Kantiku i Kantikëve 7:1 (ALB)
Sa të bukura janë këmbët e tua në këpucë, o bija e princit! Pjesët e rrumbullakta të ijëve të tua janë si stolira, vepër e dorës së një artisti.

Kantiku i Kantikëve 7:2 (ALB)
Kërthiza jote është një kupë e rrumbullakët, ku nuk mungon kurrë vera aromatike. Barku yt është një tog gruri, i rrethuar nga zambakë.

Kantiku i Kantikëve 7:3 (ALB)
Dy sisët e tua janë si dy kaproj të vegjel, binjake të gazelave.

Kantiku i Kantikëve 7:4 (ALB)
Qafa jote është si një kullë fildishi, sytë e tu janë si ato të pellgjeve të Heshbonit pranë portës së Bath-Rabimit. Hunda jote është si kulla e Libanit, që shikon në drejtim të Damaskut.

Kantiku i Kantikëve 7:5 (ALB)
Koka jote lartohet mbi ty si Karmeli dhe flokët e kokës sate janë purpur; një mbret u zu rob i gërshetave të tua.

Kantiku i Kantikëve 7:6 (ALB)
Sa e bukur je dhe sa e hijshme je, o e dashura ime, me të gjitha ëndjet që siguron!

Kantiku i Kantikëve 7:7 (ALB)
Shtati yt është i njëllojtë me atë të palmës dhe sisët e tua janë si vile.

Kantiku i Kantikëve 7:8 (ALB)
Kam thënë: "Do të ngjitem mbi palmë dhe do të kap degët e saj". Qofshin sisët e tua si vilet e rrushit, aroma e frymës sate si ajo e mollëve,

Kantiku i Kantikëve 7:9 (ALB)
dhe të puthurat e gojës sate si një verë e zgjedhur, që zbret ëmbël për të kënaqur dëshirën time, duke çikur shumë lehtë buzët e atij që fle.

Kantiku i Kantikëve 7:10 (ALB)
Unë jam e të dashurit tim dhe ai më dëshiron.

Kantiku i Kantikëve 7:11 (ALB)
Eja, i dashuri im, le të dalim nëpër fusha, ta kalojmë natën nëpër fshatra!

Kantiku i Kantikëve 7:12 (ALB)
Të çohemi shpejt në mëngjes për të shkuar në vreshtat dhe për të parë në qoftë se vreshti ka lëshuar llastarë, në se kanë çelur lulet e tij dhe në se shegët kanë lulëzuar. Aty do të jap dashurinë time.

Kantiku i Kantikëve 7:13 (ALB)
Madërgonat përhapin aromën e tyre dhe mbi portat tona ka fryte të zgjedhura të çdo lloji, të freskëta dhe të thata, që i kam ruajtur për ty, i dashuri im.