1 Kronikave 23:1 (ALB)
Davidi, tanimë i plakur dhe i velur me ditë, vendosi si mbret mbi Izraelin birin e tij Salomon.

1 Kronikave 23:2 (ALB)
Ai mblodhi tërë krerët e Izraelit së bashku me priftërinjtë dhe me Levitët.

1 Kronikave 23:3 (ALB)
U llogaritën Levitët tridhjetë vjeç e lart; dhe numri i individëve ishte tridhjetë e tetë mijë.

1 Kronikave 23:4 (ALB)
Nga këta, njëzet e katër mijë u caktuan për të drejtuar punimet në shtëpinë e Zotit, gjashtë mijë ishin magjistratë dhe gjyqtarë,

1 Kronikave 23:5 (ALB)
katër mijë ishin derëtarë dhe katër mijë duhet të lëvdonin Zotin me veglat që Davidi kishte bërë për ta kremtuar.

1 Kronikave 23:6 (ALB)
Davidi i ndau në klasa, sipas bijve të Levit: Gershomi, Kehathi dhe Merari.

1 Kronikave 23:7 (ALB)
Nga Gershonitët: Ladani dhe Shimei.

1 Kronikave 23:8 (ALB)
Bijtë e Ladanit: Jejeli, i pari, Zethami dhe Joeli; tre gjithsej.

1 Kronikave 23:9 (ALB)
Bijtë e Shimeit: Shelomithi, Hazieli dhe Harani; gjithsej tre. Këta ishin të parët e shtëpive atërore të Ladanit.

1 Kronikave 23:10 (ALB)
Bijtë e Shimeit: Jahathi, Zina, Jeushi dhe Beriahu. Këta ishin katër bijtë e Shimeit.

1 Kronikave 23:11 (ALB)
Jahathi ishte i pari, pas tij vinte Zina; Jeushi dhe Beriahu nuk patën shumë fëmijë, prandaj në regjistrimin përbënin një shtëpi të vetme atërore.

1 Kronikave 23:12 (ALB)
Bijtë e Kehathit: Amrami, Itshari, Hebroni dhe Uzieli; gjithsej katër.

1 Kronikave 23:13 (ALB)
Bijtë e Amramit: Aaroni dhe Moisiu. Aaroni u nda veç për të shenjtëruar gjërat e shenjta, ai dhe bijtë e tij përjetë, për të djegur temjan përpara Zotit, për t’i shërbyer dhe për të bekuar emrin e tij përjetë.

1 Kronikave 23:14 (ALB)
Sa për Moisiun, njeriun e Perëndisë, bijtë e tij u llogaritën në fisin e Levit.

1 Kronikave 23:15 (ALB)
Bijtë e Moisiut ishin Gershomi dhe Eliezeri.

1 Kronikave 23:16 (ALB)
Nga bijtë e Gershomit, Shebueli ishte i pari.

1 Kronikave 23:17 (ALB)
Nga bijtë e Eliezerit, Rehabiahu ishte i pari. Eliezeri nuk pati fëmijë të tjerë, por bijtë e Rehabiahut ishin të shumët.

1 Kronikave 23:18 (ALB)
Nga bijtë e Itsharit, Shelomithi ishte i pari.

1 Kronikave 23:19 (ALB)
Nga bijtë e Hebroit, Jerijahu ishte i pari, Amariahu i dyti, Jahazieli i treti dhe Jekaneami i katërti.

1 Kronikave 23:20 (ALB)
Nga bijtë e Uzielit, Mikahu ishte i pari dhe Ishshiahu i dyti.

1 Kronikave 23:21 (ALB)
Bijtë e Merarit ishin Mahli dhe Mushi. Bijtë e Mahlit ishin Eleazari dhe Kishi.

1 Kronikave 23:22 (ALB)
Eleazari vdiq dhe nuk la djem, por vetëm vajzat që u martuan me bijtë e Kishit, vëllezër të tyre.

1 Kronikave 23:23 (ALB)
Bijtë e Mushit ishin Mahli, Ederi dhe Jeremothi; gjithsej tre.

1 Kronikave 23:24 (ALB)
Këta ishin bijtë e Levit sipas shtëpisë të tyre atërore, të parët e shtëpive atërore sipas regjistrimit të popullsisë, që u bë duke i numëruar emrat një për një. Këta ishin të ngarkuar me shërbimin e shtëpisë të Zotit njëzet vjeç e lart.

1 Kronikave 23:25 (ALB)
Sepse Davidi kishte thënë: "Zoti, Perëndia i Izraelit, i ka dhënë paqe popullit të tij, në mënyrë që ai të mund të banonte në Jeruzalem përjetë.

1 Kronikave 23:26 (ALB)
Kështu Levitët nuk do ta mbartin më tabernakullin dhe tërë objektet e shërbimit të tij".

1 Kronikave 23:27 (ALB)
sipas porosive të fundit të Davidit u bë regjistrimi i bijve të Levit, njëzet vjeç e lart.

1 Kronikave 23:28 (ALB)
Sepse detyra e tyre ishte që të ndihmonin bijtë e Aaronit në shërbimin e shtëpisë së Zotit në oborret, në dhomat, në pastrimin e të gjitha gjërave të shenjta, në punën e shërbimit të shtëpisë së Perëndisë,

1 Kronikave 23:29 (ALB)
me bukët e paraqitjes, me majën e miellit për ofertën e ushqimit, me kuleçët e ndorme; me gjërat që gatuhen në tigan, me atë që është përzier me vaj dhe me të gjitha masat dhe dimensionet.

1 Kronikave 23:30 (ALB)
Përveç kësaj ata duhet të paraqiteshin çdo mëngjes për të kremtuar dhe për të lëvduar Zotin, dhe kështu edhe çdo mbrëmje,

1 Kronikave 23:31 (ALB)
si dhe për të ofruar vazhdimisht para Zotit tërë olokaustet, sipas numrit të caktuar nga ligji ditët e shtuna, kur fillon hëna e re dhe në festat solemne.

1 Kronikave 23:32 (ALB)
Ata duhet të kryenin gjithashtu detyrat e çadrës së mbledhjeve dhe të shenjtërores, si dhe të ndihmonin bijtë e Aaronit, vëllezërit e tyre, në shërbimin e shtëpisë të Zotit.