Zanafilla 49 | ALB Bible Study

Zanafilla 49:1 (ALB)
Pastaj Jakobi thirri bijtë e tij dhe tha: "Mblidhuni që unë t’ju njoftoj çfarë do t’ju ndodhë në ditët e ardhshme.

Zanafilla 49:2 (ALB)
Mblidhuni dhe dëgjoni, o bijtë e Jakobit! Dëgjoni Izraelin, atin tuaj!

Zanafilla 49:3 (ALB)
Ruben, ti je i parëlinduri im, forca ime, filli i fuqisë sime, i dalluar për dinjitet dhe për forcë.

Zanafilla 49:4 (ALB)
I rrëmbyer si uji, ti nuk do të kesh epërsinë, sepse hipe mbi shtratin e atit tënd dhe e përdhose. Ai hipi mbi shtratin tim.

Zanafilla 49:5 (ALB)
Simeoni dhe Levi janë vëllezër: shpatat e tyre janë vegla dhune.

Zanafilla 49:6 (ALB)
Mos hyftë shpirti im në mendjen e tyre, lavdia ime mos u bashkoftë me kuvendin e tyre! Sepse në mërinë e tyre kanë vrarë njerëz, në kryeneçësinë e tyre u kanë prerë leqet e këmbëve demave.

Zanafilla 49:7 (ALB)
Mallkuar qoftë mëria e tyre, sepse ka qënë e egër, dhe tërbimi i tyre sepse ka qënë mizor! Unë do t’i ndaj te Jakobi dhe do t’i shpërndaj te Izraeli.

Zanafilla 49:8 (ALB)
Judë, vëllezërit e tu do të të lavdërojnë; dora jote do të jetë mbi zverkun e armiqve të tu; bijtë e atit tënd do të përkulen para teje.

Zanafilla 49:9 (ALB)
Juda është një luan i ri; ti zë fill nga preja, biri im; ai përkulet, struket si një luan, si një luaneshë; kush guxon ta zgjojë?

Zanafilla 49:10 (ALB)
Skeptri nuk do t’i hiqet Judës, as bastuni i komandimit nga këmbët e tij, deri sa të vijë Shilohu; dhe atij do t’i binden popujt.

Zanafilla 49:11 (ALB)
Ai e lidh gomarin e tij të vogël në pjergull dhe kërriçin e gomaricës së tij në pjergullën më të mirë; i lan rrobat e tij në verë dhe mantelin e tij në gjakun e rrushit.

Zanafilla 49:12 (ALB)
Ai i ka sytë të ndritura nga vera dhe dhëmbët e bardha nga qumështi.

Zanafilla 49:13 (ALB)
Zabuloni do të banojë në breg të deteve; dhe do të përbëjë një vendstrehim për anijet; kufiri i tij do të zgjatet drejt Sidonit.

Zanafilla 49:14 (ALB)
Isakari është një gomar i fuqishëm, i shtrirë nëpër vathë.

Zanafilla 49:15 (ALB)
Ai e pa që çlodhja është e mirë dhe që vendi është i këndshëm; ai përkuli kurrizin për të mbajtur peshën dhe u bë një shërbëtor i punës së detyruar.

Zanafilla 49:16 (ALB)
Dani do ta gjykojë popullin e tij, si një nga fiset e Izraelit.

Zanafilla 49:17 (ALB)
Dani do të jetë një gjarpër në rrugë, një nepërkë nëpër shteg, që kafshon thembrat e kalit, kështu që kalorësi rrëzohet së prapthi.

Zanafilla 49:18 (ALB)
Unë pres shpëtimin tënd, o Zot!

Zanafilla 49:19 (ALB)
Një bandë grabitësish do të sulmojë Gadin, por edhe ai do t’i sulmojë këmba këmbës.

Zanafilla 49:20 (ALB)
Nga Asheri do të vijë buka e shijshme dhe ai do të japë kënaqësira reale.

Zanafilla 49:21 (ALB)
Neftali është një drenushe e lënë e lirë, ai thotë fjalë të bukura.

Zanafilla 49:22 (ALB)
Jozefi është një degë e një druri frytdhënës; një degë e një druri frytdhënës që ndodhet pranë një burimi; degët e tij shtrihen mbi murin.

Zanafilla 49:23 (ALB)
Harkëtarët e kanë provokuar, i kanë hedhur shigjeta, e kanë ndjekur;

Zanafilla 49:24 (ALB)
por harku i tij ka mbetur i fortë; krahët e tij janë përforcuar nga duart e të Fuqishmit të Jakobit (e atij që është bariu dhe shkëmbi i Izraelit),

Zanafilla 49:25 (ALB)
nga Perëndia e atit tënd që do të të ndihmojë dhe nga Shumë i Larti që do të të bekojë me bekimet e qiellit nga lart, me bekimet e humnerës që ndodhet poshtë, me bekimet e sisëve dhe gjirit të nënës.

Zanafilla 49:26 (ALB)
Bekimet e atit tënd ua kalojnë bekimeve të të parëve të mi, deri në majat e kodrave të përjetshme. Ata do të jenë mbi kryet e Jozefit dhe mbi kurorën e atij që u nda nga vëllezërit e tij.

Zanafilla 49:27 (ALB)
Beniamini është një ujk grabitqar; në mëngjes ha gjahun dhe në mbrëmje ndan prenë.

Zanafilla 49:28 (ALB)
Tërë këta janë dymbëdhjetë fiset e Izraelit; dhe pikërisht këtë u tha ati i tyre kur i bekoi. I bekoi duke i dhënë secilit një bekim të veçantë.

Zanafilla 49:29 (ALB)
Pastaj Jakobi i urdhëroi duke thënë: "Unë jam duke u ribashkuar me popullin tim; më varrosni pranë etërve të mi në shpellën që ndodhet në arën e Efron Hiteut,

Zanafilla 49:30 (ALB)
në shpellën që është në fushën e Makpelahut përballë Mamres, në vendin e Kanaanit, atë që Abrahami bleu në arën nga Efron Hiteu, si vendvarrim, pronë e tij.

Zanafilla 49:31 (ALB)
Atje u varrosën Abrahami dhe Sara, gruaja e tij, aty u varrosën Isaku dhe Rebeka, e shoqja, dhe aty unë varrosa Lean.

Zanafilla 49:32 (ALB)
Ara dhe shpella që ndodhet aty u blenë nga bijtë e Hethit".

Zanafilla 49:33 (ALB)
Kur Jakobi mbaroi së dhëni këto urdhëra bijve të tij, mblodhi këmbët në shtrat dhe vdiq; dhe u bashkua me popullin e tij.

Previous Chapter
« Zanafilla 48

Next Chapter
Zanafilla 50 »

Zanafilla (ALB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

ALB Book Selection List

View full list of ALB Bible Books and Chapters