Hebrenjve 13:1 (ALB)
Dashuria vëllazërore le të mbetet.

Hebrenjve 13:2 (ALB)
Mos harroni mikpritjen, sepse disa duke e praktikuar e priten pa ditur engjëj!

Hebrenjve 13:3 (ALB)
Kujtoni të burgosurit si të ishit të lidhur bashkë me ta, dhe ata që keqtrajtohen, sepse edhe ju vetë jeni në trup.

Hebrenjve 13:4 (ALB)
Martesa të nderohet nga të gjithë dhe shtrati martesor i papërlyer, sepse Perëndia do të gjykojë kurvarët dhe kurorëshkelësit.

Hebrenjve 13:5 (ALB)
Sjellja juaj të jetë pa lakmi paraje dhe kënaquni me atë që keni, sepse vetë Perëndia ka thënë: “Nuk do të të lë, nuk do të të braktis.”

Hebrenjve 13:6 (ALB)
Kështu mund të themi, me plot besim: “Perëndia është ndihmuesi im dhe unë nuk do të kem frikë; ç’do të më bëjë njeriu?.”

Hebrenjve 13:7 (ALB)
Kujtoni të parët tuaj, që ju shpallën fjalën e Perëndisë dhe, duke çmuar rezultatin e sjelljes së tyre, merrni si shembull besimin e tyre.

Hebrenjve 13:8 (ALB)
Krishti është i njëjtë dje, sot e përjetë.

Hebrenjve 13:9 (ALB)
Mos e lëshoni veten aty e këtu prej doktrinah të ndryshme dhe të huaja, sepse është mirë që zemra juaj të forcohet me anë të hirit dhe jo prej ushqimit, të cilat nuk u dhanë asnjë dobi atyre aq sa ecën.

Hebrenjve 13:10 (ALB)
Ne kemi një altar prej të cilit nuk kanë të drejtë të hanë ata që i shërbejnë tabernakullit.

Hebrenjve 13:11 (ALB)
Sepse trupat e atyre kafshëve, gjaku i të cilave është sjellë prej kryepriftit në shenjtëroren për mëkatin, digjen jashtë fushës.

Hebrenjve 13:12 (ALB)
Prandaj edhe Jezusi, për të shenjtëruar popullin me gjakun e vet, pësoi jashtë derës (së qytetit)

Hebrenjve 13:13 (ALB)
Le të dalim, pra, drejt tij jashtë fushës, duke bartur poshtërimin e tij.

Hebrenjve 13:14 (ALB)
Sepse nuk kemi këtu qytet të përhershëm, por kërkojmë atë që ka për të ardhur.

Hebrenjve 13:15 (ALB)
Me anë të tij, pra, le t’i ofrojmë vazhdimisht Perëndisë një flijim lavdie, domethënë frytin e buzëve që rrëfejnë emrin e tij.

Hebrenjve 13:16 (ALB)
Dhe mos harroni bamirësinë dhe t’u jepni ndihmë të tjerëve, sepse Perëndisë i pëlqejnë flijime të tilla.

Hebrenjve 13:17 (ALB)
Dëgjoni të parët tuaj dhe nënshtrohuni atyre, sepse ata rrijnë zgjuar për shpirtërat tuaj, si ata që duhet të japin llogari; që ta bëjnë këtë me gëzim dhe jo me psheretima, sepse kjo nuk do t’ju sillte dobi.

Hebrenjve 13:18 (ALB)
Lutuni për ne, sepse ne besojmë se kemi ndërgjegje të mirë, duke dashur të sillemi mirë në çdo gjë.

Hebrenjve 13:19 (ALB)
Dhe ju bëj thirrje edhe më shumë ta bëni këtë, që unë të kthehem te ju sa më parë.

Hebrenjve 13:20 (ALB)
Dhe Perëndia e paqes, që e ngriti nga të vdekurit, me anë të gjakut të Besëlidhjes së amshuar, Bariun e madh të dhënve, Perëndinë tonë Jezu Krisht,

Hebrenjve 13:21 (ALB)
ju bëftë të përsosur për çdo vepër të mirë, që të kryeni vullnetin e tij, duke punuar te ju atë që është e pëlqyer përpara tij, me anë të Jezu Krishtit, të cilit i qoftë lavdi në shekuj të shekujve. Amen.

Hebrenjve 13:22 (ALB)
Dhe ju lutem, o vëllezër, ta mbani këtë fjalë këshillimi, sepse ju shkrova shkurt.

Hebrenjve 13:23 (ALB)
Ta dini se vëllai Timoteu u lirua nga burgu. Nëse mbërrin së shpejti, unë do të vij te ju bashkë me të.

Hebrenjve 13:24 (ALB)
Përshëndetni të gjithë të parët tuaj dhe gjithë shenjtorët! Ju përshëndesin ata të Italisë.

Hebrenjve 13:25 (ALB)
Hiri qoftë mbi ju të gjithë! Amen.