1 Korintasve 11 | ALB Bible Study

1 Korintasve 11:1 (ALB)
Më imitoni mua, ashtu si unë jam imitues i Krishtit.

1 Korintasve 11:2 (ALB)
Dhe unë po ju lavdëroj, vëllezër, që më kujtoni në të gjitha gjërat dhe i zbatoni porositë ashtu siç ua kam transmetuar.

1 Korintasve 11:3 (ALB)
Por dua që të dini se kreu i çdo njeriu është Krishti, edhe kreu i gruas është burri; edhe kreu i Krishtit është Perëndia.

1 Korintasve 11:4 (ALB)
Çdo burrë, kur lutet ose profetizon kokëmbuluar, turpëron kryet e tij.

1 Korintasve 11:5 (ALB)
Edhe çdo grua, që lutet ose profetizon kokëzbuluar, turpëron kryet e saj, sepse është njëlloj sikur të ishte e rruar.

1 Korintasve 11:6 (ALB)
Sepse në qoftë se gruaja nuk mbulohet, le t’ia presin flokët; por në qoftë se për gruan është turp të qethet a të rruhet, le të mbulojë kryet.

1 Korintasve 11:7 (ALB)
Sepse burri nuk duhet të mbulojë kryet, sepse është shëmbëllimi dhe lavdia e Perëndisë, kurse gruaja është lavdia e burrit,

1 Korintasve 11:8 (ALB)
sepse burri nuk është nga gruaja, por gruaja nga burri,

1 Korintasve 11:9 (ALB)
edhe sepse burri nuk u krijua për gruan, por gruaja për burrin.

1 Korintasve 11:10 (ALB)
Prandaj gruaja, për shkak të engjëjve, duhet të ketë një shenjë pushteti mbi kryet.

1 Korintasve 11:11 (ALB)
Gjithsesi në Zotin as burri s’është pa gruan, as gruaja pa burrin,

1 Korintasve 11:12 (ALB)
sepse sikurse gruaja vjen nga burri, ashtu edhe burri lind nëpërmjet gruas, dhe çdo gjë vjen nga Perëndia.

1 Korintasve 11:13 (ALB)
Gjykoni ndër veten tuaj. A i ka hije gruas t’i lutet Perëndisë pa u mbuluar?

1 Korintasve 11:14 (ALB)
Po vetë natyra, a nuk ju mëson se, në qoftë se një burrë i mban flokët të gjata, kjo është çnderim për të?

1 Korintasve 11:15 (ALB)
Por në qoftë se gruaja i ka flokët të gjata, kjo është lavdi për të, sepse flokët i janë dhënë asaj për mbulesë.

1 Korintasve 11:16 (ALB)
Por në qoftë se ndokush mendon të kundërshtojë, ne s’kemi zakon të tillë, as kishat e Perëndisë.

1 Korintasve 11:17 (ALB)
Por, duke porositur këtë, unë nuk ju lavdëroj, se ju mblidheni, jo për më të mirën, po për më të keqen.

1 Korintasve 11:18 (ALB)
Para së gjithash, sepse dëgjoj se kur bashkoheni në asamble ka midis jush përçarje, dhe pjesërisht e besoj.

1 Korintasve 11:19 (ALB)
Sepse duhet të ketë midis jush edhe grupime, që të njihen në mes tuaj ata që janë të sprovuar.

1 Korintasve 11:20 (ALB)
Kur mblidheni bashkë, pra, në një vend, kjo që bëni nuk është për të ngrënë darkën e Zotit,

1 Korintasve 11:21 (ALB)
sepse, në të ngrënët, gjithësecili merr darkën e vet më përpara; dhe njëri ka uri dhe tjetri është i dehur.

1 Korintasve 11:22 (ALB)
A nuk keni, pra, shtëpi për të ngrënë e për të pirë? Apo përbuzni kishën e Perëndisë dhe turpëroni ata që s’kanë asgjë? Çfarë t’ju them juve? T’ju lavdëroj? Për këtë nuk ju lëvdoj.

1 Korintasve 11:23 (ALB)
Sepse unë mora nga Zoti atë që ju transmetova edhe juve; se Zoti Jezus, në atë natë që po tradhtohej, mori bukën

1 Korintasve 11:24 (ALB)
dhe, si falënderoi, e theu dhe tha: “Merrni, hani; ky është trupi im që është thyer për ju; bëni këtë në përkujtimin tim.”

1 Korintasve 11:25 (ALB)
Gjithashtu, pas darkës, mori edhe kupën, duke thënë: “Kjo kupë është besëlidhja e re në gjakun tim; bëni këtë sa herë që të pini, në përkujtimin tim.”

1 Korintasve 11:26 (ALB)
Sepse sa herë të hani nga kjo bukë ose të pini nga kjo kupë, ju shpallni vdekjen e Zotit, derisa ai të vijë.

1 Korintasve 11:27 (ALB)
Prandaj ai që ha nga kjo bukë ose pi nga kjo kupë e Zotit padenjësisht, do të jetë fajtor i trupit dhe i gjakut të Zotit.

1 Korintasve 11:28 (ALB)
Por secili të shqyrtojë vetveten dhe kështu të hajë nga buka e të pijë nga kupa,

1 Korintasve 11:29 (ALB)
sepse ai që ha dhe pi padenjësisht, ha dhe pi një dënim për veten e tij, sepse nuk e dallon trupin e Zotit.

1 Korintasve 11:30 (ALB)
Për këtë arsye ka në mes jush shumë të dobët e të sëmurë, dhe shumë vdesin.

1 Korintasve 11:31 (ALB)
Sepse, po të shqyrtonim veten tonë, nuk do të gjykoheshim.

1 Korintasve 11:32 (ALB)
Por kur gjykohemi, ndreqemi nga Zoti, që të mos dënohemi bashkë me botën.

1 Korintasve 11:33 (ALB)
Prandaj, o vëllezërit e mi, kur mblidheni për të ngrënë, pritni njeri tjetrin.

1 Korintasve 11:34 (ALB)
Dhe në qoftë se dikush ka uri, le të hajë në shtëpi, që të mos mblidheni për dënim. Dhe gjërat e tjera, kur të vij, do t’i rregulloj.

1 Korintasve 11 ALB

1 Korintasve (ALB) Chapter Selection

ALB Book Selection List