1 Korintasve 12:1 (ALB)
Edhe për sa u përket dhuntive frymërore, o vëllezër, nuk dua të jeni të paditur.

1 Korintasve 12:2 (ALB)
Ju e dini se, kur ishit paganë, tërhiqeshit pas idhujve të pagojë, nën shtytje të çastit.

1 Korintasve 12:3 (ALB)
Prandaj ju bëj të ditur se askush që flet në Frymën e Shenjtë nuk thotë: “Mallkuar qoftë Jezusi!”; edhe asnjë nuk mund të thotë: “Jezusi është Zot,” veç se në Frymën e Shenjtë.

1 Korintasve 12:4 (ALB)
Ka larmi dhuntish, por i njëjti Frymë.

1 Korintasve 12:5 (ALB)
Ka edhe larmi shërbimësh, por i njëjti Zot.

1 Korintasve 12:6 (ALB)
Dhe ka larmi veprimtarish por është i njejti Perëndi i cili i bën të gjitha gjërat në të gjithë.

1 Korintasve 12:7 (ALB)
Dhe secilit i jepet shfaqja e Frymës për dobinë e përbashkët.

1 Korintasve 12:8 (ALB)
Dikujt, pra, i jepet, me anë të Frymës, fjalë diturie; një tjetri, sipas të po atij Frymë, fjalë njohurie;

1 Korintasve 12:9 (ALB)
një tjetri besim, nga po ai Frymë; një tjetri dhuntitë e shërimeve, nëpërmjet po atij Frymë; një tjetri pushtet për të kryer veprime të fuqishme; një tjetri profeci; një tjetri të dallojë frymërat;

1 Korintasve 12:10 (ALB)
një tjetri larmi gjuhësh; një tjetri interpretimi i gjuhëve.

1 Korintasve 12:11 (ALB)
Dhe të gjitha këto i bën i njëjti dhe i vetmi Frymë, duke i ndarë gjithsecilit dhunti veç e veç ashtu si do vetë.

1 Korintasve 12:12 (ALB)
Sepse ashtu si trupi është një, por ka shumë gjymtyrë, dhe të gjitha gjymtyrët e të njëtit trup, megjithse janë shumë, formojnë një trup të vetëm, kështu është edhe Krishti.

1 Korintasve 12:13 (ALB)
Sepse të gjithë ne jemi pagëzuar në një Frym të vetëm në të njëjtin trup, qofshin Hebrenjtë apo Grekët, qofshin skllevërit a të liruarit, dhe të gjithë e kemi jemi uijtur në të njëjtin Frymë.

1 Korintasve 12:14 (ALB)
Sepse edhe trupi nuk është një gjymtyrë e vetme, por shumë.

1 Korintasve 12:15 (ALB)
Sikur të thoshte këmba: “Mbasi nuk jam dorë, unë nuk jam pjesë e trupit,” mos për këtë nuk është pjesë e trupit?

1 Korintasve 12:16 (ALB)
Dhe sikur veshi të thoshte: “Mbasi nuk jam sy, unë nuk jam pjesë e trupit,” mos për këtë nuk është pjesë e trupit?

1 Korintasve 12:17 (ALB)
Po të ishte gjithë trupi sy, ku do të ishte dëgjimi? Po të ishte gjithë dëgjim, ku do të ishte të nuhaturit?

1 Korintasve 12:18 (ALB)
Por Perëndia ka vënë çdo gjymtyrë të trupit si ka dashur.

1 Korintasve 12:19 (ALB)
Po të ishin të gjitha gjymtyrët një gjymtyrë e vetme, ku do të ishte trupi?

1 Korintasve 12:20 (ALB)
Kështu, pra, janë shumë gjymtyrë, por një trup i vetëm.

1 Korintasve 12:21 (ALB)
Dhe syri nuk mund t’i thotë dorës: “Unë nuk kam nevojë për ty”; dhe po ashtu koka nuk mund t’u thotë këmbëve: “Unë nuk kam nevojë për ju.”

1 Korintasve 12:22 (ALB)
Madje, gjymtyrët e trupit që duken se janë më të dobëta, janë shumë më të nevojshme se të tjerat;

1 Korintasve 12:23 (ALB)
dhe ato që ne i konsiderojmë më pak të nderuara, pikërisht ata rrethojmë me më shumë nderim; dhe të pahijshmet tona kanë më tepër hijë.

1 Korintasve 12:24 (ALB)
Por gjymtyrët tona të hijshme nuk kanë nevojë. Por Perëndia e ndërtoi trupin duke i dhënë më tepër nder asaj pjese që e kishte mangut,

1 Korintasve 12:25 (ALB)
që të mos kishte përçarje në trup, por të gjitha gjymtyrët të kenë të njëjtin kujdes për njera-tjetrën.

1 Korintasve 12:26 (ALB)
Dhe nëse vuan një gjymtyrë, të gjitha gjymtyrët vuajnë; kurse po të nderohet një gjymtyrë, të gjitha gjymtyrët gëzohen bashkë me të.

1 Korintasve 12:27 (ALB)
Dhe ju jeni trupi i Krishti dhe gjymtyrët e tij, veç e veç.

1 Korintasve 12:28 (ALB)
Dhe Perëndia i vuri disa në kishë, së pari apostuj, së dyti profetë, së treti mësues; pastaj vepra të fuqishme; pastaj dhuntitë e shërimit, të ndihmës e të qeverisjes dhe të larmive të gjuhëve.

1 Korintasve 12:29 (ALB)
A janë vallë të gjithë apostuj? Janë të gjithë profetë? Janë të gjithë mësues?

1 Korintasve 12:30 (ALB)
A kanë të gjithë dhuntinë e veprave të fuqishme? A kanë të gjithë dhuntitë e shërimeve? A flasin të gjithë gjuhë të ndryshme? A interpretojnë të gjithë?

1 Korintasve 12:31 (ALB)
Por kërkoni me zemër të zjarrtë dhuntitë më të mira; dhe unë do t’ju tregoj një udhë shumë më të lartë.