1 Korintasve 16 | ALB Bible Study

1 Korintasve 16:1 (ALB)
Sa për të mbledhurit e ndihmave për shenjtorët, bëni edhe ju ashtu si i urdhërova kishat e Galatisë.

1 Korintasve 16:2 (ALB)
Të parën ditë të çdo jave, secili nga ju le të vërë mënjanë aq sa mundet sipas të ardhurave të tij, që, kur të vij, të mos bëhen atëherë mbledhje ndihmash.

1 Korintasve 16:3 (ALB)
Edhe, kur të vij, ata që ju do të miratoni, unë do t’i dërgoj me letra, që të çojnë në Jeruzalem dhuratën tuaj bujare.

1 Korintasve 16:4 (ALB)
Dhe po të jetë e udhës që të shkoj vetë, ata do të shkon me mua.

1 Korintasve 16:5 (ALB)
Edhe unë do të vij te ju, pasi të kem kaluar nëpër Maqedoni.

1 Korintasve 16:6 (ALB)
Dhe ndoshta do të rri te ju, ose edhe të dimëroj, që ju të më përcillni kudo që të shkoj.

1 Korintasve 16:7 (ALB)
Sepse kësaj here nuk dua t’ju shoh vetëm kalimthi, por shpresoj të rri pak kohë pranë jush, në dashtë Zoti.

1 Korintasve 16:8 (ALB)
Dhe unë do të rri në Efes deri për Rrëshajët,

1 Korintasve 16:9 (ALB)
sepse m’u hap një derë e madhe dhe e efektshme, dhe kundërshtarë ka shumë.

1 Korintasve 16:10 (ALB)
Tani, nëse vjen Timoteu, kujdesuni që të rrijë me ju pa druajtje, sepse ai punon për veprën e Zotit ashtu si unë.

1 Korintasve 16:11 (ALB)
Pra, asnjë të mos e përçmojë, por përcilleni në paqe që të vijë tek unë, sepse e pres bashkë me vëllezërit.

1 Korintasve 16:12 (ALB)
Sa për vëllanë Apol, iu luta shumë që të vijë tek ju bashkë me vëllezërit, por ai s’deshi kurrsesi të vinte tani; por do të vijë kur ta ketë volinë.

1 Korintasve 16:13 (ALB)
Rrini zgjuar, qëndroni të palëkundshëm në besim, silluni si burrat, jini të fortë.

1 Korintasve 16:14 (ALB)
Dhe çdo gjë që bëni, ta bëni me dashuri!

1 Korintasve 16:15 (ALB)
Tani, o vëllezër (ju e njihni familjen e Stefanas që është fryti i parë i Akaisë dhe që i janë kushtuar shërbesës së shenjtorëve),

1 Korintasve 16:16 (ALB)
ju bëj thirrje që t’u nënshtroheni edhe ju atyreve dhe kujtdo që punon dhe mundohet në punën tonë të përbashkët.

1 Korintasve 16:17 (ALB)
Edhe gëzohem për ardhjen e Stefanas, të Fortunatit dhe të Akaikut, sepse ata e plotësuan mungesën tuaj,

1 Korintasve 16:18 (ALB)
sepse e freskuan frymën tim dhe tuajin; prandaj nderoni njerëz të tillë.

1 Korintasve 16:19 (ALB)
Kishat e Azisë ju përshëndesin; Akuila dhe Prishila, bashkë me kishën që është në shtëpi të tyre, ju përshendesin shumë në Zotin.

1 Korintasve 16:20 (ALB)
Të gjithë vëllezërit ju përshëndesin; përshëndetni njëri-tjetrin me një puthje të shenjtë.

1 Korintasve 16:21 (ALB)
Të fala me shëndet me dorën time, të Palit.

1 Korintasve 16:22 (ALB)
Nëse ndokush nuk e do Zotin Jezu Krisht, qoftë mallkuar! Maranatha a.

1 Korintasve 16:23 (ALB)
Hiri i Zotit Jezu Krisht qoftë me ju.

1 Korintasve 16:24 (ALB)
Dashuria ime qoftë me ju të gjithë në Krishtin Jezu. Amen.

Previous Chapter
« 1 Korintasve 15

Next Chapter
2 Korintasve 1 »

1 Korintasve (ALB) Chapter Selection

1 2 3 4 5 6 7 8 9 10 11 12 13 14 15 16

ALB Book Selection List

View full list of ALB Bible Books and Chapters