1 Kronikave 16 | ALB Bible Study

1 Kronikave 16:1 (ALB)
Kështu e prunë arkën e Perëndisë dhe e vendosën në mes të tabernakullit që Davidi kishte ngritur për të; pastaj ofruan olokauste dhe flijime falenderimi përpara Perëndisë.

1 Kronikave 16:2 (ALB)
Kur Davidi mbaroi së ofruari olokaustet dhe flijimet e falenderimit, ai bekoi popullin në emër të Zotit;

1 Kronikave 16:3 (ALB)
pastaj u ndau tërë Izraelitëve, burra dhe gra, secilit prej tyre një bukë, një racion mish dhe një sasi rrushi të thatë.

1 Kronikave 16:4 (ALB)
Pastaj vendosi përpara arkës të Zotit disa Levitë për të kryer shërbimin për të kujtuar, për të falenderuar dhe për të lëvduar Zotin, Perëndinë e Izraelit;

1 Kronikave 16:5 (ALB)
Asafi, i pari, Zakaria i dyti mbas tij, pastaj Jeieli, Shemiramothi, Jehieli, Matithiahu, Eliabi, Benajahu, Obed-Edomi dhe Jejeli. Ata u binin harpave dhe qesteve, ndërsa Asafi u binte cembaleve.

1 Kronikave 16:6 (ALB)
Priftërinjtë Benajah dhe Jahaziel përkundrazi i binin trombës vazhdimisht përpara arkës së besëlidhjes së Perëndisë.

1 Kronikave 16:7 (ALB)
Atë ditë Davidi u besoi për herë të parë Asafit dhe vëllezërve të tij detyrën që të këndonin lëvdata Zotit.

1 Kronikave 16:8 (ALB)
Kremtoni Zotin, kujtoni emrin e tij; bëjini të njohura veprat e tij midis popujve.

1 Kronikave 16:9 (ALB)
Këndojini atij, lëvdoheni, mendoni të gjitha mrekullitë e tij.

1 Kronikave 16:10 (ALB)
Lëvdohuni me emrin e tij të shenjtë; u gëzofshin zemrat e të gjithë atyre që kërkojnë Zotin!

1 Kronikave 16:11 (ALB)
Kërkoni Zotin dhe forcën e tij, kërkoni vazhdimisht fytyrën e tij!

1 Kronikave 16:12 (ALB)
Kujtoni mrekullitë që ka bërë, çuditë e tij dhe gjykimet që kanë dalë nga goja e tij,

1 Kronikave 16:13 (ALB)
ju, o stermpa të Izraelit, shërbëtorit të tij, o bij të Jakobit, të zgjedhurit e tij!

1 Kronikave 16:14 (ALB)
Ai është Zoti, Perëndia ynë; gjykimet e tij i gjejmë mbi të gjithë tokën.

1 Kronikave 16:15 (ALB)
Mos harroni kurrë besëlidhjen e tij, fjalën e tij të urdhëruar për një mijë breza,

1 Kronikave 16:16 (ALB)
besëlidhjen e lidhur me Abrahamin, betimin që i ka bërë Isakut,

1 Kronikave 16:17 (ALB)
që ia konfirmoi Jakobit si një statut dhe Izraelit si një besëlidhje të përjetshme,

1 Kronikave 16:18 (ALB)
duke thënë: "Unë do t’ju jap vendin e Kanaanit si pjesë e trashëgimisë suaj".

1 Kronikave 16:19 (ALB)
kur nuk ishin veçse një numër i vogël, fare i pakët dhe të huaj në vend.

1 Kronikave 16:20 (ALB)
Kur shkonin nga një komb në një tjetër, nga një mbretëri në një popull tjetër,

1 Kronikave 16:21 (ALB)
ai nuk lejoi që ndokush t’i shtypte; përkundrazi dënoi disa mbretër për dashurinë që ushqente për ta,

1 Kronikave 16:22 (ALB)
duke thënë: "Mos prekni të vajosurit e mi dhe mos u bëni asnjë të keqe profetëve të mi".

1 Kronikave 16:23 (ALB)
Këndojini Zotit, o banorë të të gjithë tokës, lajmëroni çdo ditë shpëtimin e tij!

1 Kronikave 16:24 (ALB)
Shpallni lavdinë e tij midis kombeve dhe mrekullitë e tij midis tërë popujve!

1 Kronikave 16:25 (ALB)
Sepse Zoti është i madh dhe i denjë të lëvdohet në kulm; ai është me friksuësi nga tërë perënditë.

1 Kronikave 16:26 (ALB)
Sepse tërë perënditë e kombeve janë idhuj, kurse Zoti ka krijuar qiejtë.

1 Kronikave 16:27 (ALB)
Shkëlqimi dhe madhëria janë para tij, forca dhe gëzimi ndodhen në banesën e tij.

1 Kronikave 16:28 (ALB)
Jepini Zotit, o familje të popujve, jepini Zotit lavdi dhe forcë.

1 Kronikave 16:29 (ALB)
Jepini Zotit zulmin që i takon emrit të tij, çojini oferta dhe ejani para tij. Bini përmbys para Zotit në shkëlqimin e shenjtërisë së tij;

1 Kronikave 16:30 (ALB)
dridhuni para tij, o banorë të të gjithë tokës! Po, bota është e qëndrueshme dhe nuk do të tundet.

1 Kronikave 16:31 (ALB)
Le të gëzohen qiejtë dhe toka, dhe le të thonë kombet: "Zoti mbretëron".

1 Kronikave 16:32 (ALB)
Le të gjëmojë deti dhe tërë ato që janë në të;

1 Kronikave 16:33 (ALB)
atëherë tërë drurët e pyllit do të lëshojnë britma gëzimi përpara Zotit, sepse ai vjen të gjykojë tokën.

1 Kronikave 16:34 (ALB)
Kremtoni Zotin, sepse ai është i mirë, sepse mirësia e tij vazhdon përjetë.

1 Kronikave 16:35 (ALB)
Thoni: "Shpëtona, o Perëndi i shpëtimit tonë! Na mblidh dhe na çliro nga kombet, me qëllim që të kremtojmë emrin tënd të shenjtë dhe të mburremi se të kemi lëvduar".

1 Kronikave 16:36 (ALB)
I bekuar qoftë Zoti, Perëndia i Izraelit, nga amshimi në amshim! Dhe tërë populli tha: "Amen," dhe lëvdoi Zotin.

1 Kronikave 16:37 (ALB)
Kështu Davidi la Asafin dhe vëllezërit e tij atje përpara arkës së besëlidhjes të Zotit, me qëllim që të shërbenin vazhdimisht përpara arkës, sipas nevojave të çdo dite,

1 Kronikave 16:38 (ALB)
la edhe Obed-Edomin dhe të gjashtëdhjetë e tetë vëllezërit e tij (Obed-Edomi, bir i Jeduthunit dhe Hosahu si derëtarë),

1 Kronikave 16:39 (ALB)
dhe priftin Tsadok dhe priftërinjtë vëllezër të tij përpara tabernakullit të Zotit, në vendin e lartë që ishte në Gabaon,

1 Kronikave 16:40 (ALB)
me qëllim që ata t’i ofronin Zotit olokauste mbi altarin e olokausteve, vazhdimisht në mëngjes e në mbrëmje, sipas tërë atyre që janë shkruar në ligjin e Zotit, që ai ia kishte imponuar Izraelit.

1 Kronikave 16:41 (ALB)
Dhe me ta ishin Hemani, Jeduthuni dhe të tjerët që ishin zgjedhur dhe caktuar me emër për të lëvduar Zotin, sepse mirësia e tij është e përjetshme.

1 Kronikave 16:42 (ALB)
Me ta ishin gjithashtu Hemani dhe Jeduthuni me bori dhe cembale, për ata që do t’u binin veglave, dhe me vegla muzikore për të shoqëruar këngët e Perëndisë. Bijtë e Jeduthunit duhet të rrinin te porta.

1 Kronikave 16:43 (ALB)
Më në fund tërë populli u kthye, secili në shtëpinë e vet, dhe Davidi u kthye për të bekuar shtëpinë e vet.

1 Kronikave 16 ALB

1 Kronikave (ALB) Chapter Selection

ALB Book Selection List