Zanafilla 15 | ALB Bible Study

Zanafilla 15:1 (ALB)
Mbas këtyre gjërave, fjala e Zotit iu drejtua Abramit në vegim duke i thënë: "Mos ki frikë, Abram, unë jam mburoja jote, dhe shpërblimi yt do të jetë shumë i madh".

Zanafilla 15:2 (ALB)
Po Abrami i tha: "Zot, Perëndi, çfarë do të më japësh, sepse unë jam pa fëmijë dhe trashëgimtari i shtëpisë sime është Eliezeri i Damaskut?".

Zanafilla 15:3 (ALB)
Pastaj Abrami shtoi këto fjalë: "Ti nuk më ke dhënë asnjë pasardhës; dhe ja, një i lindur në shtëpinë time do të jetë trashëgimtari im".

Zanafilla 15:4 (ALB)
Atëherë fjala e Zotit iu drejtua duke i thënë: "Ai nuk do të jetë trashëgimtari yt, por ai që ka për të dalë nga të përbrendshmet e tua do të jetë trashëgimtari yt".

Zanafilla 15:5 (ALB)
Pastaj e çoi jashtë dhe i tha: "Vështro me kujdes qiellin dhe numëro yjet, në rast se mund t’i numërosh," pastaj shtoi: "Kështu kanë për të qenë pasardhësit e tu".

Zanafilla 15:6 (ALB)
Dhe ai i besoi Zotit, që ia vuri në llogari të drejtësisë.

Zanafilla 15:7 (ALB)
Pastaj Zoti i tha: "Unë jam Zoti që të nxori nga Uri i Kaldeasve, për të ta lënë si trashëgimi këtë vend".

Zanafilla 15:8 (ALB)
Dhe Abrami pyeti: "Zot, Perëndi, nga mund ta dij unë që do ta kem si trashëgim?".

Zanafilla 15:9 (ALB)
Atëherë Zoti i tha: "Sillmë një mëshqerrë trevjeçare, një dhi trevjeçare, një dash trevjeçar, një turtull dhe një pëllumb të ri".

Zanafilla 15:10 (ALB)
Atëherë Abrami i shpuri tërë këto kafshë, i ndau më dysh dhe vendosi secilën gjysmë përballë tjetrës; por zogjtë nuk i ndau.

Zanafilla 15:11 (ALB)
Dhe disa zogj grabitqarë zbritën mbi kafshët e vrara, por Abrami i përzuri.

Zanafilla 15:12 (ALB)
Me perëndimin e diellit, një gjumë i rëndë e zuri Abramin; dhe ja, një llahtari dhe një errësirë e thellë e kapluan atë.

Zanafilla 15:13 (ALB)
Atëherë Zoti i tha Abramit: "Dije me siguri që pasardhësit e tu do të qëndrojnë si të huaj në një vend që nuk do të jetë i tyre, dhe do të jenë skllevër dhe njerëz të shtypur për katërqind vjet.

Zanafilla 15:14 (ALB)
Por unë do të gjykoj kombin shërbyesit e të cilit do të kenë qënë; pas kësaj, ata do të dalin me pasuri të mëdha.

Zanafilla 15:15 (ALB)
Sa për ty, do të shkosh në paqe pranë prindërve të tu dhe do të varrosesh pasi të kesh arritur një pleqëri të bukur.

Zanafilla 15:16 (ALB)
Por në brezin e katërt ata do të kthehen këtu, sepse padrejtësia e Amorejve s’ka arritur ende kulmin".

Zanafilla 15:17 (ALB)
Por me të perënduar dielli dhe me të zbritur errësira, na del para syve një furrë që nxjerr tym dhe një pishtar i zjarrtë që kalon përmes kafshëve të ndarë.

Zanafilla 15:18 (ALB)
Po atë ditë Zoti bëri një besëlidhje me Abramin duke i thënë: "Unë u jap pasardhësve të tu këtë vend, nga përroi i Egjiptit deri në lumin e madh, lumin e Eufratit:

Zanafilla 15:19 (ALB)
Kenejtë, Kenizejtë, Kadmonejtë,

Zanafilla 15:20 (ALB)
Hitejtë, Perezejtë, Refejtë,

Zanafilla 15:21 (ALB)
Amorejtë, Kanaanejtë, Girgazejtë dhe Jebuzejtë".

Previous Chapter
« Zanafilla 14

Next Chapter
Zanafilla 16 »

Zanafilla (ALB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

ALB Book Selection List

View full list of ALB Bible Books and Chapters