Zanafilla 13 | ALB Bible Study

Zanafilla 13:1 (ALB)
Abrami, pra, u rikthye nga Egjipti në drejtim të Negevit bashkë me gruan dhe gjithçka zotëronte. Dhe Loti ishte bashkë me të.

Zanafilla 13:2 (ALB)
Abrami ishte shumë i pasur me bagëti, argjend dhe ar.

Zanafilla 13:3 (ALB)
Nga Negevi ai vazhdoi udhëtimin e tij deri në Bethel, në vendin ku më parë ndodhej çadra e tij, midis Bethelit dhe Ait,

Zanafilla 13:4 (ALB)
në vendin e altarit që kishte ndërtuar në krye, dhe aty Abrami i bëri thirrje emrit të Zotit.

Zanafilla 13:5 (ALB)
Edhe Loti, që udhëtonte bashkë me Abramin, kishte kope bagëtish dhe çadra.

Zanafilla 13:6 (ALB)
Dhe vendi nuk ishte në gjendje t’i mbante, po të banonin bashkë, sepse pasuritë e tyre ishin aq të mëdha sa nuk mund të qëndronin bashkë.

Zanafilla 13:7 (ALB)
Lindi kështu një mosmarrëveshje midis barinjve të bagëtisë së Abramit dhe barinjve të bagëtisë së Lotit. Në atë kohë banonin në këtë vend Kananejtë dhe Perezejtë.

Zanafilla 13:8 (ALB)
Dhe kështu Abrami i tha Lotit: "Nuk duhet të ketë mosmarrëveshje midis teje dhe meje, as midis barinjve të mi dhe barinjve të tu, sepse jemi vëllezër.

Zanafilla 13:9 (ALB)
A nuk është vallë tërë vendi para teje? Ndahu nga unë! Në rast se ti shkon majtas, unë kam për të vajtur djathtas; dhe në qoftë se ti shkon djathtas, unë kam për të vajtur majtas".

Zanafilla 13:10 (ALB)
Atëherë Loti ngriti sytë dhe pa tërë fushën e Jordanit. Para se Zoti të kishte shkatërruar Sodomën dhe Gomorën, ajo ishte e tëra e ujitur deri në Coar, si kopshti i Zotit, si vendi i Egjiptit.

Zanafilla 13:11 (ALB)
Kështu Loti zgjodhi për vete tërë fushën e Jordanit dhe filloi t’izhvendosë drejt lindjes çadrat e veta: Kështu u ndanë njëri nga tjetri.

Zanafilla 13:12 (ALB)
Abrami banoi në vendin e Kanaanit dhe Loti në qytetet e fushës, duke arritur të ngrejë çadrat e tij deri në Sodomë.

Zanafilla 13:13 (ALB)
Por njerëzit e Sodomës ishin shumë të korruptuar dhe mëkatarë ndaj Zotit.

Zanafilla 13:14 (ALB)
Dhe Zoti i tha Abramit, mbas ndarjes së Lotit prej tij: "Ço tani sytë e tu dhe shiko nga vendi ku je drejt veriut e jugut; drejt lindjes dhe perëndimit.

Zanafilla 13:15 (ALB)
Tërë vendin që sheh, unë do të ta jap ty dhe pasardhësve të tu, për gjithnjë.

Zanafilla 13:16 (ALB)
Dhe do t’i bëj pasardhësit e tu si pluhurin e tokës; prandaj në se dikush mund të llogarisë pluhurin e tokës, do të mund të llogarisë edhe pasardhësit e tu.

Zanafilla 13:17 (ALB)
Çohu në këmbë, bjeri rreth e qark vendit, sepse unë do të ta jap ty".

Zanafilla 13:18 (ALB)
Atëherë Abrami i ngriti çadrat e tij dhe vajti të banojë në liset e Mamres, që ndodhen në Hebron; dhe aty ndërtoi një altar kushtuar Zotit.

Previous Chapter
« Zanafilla 12

Next Chapter
Zanafilla 14 »

Zanafilla (ALB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

ALB Book Selection List

View full list of ALB Bible Books and Chapters