1 Korintasve 15 | ALB Bible Study

1 Korintasve 15:1 (ALB)
Tani, o vëllezër, po ju deklaroj ungjillin që ju kam shpallur dhe që ju e keni marrë dhe mbi të cilin ju qëndroni,

1 Korintasve 15:2 (ALB)
dhe me anë të të cilit ju jeni shpëtuar, nëse do ta mbani fjalën që ju kanë predikuar, veç nëse besuat kot.

1 Korintasve 15:3 (ALB)
Sepse unë ju kam transmetuar para së gjithash ato që edhe unë vetë i kam marrë, se Krishti vdiq për mëkatet tona sipas Shkrimeve,

1 Korintasve 15:4 (ALB)
se u varros dhe u ringjall të tretën ditë, sipas Shkrimeve,

1 Korintasve 15:5 (ALB)
edhe se iu shfaq Kefës dhe pastaj të dymbëdhjetëve.

1 Korintasve 15:6 (ALB)
Pastaj iu shfaq një herë të vetme më shumë se pesëqind vëllezërve, prej të cilëve më të shumtët rrojnë edhe sot, kurse disa kanë rënë në gjumë.

1 Korintasve 15:7 (ALB)
Më pas iu shfaq Jakobit dhe pastaj të gjithë apostujve.

1 Korintasve 15:8 (ALB)
Më së fundi m’u shfaq edhe mua, si në dështimit.

1 Korintasve 15:9 (ALB)
Sepse unë jam më i vogli i apostujve dhe as nuk jam i denjë të quhem apostull, sepse e kam përndjekur kishën e Perëndisë.

1 Korintasve 15:10 (ALB)
Por me hirin e Perëndisë jam ai që jam; dhe hiri i tij ndaj meje nuk qe i kotë, madje jam munduar më shumë se gjithë të tjerët, jo unë, por hiri i Perëndisë që është me mua.

1 Korintasve 15:11 (ALB)
Pra, si unë, ashtu edhe ata kështu predikojmë dhe ju kështu besuat.

1 Korintasve 15:12 (ALB)
Por, në qoftë se predikohet se Krishti u ringjall prej së vdekurish, si atëherë disa nga ju thonë se nuk ka ringjallje të të vdekurve?

1 Korintasve 15:13 (ALB)
Në qoftë se nuk ka ringjallje të të vdekurve, as Krishti nuk u ringjall.

1 Korintasve 15:14 (ALB)
Por në qoftë se Krishti nuk është ringjallur, predikimi ynë është i kotë dhe i kotë është edhe besimi juaj.

1 Korintasve 15:15 (ALB)
Atëherë edhe ne do të ishim dëshmitarë të rremë të Perëndisë, sepse dëshmuam për Perëndinë, se ai ringjalli Krishtin, të cilin ai nuk e paska ringjallur, po të jetë se me të vërtetë të vdekurit nuk ringjallen.

1 Korintasve 15:16 (ALB)
Në qoftë se të vdekurit nuk ringjallen, as Krishti nuk është ringjallur;

1 Korintasve 15:17 (ALB)
por në qoftë se Krishti nuk është ringjallur, i kotë është besimi juaj; ju jeni ende në mëkatet tuaja,

1 Korintasve 15:18 (ALB)
edhe ata që fjetën në Krishtin janë të humbur.

1 Korintasve 15:19 (ALB)
Në qoftë se shpresojmë në Krishtin vetëm në këtë jetë, ne jemi më të mjerët e të gjithë njerëzve.

1 Korintasve 15:20 (ALB)
Por tashti Krishti u ringjall prej së vdekurish, dhe është fryti i parë i atyre që kanë fjetur.

1 Korintasve 15:21 (ALB)
Sepse, ashtu si erdhi vdekja me anë të një njeriu, kështu erdhi dhe ringjallja e të vdekurve me anë të një njeriu.

1 Korintasve 15:22 (ALB)
Sepse, ashtu sikur të gjithë vdesin në Adamin, kështu të gjithë do të ngjallën në Krishtin,

1 Korintasve 15:23 (ALB)
por secili sipas radhës së vet: Krishti, fryti i parë, pastaj ata që janë të Krishtit, në ardhjen e tij

1 Korintasve 15:24 (ALB)
Pastaj do të vijë fundi, kur ai t’ia dorëzojë mbretërinë Perëndisë Atë, pasi të ketë asgjësuar çfarëdo sundimi, çdo pushtet e fuqi.

1 Korintasve 15:25 (ALB)
Sepse duhet që ai të mbretërojë, derisa t’i vërë të gjithë armiqtë e tij nën këmbët e veta.

1 Korintasve 15:26 (ALB)
Armiku i fundit që do të shkatërrohet është vdekja.

1 Korintasve 15:27 (ALB)
Sepse Perëndia i vuri të gjitha nën këmbët e tij. Por, kur thotë se çdo gjë i është nënshtruar, është e qartë se përjashtohet ai që ia ka nënshtruar çdo gjë.

1 Korintasve 15:28 (ALB)
Dhe kur t’i ketë nënshtruar të gjitha, atëherë Biri vetë do t’i nënshtrohet Atij që i nënshtroi të gjitha, që Perëndia të jetë gjithçka në të gjithë.

1 Korintasve 15:29 (ALB)
Përndryshe çfarë do të bëjnë ata që pagëzohen për të vdekurit? Në qoftë se me të vërtetë të vdekurit nuk ringjallen, përse ata edhe pagëzohen për të vdekurit?

1 Korintasve 15:30 (ALB)
Përse jemi edhe ne në rrezik në çdo orë?

1 Korintasve 15:31 (ALB)
Përditë unë po vdes për shkak të mburrjes për ju, që kam në Krishtin Jezu, Zotin tonë.

1 Korintasve 15:32 (ALB)
Nëse u ndesha në Efes si njeri kundër bishave, ç’dobi kam? Në qoftë se të vdekurit nuk ringjallen, le të hamë e të pimë, sepse nesër do të vdesim.

1 Korintasve 15:33 (ALB)
Mos u gënjeni; shoqëritë e këqija prishin zakonet e mira.

1 Korintasve 15:34 (ALB)
Zgjohuni për drejtësinë dhe mos mëkatoni, sepse disa nga ju nuk e njohin Perëndinë; për turpin tuaj po ua them.

1 Korintasve 15:35 (ALB)
Por do të thotë ndonjë: “Si ringjallen të vdekurit, edhe me ç’trup do të vijnë?.”

1 Korintasve 15:36 (ALB)
O i pamend! Atë që ti mbjell, nuk ngjallet, nëse nuk vdes përpara.

1 Korintasve 15:37 (ALB)
Dhe atë që mbjell, ti nuk mbjell trupin që do të bëhet, por një kokërr të zhveshur, ndoshta nga grurë ose ndonjë farë tjetër.

1 Korintasve 15:38 (ALB)
Po Perëndia i jep trup si të dojë, secilës farë trupin e vet.

1 Korintasve 15:39 (ALB)
Jo çdo mish është i njëjti mish; por tjetër është mishi i njerëzve, tjetër mishi i bagëtive, tjetër i peshqve dhe tjetër i shpendëve.

1 Korintasve 15:40 (ALB)
Dhe ka trupa qiellorë dhe trupa tokësorë; por tjetër është lavdia e trupave qiellorë e tjetër e atyreve të tokës.

1 Korintasve 15:41 (ALB)
Tjetër është lavdia e diellit dhe tjetër lavdia e hënës dhe tjetër lavdia e yjeve; sepse ndryshon në lavdi ylli nga ylli.

1 Korintasve 15:42 (ALB)
Kështu do të jetë edhe ringjallja e të vdekurve; trupi mbillet në prishje dhe ringjallet në paprishje.

1 Korintasve 15:43 (ALB)
Mbillet në çnderim dhe ringjallet në lavdi; mbillet i dobët dhe ringjallet në fuqi.

1 Korintasve 15:44 (ALB)
Mbillet trup natyror dhe ringjallet trup frymëror. Ka trup natyror, ka edhe trup frymëror.

1 Korintasve 15:45 (ALB)
Kështu edhe është shkruar: “Njeriu i parë, Adami, u bë shpirt i gjallë; por Adami i fundit është Frymë që jep jetë.

1 Korintasve 15:46 (ALB)
Por frymërori nuk është më parë, por përpara është natyrori, pastaj frymërori.

1 Korintasve 15:47 (ALB)
Njeriu i parë i bërë prej dheu, është tokësor; njeriu i dytë është Zoti nga qielli.

1 Korintasve 15:48 (ALB)
Siç është tokësori ashtu janë dhe tokësorët; dhe siç është qiellori, të tillë do të jenë edhe qiellorët.

1 Korintasve 15:49 (ALB)
Dhe sikurse mbartëm shëmbëllimin e tokësorit, do të mbartim edhe shëmbëllimin e qiellorit.

1 Korintasve 15:50 (ALB)
Edhe këtë po ju them, o vëllezër, se mishi dhe gjaku nuk mund të trashëgojnë mbretërinë e Perëndisë, as prishja nuk mund të trashëgojë paprishjen.

1 Korintasve 15:51 (ALB)
Ja, unë po ju them një të fshehtë: të gjithë nuk do të vdesim, por të gjithë do të shndërrohemi në një moment,

1 Korintasve 15:52 (ALB)
sa hap e mbyll sytë, në tingullin e burisë së fundit; sepse do të bjerë buria, të vdekurit do të ringjallen të paprisshëm dhe ne do të shndërrohemi,

1 Korintasve 15:53 (ALB)
sepse ky trup që prishet duhet të veshë mosprishjen dhe ky ivdekshëm të veshë pavdekësinë.

1 Korintasve 15:54 (ALB)
Edhe ky trup që prishet, kur të veshë mosprishjen, edhe ky i vdekshëm kur të veshë pavdekësinë, atëherë do të realizohet fjala që është shkruar: “Vdekja u përpi në fitore.”

1 Korintasve 15:55 (ALB)
O vdekje, ku është gjëmba jote? O ferr, ku është fitorja jote?

1 Korintasve 15:56 (ALB)
Edhe gjëmba e vdekjes është mëkati; dhe fuqia e mëkatit është ligji.

1 Korintasve 15:57 (ALB)
Por ta falënderojmë Perëndinë që na jep fitoren me anë të Zotit tonë Jezu Krisht.

1 Korintasve 15:58 (ALB)
Prandaj, o vëllezërit e mi të dashur, qëndroni të fortë e të patundur, duke tepruar përherë në veprën e Zotit, duke e ditur se mundi juaj nuk është i kotë në Zotin.

1 Korintasve 15 ALB

1 Korintasve (ALB) Chapter Selection

ALB Book Selection List