Kantiku i Kantikëve 8 | ALB Bible Study

Kantiku i Kantikëve 8:1 (ALB)
Ah, sikur të ishe ti si një vëllai im, që mënd në gjitë e nënës sime! Duke të gjetur jashtë do të të puthja, dhe askush nuk do të më përçmonte.

Kantiku i Kantikëve 8:2 (ALB)
Do të të çoja dhe do të fusja në shtëpinë e nënës sime; ti do të më mësoje dhe unë do të të jepja për të pirë verë aromatike, lëng nga shega ime.

Kantiku i Kantikëve 8:3 (ALB)
Dora e tij e majtë qoftë nën kokën time dhe e djathta e tij më përqafoftë!

Kantiku i Kantikëve 8:4 (ALB)
O bija të Jerzalemit, ju lutem shumë, mos e shqetësoni dhe mos e zgjoni dashurinë time, deri sa kështu t’i pëlqejë.

Kantiku i Kantikëve 8:5 (ALB)
Kush është ajo që del nga shkretëtira duke u mbështetur tek i dashuri i saj? Të kam zgjuar nën mollën, ku nëna jote të ka lindur, ku ajo që të ka lindur të ka nxjerrë në dritë.

Kantiku i Kantikëve 8:6 (ALB)
Më vër si një vulë mbi zemrën tënde, si një vulë mbi krahun tënd; sepse dashuria është e fortë si vdekja, xhelozia është e ashpër si Sheoli. Flakët e saj janë flakë zjarri, një flakë që përvëlon.

Kantiku i Kantikëve 8:7 (ALB)
Ujërat e mëdha nuk do të mund ta shuajnë dashurinë, as lumenjtë ta përmbytin. Në rast se dikush do të jepte tërë pasuritë e shtëpisë së tij në këmbim të dashurisë, do të përbuzej me siguri.

Kantiku i Kantikëve 8:8 (ALB)
Ne kemi një motër të vogël që ende nuk ka sisë; çfarë do të bëjmë për motrën tonë ditën që do të flitet për të?

Kantiku i Kantikëve 8:9 (ALB)
Në qoftë se është një mur, do të ndërtojmë mbi të një pallat prej argjendi; në qoftë se është një portë, do ta forcojmë me dërrasa kedri.

Kantiku i Kantikëve 8:10 ALB Bible Study

Kantiku i Kantikëve 8:10 (ALB)
Unë jam një mur, dhe sisët e mia janë si kulla; prandaj në sytë e tij jam bërë si ajo që ka gjetur paqen.

Kantiku i Kantikëve 8:11 ALB Bible Study

Kantiku i Kantikëve 8:11 (ALB)
Salomoni kishte një vresht në Baal-Hamon; ai ua besoi disa rojtarëve, secili prej tyre duhet t’i çonte si fryt të tij një mijë sikla argjendi.

Kantiku i Kantikëve 8:12 ALB Bible Study

Kantiku i Kantikëve 8:12 (ALB)
Vreshti im, që është imi, ndodhet para meje. Ti, Salomon, mbaji një mijë siklat dhe rojtarët e frytit të tij marrshin dyqind.

Kantiku i Kantikëve 8:13 ALB Bible Study

Kantiku i Kantikëve 8:13 (ALB)
Ti që banon në kopshte, shokët po dëgjojnë zërin tënd; bëj ta dëgjoj edhe unë.

Kantiku i Kantikëve 8:14 ALB Bible Study

Kantiku i Kantikëve 8:14 (ALB)
Eja shpejt, i dashuri im, dhe ngjaji një gazele apo një sute në malet e aromave!

Previous Chapter
« Kantiku i Kantikëve 7

Next Chapter
Isaia 1 »

Kantiku i Kantikëve (ALB) Chapter Selection

1 2 3 4 5 6 7 8

ALB Book Selection List

View full list of ALB Bible Books and Chapters