Zanafilla 25 | ALB Bible Study

« Zanafilla 24

Zanafilla 26 »

Zanafilla 25:1 (ALB)
Pastaj Abrahami mori një grua tjetër, që quhej Keturah.

Zanafilla 25:2 (ALB)
Dhe kjo i lindi Zimranin, Jokshanin, Medanin, Madianin, Ishbakun dhe Shuahin.

Zanafilla 25:3 (ALB)
Jokshanit i lindi Sheba dhe Dedani. Bijtë e Dedanit ishin Asshurimi, Letushimi dhe Leumimi.

Zanafilla 25:4 (ALB)
Bijtë e Madianit ishin Efahu, Eferi, Hanoku, Abidahu dhe Eldaahu. Tërë këta ishin bijtë e Keturahut.

Zanafilla 25:5 (ALB)
Dhe Abrahami i dha Isakut gjithçka zotëronte;

Zanafilla 25:6 (ALB)
por bijve që Abrahami kishte pasur nga konkubinat u dha disa dhurata dhe, sa ishte ende gjallë, i dërgoi larg birit të tij Isakut, drejt lindjes, në një vend të lindjes.

Zanafilla 25:7 (ALB)
Këto janë vitet e jetës së Abrahamit: ai jetoi gjithsej njëqind e shtatëdhjetë e pesë vjet.

Zanafilla 25:8 (ALB)
Pastaj Abrahami dha frymën e fundit dhe vdiq në pleqëri të mbarë, i shtyrë në moshë dhe i ngopur me ditë, dhe u bashkua me popullin e tij.

Zanafilla 25:9 (ALB)
Dhe bijtë e tij Isaku dhe Ismaeli e varrosën në shpellën e Makpelahut në arën e Efronit, biri i Zoarit, Hiteut, që ndodhet përballë Mamres,

Zanafilla 25:10 (ALB)
arë që Abrahami u kishte blerë bijve të Hethit. Aty u varrosën Abrahami dhe e shoqja Sara.

Zanafilla 25:11 (ALB)
Mbas vdekjes së Abrahamit, Perëndia bekoi birin e tij Isakun; dhe Isaku qëndroi pranë pusit të Lahai-Roit.

Zanafilla 25:12 (ALB)
Tani këta janë pasardhësit e Ismaelit, bir i Abrahamit, që egjiptasja Agar, shërbëtorja e Sarës, i kishte lindur Abrahamit.

Zanafilla 25:13 (ALB)
Këta janë emrat e bijve të Ismaelit, simbas emrit të brezave të tyre: Nebajothi, i parëlinduri i Ismaelit; pastaj Kedari, Abdeeli, Mibsami,

Zanafilla 25:14 (ALB)
Mishma, Dumahu, Masa,

Zanafilla 25:15 (ALB)
Hadari, Tema, Jeturi, Nafishi dhe Kedemahu.

Zanafilla 25:16 (ALB)
Këta janë bijtë e Ismaelit dhe emrat e tyre, simbas fshatrave dhe fushimeve të tyre. Ata qenë dymbëdhjetë princërit e kombeve të tyre përkatës.

Zanafilla 25:17 (ALB)
Por këto janë vitet e jetës së Ismaelit, gjithsej njëqind e tridhjetë e shtatë vjet; pastaj ai dha frymë dhe vdiq, dhe u bashkua me popullin e tij.

Zanafilla 25:18 (ALB)
(Dhe bijtë e tij banuan nga Havilahu deri në Shur, që është në lindje të Egjiptit, në drejtim të Asirisë). Ai u vendos në prani të të gjithë vëllezërve të tij.

Zanafilla 25:19 (ALB)
Këta janë pasardhësit e Isakut, birit të Abrahamit.

Zanafilla 25:20 (ALB)
Abrahamit i lindi Isaku; dhe Isaku ishte dyzet vjeç kur mori për grua Rebekën, e bija e Bethuelit, Arameu i Paddan-Aranit dhe motra e Labanos, Arameut.

Zanafilla 25:21 (ALB)
Isaku e luti Zotin për gruan e tij sepse ajo ishte shterpë. Zoti ia plotësoi dëshirën dhe Rebeka, gruaja e tij, u ngjiz.

Zanafilla 25:22 (ALB)
Por fëmijët shtynin njeri-tjetrin në barkun e saj dhe ajo tha: "Në qoftë se është kështu (që iu përgjigj Zoti), pse gjendem unë në këto kushte?". Dhe kështu vajti të konsultohet me Zotin.

Zanafilla 25:23 (ALB)
Dhe Zoti i tha: "Dy kombe ndodhen në barkun tënd dhe dy popuj kanë për të dalë nga përbrendëshmet e barkut tënd. Njeri nga këta dy popuj do të jetë më i fortë se tjetri, dhe më i madhi do t’i shërbejë më të voglit".

Zanafilla 25:24 (ALB)
Kur erdhi koha për të që të lindte, ajo kishte në bark dy binjakë.

Zanafilla 25:25 (ALB)
Dhe i pari që doli jashtë ishte i kuq; ai ishte krejt si një mantel leshtor, prandaj i vunë emrin Esau.

Zanafilla 25:26 (ALB)
Pastaj doli vëllai i tij, i cili me dorë mbante thembrën e këmbës të Esaut; prandaj e quajtën Jakob. Por Isaku ishte shtatëdhjetë vjeç kur Rebeka i lindi.

Zanafilla 25:27 (ALB)
Dy fëmijët u rritën dhe Esau u bë një gjahtar i sprovuar, një njeri fshatarak, ndërsa Jakobi ishte një njeri i qetë, që jetonte në çadra.

Zanafilla 25:28 (ALB)
Por Isaku e donte Esaun, sepse mishin e gjahut e pëlqente; Rebeka nga ana e saj donte Jakobin.

Zanafilla 25:29 (ALB)
Një herë që Jakobi gatoi për vete një supë, Esau erdhi nga fusha krejt i lodhur.

Zanafilla 25:30 (ALB)
Dhe Esau i tha Jakobit: "Të lutem, më lërë të ha pak nga kjo supë e kuqe, sepse jam i lodhur". Për këtë arësye e quajtën Edom.

Zanafilla 25:31 (ALB)
Por Jakobi iu përgjegj: "Më shit më parë parëbirninë tënde".

Zanafilla 25:32 (ALB)
Esau tha: "Ja unë jam duke vdekur, ç’dobi kam nga parëbirnia?".

Zanafilla 25:33 (ALB)
Atëherë Jakobi tha: "Më parë betomu". Dhe Esau iu betua dhe i shiti Jakobit parëbirninë e tij.

Zanafilla 25:34 (ALB)
Pastaj Jakobi i dha Esaut bukë dhe supë me thjerrëza. Dhe ai hëngri dhe piu, pastaj u ngrit dhe iku. Kështu Esau shpërfilli parëbirninë e tij.

Previous Chapter
« Zanafilla 24

Next Chapter
Zanafilla 26 »

Zanafilla (ALB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

ALB Book Selection List

View full list of ALB Bible Books and Chapters