2 Korintasve 6:1 (ALB)
Dhe, duke qenë bashkëpunëtorë të tij, ju këshillojmë të mos e pranoni më kot hirin e Perëndisë,

2 Korintasve 6:2 (ALB)
sepse ai thotë: “Në kohë të pëlqyer unë të dëgjova dhe në ditë shpëtimi të ndihmova.” Ja, pra, koha e pëlqyer, ja, pra, dita e shpëtimit.

2 Korintasve 6:3 (ALB)
Ne nuk japim asnjë shkas për skandal në asnjë gjë, që të mos shahet shërbesa jonë;

2 Korintasve 6:4 (ALB)
por në çdo gjë e rekomandojmë veten tonë si shërbëtorë të Perëndisë në shumë vuajtje, në shtrëngime, në nevoja, në ngushtica,

2 Korintasve 6:5 (ALB)
në rrahje, në burgosje, në kryengritje, në mundime, në të pafjetura, në agjërime,

2 Korintasve 6:6 (ALB)
me pastërti, me njohuri, me durim, me mirësi, me Frymën e Shenjtë, me dashuri jo të shtirur,

2 Korintasve 6:7 (ALB)
me fjalën e së vërtetës, me fuqinë e Perëndisë, me armët e drejtësisë në të djathtë dhe në të majtë,

2 Korintasve 6:8 (ALB)
në lavdi dhe në çnderim, me emër të mirë dhe me emër të keq;

2 Korintasve 6:9 (ALB)
si gënjeshtarë, por të vërtetë; si të panjohur, por të njohur; si njerëz që vdesin, por ja, jetojmë; si të ndëshkuar, por jo të vrarë;

2 Korintasve 6:10 (ALB)
si të brengosur, por gjithmonë të gëzuar; si të varfër, por shumë veta i bëjmë të pasur; si njerëz që s’kanë kurrgjë, por kanë gjithçka.

2 Korintasve 6:11 (ALB)
Goja jonë u hap për ju, o Korintas, zemra jonë u bë e gjërë.

2 Korintasve 6:12 (ALB)
Ju nuk jeni ngushtë në ne, por ju jeni të ngushtë në zemrat tuaj.

2 Korintasve 6:13 (ALB)
Por në shkëmbim po ju flas si fëmijve, bëhuni të gjërë edhe ju.

2 Korintasve 6:14 (ALB)
Mos hyni në një zgjedhë bashkë me të pabesët, sepse ç’lidhje ka drejtësia me paudhësinë? Dhe çfarë afrie ka drita me terrin?

2 Korintasve 6:15 (ALB)
Dhe ç’harmoni ka Krishti me Belialin? Ose ç’pjesë ka besimtari me jobesimtarin?

2 Korintasve 6:16 (ALB)
Dhe çfarë marrëveshje ka tempulli i Perëndisë me idhujt? Sepse ju jeni tempulli i Perëndisë së gjallë, sikurse tha Perëndia: “Unë do të banoj në mes tyre, dhe do të ec ndër ta; do të jem Perëndia i tyre dhe ata do të jenë populli im.”

2 Korintasve 6:17 (ALB)
Prandaj “dilni nga mesi i tyre dhe ndahuni prej tyre, thotë Zoti, dhe mos prekni asgjë të ndyrë, dhe unë do t’ju pranoj,

2 Korintasve 6:18 (ALB)
dhe do të jem si një Atë për ju, dhe ju do të jeni për mua si bijtë e bijat, thotë Zoti i Plotfuqishëm.”