Hebrenjve 7:1 (ALB)
Sepse ky Melkisedeku, mbret i Salemit dhe prift i Shumë të Lartit Perëndi, i doli përpara Abrahamit, kur po kthehej nga disfata e mbretërve dhe e bekoi;

Hebrenjve 7:2 (ALB)
dhe Abrahami i dha atij edhe të dhjetën e të gjithave. Emri i tij do të thotë më së pari "mbreti i drejtësisë," dhe pastaj edhe "mbreti i Salemit," domethënë "mbreti i paqes".

Hebrenjve 7:3 (ALB)
Pa atë, pa nënë, pa gjenealogji, pa pasur as fillim ditësh as fund jete, por i përngjashëm me Birin e Perëndisë, ai mbetet prift në amshim.

Hebrenjve 7:4 (ALB)
Merrni me mend, pra, sa i madh ishte ky, të cilit Abrahami i dha të dhjetën e plaçkës.

Hebrenjve 7:5 (ALB)
Edhe ata nga bijtë e Levit që marrin priftërinë kanë porosi sipas ligjit të marrin të dhjetën nga populli, pra, nga vëllezërit e tyre, megjithse edhe ata kanë dalë nga mesi i Abrahamit;

Hebrenjve 7:6 (ALB)
ndërsa ky, Melkisedeku, ndonëse nuk e kishte gjenealogjinë prej atyre, mori të dhjetën nga Abrahami dhe bekoi atë që kishte premtimet.

Hebrenjve 7:7 (ALB)
Dhe s’ka kundërshtim se më i vogli bekohet nga më i madhi.

Hebrenjve 7:8 (ALB)
Veç kësaj ata që i marrin të dhjetat janë njerëzit që vdesin, kurse atje i merr ai për të cilin dëshmohet se rron.

Hebrenjve 7:9 (ALB)
Dhe, që të them kështu, vetë Levi, që merr të dhjetat, dha të dhjeta te Abrahami,

Hebrenjve 7:10 (ALB)
sepse ishte ende në mesin e t’et, kur Melkisedeku i doli përpara.

Hebrenjve 7:11 (ALB)
Sepse, po të ishte përkryerja me anë të priftërisë levitike (sepse populli e mori ligji nën atë), ç’nevojë kishte të dilte një prift tjetër sipas rendit të Melkisedekut dhe të mos caktohet sipas rendit të Aaronit?

Hebrenjve 7:12 (ALB)
Sepse, po të ndërrohet priftëria, domosdo ndërrohet edhe ligji.

Hebrenjve 7:13 (ALB)
Sepse ai për të cilin bëhet fjalë i përket një fisi tjetër, prej të cilit askush nuk i ka shërbyer ndonjëherë altarit;

Hebrenjve 7:14 (ALB)
sepse dihet se Perëndia ynë lindi nga fisi i Judës, për të cilin Moisiu nuk tha asgjë lidhur me priftërinë.

Hebrenjve 7:15 (ALB)
Dhe kjo bëhet edhe më e qartë, në qoftë se del një prift tjetër pas shëmbëllimit të Melkisedekut,

Hebrenjve 7:16 (ALB)
që nuk u bë i tillë në bazë të ligjit të porosisë së mishit, po në bazë të fuqisë të jetës së pashkatërrueshme.

Hebrenjve 7:17 (ALB)
Sepse Shkrimi dëshmon: “Ti je prift për jetë të jetës, sipas rendit të Melkisedekut.”

Hebrenjve 7:18 (ALB)
Në këtë mënyrë bie poshtë urdhërimi i mëparshëm, për shkak të dobësisë dhe të padobisë së tij,

Hebrenjve 7:19 (ALB)
sepse ligji nuk mbaroi asnjë lloj pune, po futi një shpresë më të mirë, me anë të së cilës i afrohemi Perëndisë.

Hebrenjve 7:20 (ALB)
Dhe kjo nuk u bë pa betim. Sepse ata bëheshin priftërinj pa bërë betim,

Hebrenjve 7:21 (ALB)
(ndërsa ky në bazë të betimit nga ana e atij që i tha: “Perëndia u betua dhe nuk do të pendohet: Ti je prift përjetë, sipas rendit të Melkisedekut”).

Hebrenjve 7:22 (ALB)
Kështu Jezusi u bë garant i një besëlidhjeje shumë më të mirë.

Hebrenjve 7:23 (ALB)
Për më tepër ata qenë bërë priftërinj në numër të madh, sepse vdekja nuk i linte të qëndronin për gjithnjë,

Hebrenjve 7:24 (ALB)
kurse ai, mbasi qëndron për jetë të jetës, ka priftëri të patjetërsueshme,

Hebrenjve 7:25 (ALB)
prandaj edhe mund të shpëtojë plotësisht ata që me anë të tij i afrohen Perëndisë, sepse gjithmonë rron që të ndërmjetësojë për ta.

Hebrenjve 7:26 (ALB)
Sepse ne një kryeprift i tillë na duhej, i shenjtë, i pafaj, i papërlyer, i ndarë nga mëkatarët dhe i ngritur përmbi qiej,

Hebrenjve 7:27 (ALB)
i cili nuk ka nevojë çdo ditë, si ata kryepriftërinjtë, të ofrojë flijime më parë për mëkatet e veta e pastaj për ato të popullit; sepse këtë e bëri një herë e mirë, kur e kushtoi vetveten.

Hebrenjve 7:28 (ALB)
Sepse ligji vë kryepriftërinj njerëz që kanë dobësi, por fjala e betimit, që vjen pas ligjit, vë Birin që është i përkryer në jetë të jetës.