1 Kronikave 14:1 (ALB)
Hirami, mbret i Tiros, i dërgoi Davidit lajmëtarë, dru kedri, muratorë, dhe marangozë për t’i ndërtuar një shtëpi.

1 Kronikave 14:2 (ALB)
Atëherë Davidi e pranoi që Zoti e kishte vendosur mbret të Izraelit, sepse mbretëria e tij qe lavdëruar shumë për shkak të popullit të tij, Izraelit.

1 Kronikave 14:3 (ALB)
Davidi u martua me gra të tjera në Jeruzalem dhe i lindën djem e vajza.

1 Kronikave 14:4 (ALB)
Këto janë emrat e bijve që i lindën në Jeruzalem: Shamua, Shohabi, Salomoni,

1 Kronikave 14:5 (ALB)
Ibhari, Elishua, Elpeleti,

1 Kronikave 14:6 (ALB)
Nagahu, Nefegu, Jafia,

1 Kronikave 14:7 (ALB)
Elishama, Beelida dhe Elifeleti.

1 Kronikave 14:8 (ALB)
Kur Filistejtë mësuan që Davidi ishte vajosur mbret i tërë Izraelit, dolën të gjithë në kërkim të Davidit. Sa e mësoi këtë, Davidi u doli përballë.

1 Kronikave 14:9 (ALB)
Filistejtë arritën dhe u përhapën në luginën e Refaimit.

1 Kronikave 14:10 (ALB)
Atëherë Davidi u këshillua me Perëndinë, duke thënë: A duhet të dal kundër Filistejve? A do të m’i japësh në duart e mia?". Zoti u përgjigj: Dil dhe unë do t’i jap në duart e tuaa".

1 Kronikave 14:11 (ALB)
Ata dolën në Baal-Peratsim, ku Davidi i mundi dhe tha: "Perëndia ka hapur me duart e mia një kalim midis armiqve të mi, si një kalim i hapur nga ujërat". Prandaj i vunë këtij vendi emrin e Baal-Peratsimit.

1 Kronikave 14:12 (ALB)
Filistejtë braktisën aty perënditë e tyre dhe Davidi urdhëroi që të digjeshin në zjarr.

1 Kronikave 14:13 (ALB)
Më vonë Filistejtë filluan të shpërndahen nëpër luginë.

1 Kronikave 14:14 (ALB)
Davidi u këshillua përsëri me Perëndinë, dhe Perëndia i tha: "Mos u dil prapa, por merru krahët dhe sulu mbi ta përballë ballsameve.

1 Kronikave 14:15 (ALB)
Kur të dëgjosh një zhurmë hapash në majat e ballsameve, hidhu menjëherë në sulm, sepse Perëndia do të të dalë përpara për të mundur ushtrinë e Filistejve".

1 Kronikave 14:16 (ALB)
Davidi bëri ashtu siç e kishte urdhëruar Perëndia, dhe ata mundën ushtrinë e Filistejve nga Gabaoni deri në Gezer.

1 Kronikave 14:17 (ALB)
Kështu fama e Davidit u përhap në të gjitha vendet, dhe Zoti solli tmerrin e tij mbi të gjitha kombet.