Marku 15 | ALB Bible Study

Marku 15:1 (ALB)
Dhe herët në mëngjes krerët e priftërinjve me pleqtë, skribët dhe gjithë sinedrit bënin këshill, e lidhën Jezusin e çuan jashtë e ia dorëzuan Pilatit.

Marku 15:2 (ALB)
Dhe Pilati e pyeti: “A je ti mbreti i Judenjve?.” Dhe ai, duke u përgjigjur, i tha: “Ti e thua!.”

Marku 15:3 (ALB)
Dhe krerët e priftërinjve e akuzonin për shumë gjëra; por ai nuk përgjigjej aspak.

Marku 15:4 (ALB)
Pilati e pyeti përsëri, duke thënë: “Nuk po përgjigjesh fare? Shih për sa gjëra të akuzojnë!.”

Marku 15:5 (ALB)
Por Jezusi nuk u përgjigj më asgjë, aq sa Pilati mbeti i çuditur.

Marku 15:6 (ALB)
Dhe në çdo festë ishte zakon t’u lëshohej atyre një i burgosur, këdo që ata do kërkonin.

Marku 15:7 (ALB)
Por ishte në burg një njeri që quhej Baraba, bashkë me shokë të tjerë rebelë, të cilët kishin bërë një vrasje gjatë një kryengritjeje.

Marku 15:8 (ALB)
Dhe turma, duke bërtitur, filloi të kërkojë që të bënte ashtu siç kishte vepruar gjithnjë për ta.

Marku 15:9 (ALB)
Atëherë Pilati iu përgjigj atyre duke thënë: “A doni t’ju liroj mbretin e Judenjve?.”

Marku 15:10 (ALB)
Sepse e dinte që krerët e priftërinjve ia kishin dorëzuar nga smira.

Marku 15:11 (ALB)
Por krerët e priftërinjve e nxitën turmën që të kërkojë që t’u lironte atyre Barabanë.

Marku 15:12 (ALB)
Dhe Pilati e mori përsëri fjalën dhe u tha atyre: “Çfarë doni, pra, të bëj me atë që ju e quani mbret të Judenjve?.”

Marku 15:13 (ALB)
Dhe ata bërtitën përsëri: “Kryqëzoje!.”

Marku 15:14 (ALB)
Dhe Pilati u tha atyre: “Po ç’të keqe ka bërë?.” Atëherë ata bërtitën edhe më fort: “Kryqëzoje!.”

Marku 15:15 (ALB)
Prandaj Pilati, duke dashur ta kënaqë turmën, ua lëshoi Barabanë. Dhe, mbasi e fshikulluan Jezusin, ua dorëzoi atyre që të kryqëzohej.

Marku 15:16 (ALB)
Atëherë ushtarët e çuan Jezusin në oborrin e brendshëm domëthënë në pretorium, dhe mblodhën gjithë kohortën.

Marku 15:17 (ALB)
E veshën në purpur dhe, si thurën një kurorë me ferra, ia vunë mbi krye.

Marku 15:18 (ALB)
Pastaj nisën ta përshëndesin duke i thënë: “Tungjatjeta, o mbret i Judenjve!.”

Marku 15:19 (ALB)
Dhe e goditnin në krye me një kallam, e pështynin dhe, duke u gjunjëzuar përpara tij, e adhuronin.

Marku 15:20 (ALB)
Pasi e tallën, ia hoqen purpurën, e veshën me rrobat e tij dhe e nxorën jashtë për ta kryqëzuar.

Marku 15:21 (ALB)
Ata e detyruan një kalimtar, një farë Simoni nga Kirena që kthehej nga ara, babai i Aleksandrit dhe i Rufit, që ta mbante kryqin e tij.

Marku 15:22 (ALB)
Pastaj e çuan Jezusin në vendin të quajtur Golgota, që do të thotë: Vendi i Kafkëss".

Marku 15:23 (ALB)
I dhanë të pijë verë të përzier me mirrë, por ai nuk e mori.

Marku 15:24 (ALB)
Dhe, pasi e kryqëzuan, i ndanë rrobat e tij duke hedhur short, për të ditur çfarë do t’i binte secilit.

Marku 15:25 (ALB)
Ishte ora e tretë kur e kryqëzuan.

Marku 15:26 (ALB)
Dhe mbishkrimi që tregonte shkakun e dënimit, i cili ishte vënë përmbi të, thoshte: "Mbreti i Judenjve".

Marku 15:27 (ALB)
Bashkë me të kryqëzuan edhe dy vjedhës, njërin në të djathtën e tij dhe tjetrin në të majtën e tij.

Marku 15:28 (ALB)
Kështu u përmbush Shkrimi që thotë: “Ai u përfshi ndër keqbërësit.”

Marku 15:29 (ALB)
Dhe ata që kalonin aty afër e fyenin, duke tundur kokën, dhe duke thënë: “Hej, ti që e shkatërron tempullin dhe e rindërton në tre ditë,

Marku 15:30 (ALB)
shpëto veten tënde dhe zbrit nga kryqi!.”

Marku 15:31 (ALB)
Po ashtu edhe krerët e priftërinjve me skribët, duke e tallur, i thoshnin njeri tjetrit: “Të tjerët i shpëtoi, por veten s’mund ta shpëtojë.

Marku 15:32 (ALB)
Krishti, mbreti i Izraelit, le të zbresë tani nga kryqi që ta shohim dhe ta besojmë.” Edhe ata që ishin kryqëzuar bashkë me të, e fyenin atë.

Marku 15:33 (ALB)
Pastaj, kur erdhi e gjashta orë, errësira e mbuloi gjithë vendin deri në të nëntën orë.

Marku 15:34 (ALB)
Dhe në të nëntën orë Jezusi bërtiti me zë të lartë: “Eloi, Eloi; lama sabaktani?,” që e përkthyer do të thotë: “Perëndia im, Perëndia im, përse më ke braktisur?.”

Marku 15:35 (ALB)
Dhe disa nga të pranishmit, kur e dëgjuan, thoshnin: “Ja, ai po thërret Elian!.”

Marku 15:36 (ALB)
Atëherë një prej tyre erdhi me vrap, e zhyti një sfungjer në uthull dhe, mbasi e vuri në një kallam, ia dha të pijë, duke thënë: “Lëreni; të shohim nëse vjen Elia që ta zbresë poshtë.”

Marku 15:37 (ALB)
Por Jezusi, si lëshoi një britmë të madhe, dha frymën.

Marku 15:38 (ALB)
Atëherë veli i tempullit u ça më dysh nga maja deri në fund.

Marku 15:39 (ALB)
Dhe centurioni që qëndronte përballë Jezusit, kur pa se, pasi Jezusi bërtiti ashtu, kishte dhënë shpirt, tha: “Me të vërtetë ky njeri ishte Biri i Perëndisë!.”

Marku 15:40 (ALB)
Aty ishin gjithashtu edhe gra që shikonin nga larg; midis tyre ishin Maria Magdalena dhe Maria, nëna e Jakobit të vogël të Joses dhe Salomeja,

Marku 15:41 (ALB)
të cilat e kishin ndjekur dhe i kishin shërbyer kur ishte në Galile; dhe kishte edhe shumë të tjera që ishin ngjitur bashkë me të në Jeruzalem.

Marku 15:42 (ALB)
Pastaj, u afrua tashmë mbrëmja, sepse ishte Përgatitja, domethënë vigjilja e së shtunës,

Marku 15:43 (ALB)
Jozefi nga Arimatea, një këshilltar i respektuar, i cili priste edhe ai mbretërinë e Perëndisë, me guxim hyri te Pilati dhe kërkoi trupin e Jezusit.

Marku 15:44 (ALB)
Dhe Pilati u çudit që tashmë kishte vdekur. Dhe thirri centurionin dhe e pyeti nëse kishte vdekur prej shumë kohe.

Marku 15:45 (ALB)
Dhe si u sigurua nga centurioni, ia la trupin Jozefit.

Marku 15:46 (ALB)
Ky, mbasi bleu një çarçaf, e zbriti Jezusin nga kryqi, e mbështolli në çarçaf dhe e vuri në një varr që ishte hapur në shkëmb; pastaj rrokullisi një gur para hyrjes së varrit.

Marku 15:47 (ALB)
Dhe Maria Magdalena dhe Maria, nëna e Joses, vërenin ku e vunë.

Marku 15 ALB

Marku (ALB) Chapter Selection

ALB Book Selection List