzit, sepse të gjitha gjërat janë tuajat;

1 Korintasve 3:22 (ALB)
Pali, Apoli, Kefa, bota, jeta, vdekja, gjërat e tanishme dhe gjërat e ardhshme, të gjitha gjërat janë tuajat.

1 Korintasve 3:23 (ALB)
Dhe ju jeni të Krishtit dhe Krishti është i Perëndisë.

Previous Chapter
« 1 Korintasve 2

Next Chapter
1 Korintasve 4 »

1 Korintasve (ALB) Chapter Selection

1 2 3 4 5 6 7 8 9 10 11 12 13 14 15 16

ALB Book Selection List

View full list of ALB Bible Books and Chapters