Marku 1 | ALB Bible Study

Marku 1:1 (ALB)
Fillimi i Ungjillit të Jezu Krishtit, Birit të Perëndisë.

Marku 1:2 (ALB)
Ashtu si është shkruar tek profetët: “Ja, unë po dërgoj lajmëtarin tim para fytyrës tënde, i cili do të përgatit udhën tënde përpara teje.

Marku 1:3 (ALB)
Ka një zë që bërtet në shkretëtirë: "Përgatitni udhën e Zotit, drejtoni shtigjet e tij".”

Marku 1:4 (ALB)
Gjoni erdhi në shkretëtirë duke pagëzuar dhe duke predikuar një pagëzim pendese për faljen e mëkateve.

Marku 1:5 (ALB)
Dhe gjithë vendi i Judës dhe ata nga Jeruzalemi shkonin tek ai, dhe pagëzoheshin të gjithë nga ai në lumin Jordan, duke rrëfyer mëkatet e tyre.

Marku 1:6 (ALB)
Por Gjoni ishte i veshur me lesh deveje, mbante një brez lëkure përreth ijëve dhe ushqehej me karkaleca dhe me mjaltë të egër.

Marku 1:7 (ALB)
Ai predikonte duke thënë: “Pas meje po vjen një që është më i fortë se unë. Unë nuk jam i denjë as të ulem para tij për t’i zgjidhur lidhësat e sandaleve të tij.

Marku 1:8 (ALB)
Unë ju pagëzova me ujë, ndërsa ai do t’ju pagëzojë me Frymën e Shenjtë.”

Marku 1:9 (ALB)
Dhe ndodhi në ato ditë që Jezusi erdhi nga Nazareti i Galilesë dhe u pagëzua nga Gjoni në Jordan.

Marku 1:10 (ALB)
Dhe menjëherë, kur po dilte nga uji, pa se qiejtë po hapeshin dhe Fryma po zbriste mbi të si një pëllumb.

Marku 1:11 (ALB)
Dhe një zë erdhi nga qielli: “Ti je Biri im i dashur në të cilin jam kënaqur.

Marku 1:12 (ALB)
Fill pas kësaj, Fryma e Shenjtë e çoi në shkretëtirë;

Marku 1:13 (ALB)
dhe qëndroi në shkretëtirë dyzet ditë, i tunduar nga Satanai. Ishte bashkë me bishat dhe engjëjt i shërbenin.

Marku 1:14 (ALB)
Dhe mbasi e burgosën Gjonin, Jezusi erdhi në Galile duke predikuar ungjillin e mbretërisë së Perëndisë,

Marku 1:15 (ALB)
dhe duke thënë: “U mbush koha dhe mbretëria e Perëndisë është afër. Pendohuni dhe besoni ungjillin.”

Marku 1:16 (ALB)
Ndërsa po kalonte gjatë bregut të detit të Galilesë, ai pa Simonin dhe Andrean, vëllanë e tij, të cilët po hidhnin rrjetën në det sepse ishin peshkatarë.

Marku 1:17 (ALB)
Dhe Jezusi u tha atyre: “Ndiqmëni dhe unë do t’ju bëj peshkatarë njerëzish.”

Marku 1:18 (ALB)
Dhe ata i lanë menjëherë rrjetat dhe e ndoqën.

Marku 1:19 (ALB)
Mbasi eci edhe pak, pa Jakobin, bir in e Zebedeut dhe Gjonin, vëllanë e tij, të cilët ndreqnin rrjetat e tyre në barkë.

Marku 1:20 (ALB)
Dhe i thirri menjëherë; dhe ata e lanë atin e tyre Zebedeun në barkë me mëditësit dhe e ndoqën.

Marku 1:21 (ALB)
Pastaj hynë në Kapernaum dhe menjëherë, ditën e shtunë, ai hyri në sinagogë dhe i mësonte njerëzit.

Marku 1:22 (ALB)
Dhe njerëzit habiteshin nga doktrina e tij, sepse ai i mësonte si një që ka pushtet dhe jo si skribët.

Marku 1:23 (ALB)
Atëherë në sinagogën e tyre ishte një njeri i pushtuar nga një frymë e ndyrë, i cili filloi të bërtasë,

Marku 1:24 (ALB)
duke thënë: “Ç’ka midis nesh dhe teje, o Jezus Nazareas? A erdhe të na shkatë-rrosh? Unë e di kush je: I Shenjti i Perëndisë.”

Marku 1:25 (ALB)
Por Jezusi e qortoi duke thënë: “Hesht dhe dil prej tij!.”

Marku 1:26 (ALB)
Dhe fryma e ndyrë, mbasi e sfiliti, dhe duke lëshuar një britmë të madhe doli prej tij.

Marku 1:27 (ALB)
Dhe të gjithë u mahnitën aq shumë sa pyesnin njeri tjetrin duke thënë: “Vallë ç’është kjo? Cfarë doktrinë e re qënka kjo? Ky i urdhëroka me autoritet edhe frymërat e ndyra, dhe ata i binden.”

Marku 1:28 (ALB)
Dhe fama e tij u përhap menjëherë në mbarë krahinën përreth Galilesë.

Marku 1:29 (ALB)
Sapo dolën nga sinagoga, erdhën në shtëpinë e Simonit dhe të Andreas, me Jakobin dhe Gjonin.

Marku 1:30 (ALB)
Vjehrra e Simonit ishte në shtrat me ethe dhe ata menjëherë i folën për të.

Marku 1:31 (ALB)
Atëhërë ai u afrua, e kapi për dore dhe e ngriti. Menjëherë ethet e lanë dhe ajo nisi t’u shërbejë.

Marku 1:32 (ALB)
Në mbrëmje, pas perëndimit të diellit, i prunë të gjithë të sëmurit dhe të idemonizuarit.

Marku 1:33 (ALB)
Dhe gjithë qyteti ishte mbledhur përpara derës.

Marku 1:34 (ALB)
Ai shëroi shumë, që lëngonin nga sëmundje të ndryshme, dhe dëboi shumë demonë; dhe nuk i lejoi demonët të flasin, sepse ata e njihnin.

Marku 1:35 (ALB)
Pastaj, të nesërmen në mëngjes, kur ende ishte shumë errët, Jezusi u ngrit, doli dhe shkoi në një vend të vetmuar dhe atje u lut.

Marku 1:36 (ALB)
Dhe Simoni dhe ata që ishin me të e kërkonin.

Marku 1:37 (ALB)
Dhe, kur e gjetën, i thanë: “Të gjithë po të kerkojnë!.”

Marku 1:38 (ALB)
Dhe ai u tha atyre: “Lë të shkojmë në fshatrat e afërm që të predikoj edhe atje, sepse për këtë kam ardhur.”

Marku 1:39 (ALB)
Dhe ai e përshkoi gjithë Galilenë duke predikuar nëpër sinagogat e tyre dhe duke dëbuar demonët.

Marku 1:40 (ALB)
Dhe erdhi tek ai një lebroz i cili, duke iu lutur, ra në gjunj dhe i tha: “Po të duash, ti mund të më pastrosh.”

Marku 1:41 (ALB)
Dhe Jezusi, duke e mëshiruar, shtriu dorën, e preku dhe i tha: “Po, e dua, qofsh pastruar!.”

Marku 1:42 (ALB)
Dhe, posa tha këto, menjëherë lebra e la dhe u shërua.

Marku 1:43 (ALB)
Pastaj, mbasi e paralajmëroi rreptësisht, menjëherë e largoi,

Marku 1:44 (ALB)
duke i thënë: “Ruhu se i tregon gjë ndokujt, por shko, paraqitu te prifti dhe ofro për pastrimin tënd sa ka urdhëruar Moisiu, si dëshmi për ta.”

Marku 1:45 (ALB)
Por ai, sapo doli, filloi ta shpallë dhe ta përhapë fort faktin, sa që Jezusi nuk mund të hynte më publikisht në qytet, por qëndronte përjashta nëpër vende të vetmuara; dhe nga çdo anë vinin tek ai.

Marku 1 ALB

Marku (ALB) Chapter Selection

ALB Book Selection List