Galatasve 5:1 (ALB)
Qëndroni, pra, të patundur në lirinë, me të cilën Krishti na liroi, dhe mos hyni përsëri nën zgjedhën e skllavërisë.

Galatasve 5:2 (ALB)
Ja, unë, Pali, po ju them se, në qoftë se rrethpriteni, Krishti nuk do t’ju bëjë dobi aspak.

Galatasve 5:3 (ALB)
Edhe i dëshmoj përsëri çdo njeriu që rrethpritet, se ai është i detyruar të zbatojë mbarë ligjin.

Galatasve 5:4 (ALB)
Ju që kërkoni të shfajësoheni me anë të ligjit, jeni ndarë nga Krishti; ratë poshtë nga hiri.

Galatasve 5:5 (ALB)
Ne në fakt në Frymë, nëpërmjet besimit presim shpresën e drejtësisë,

Galatasve 5:6 (ALB)
sepse në Jezu Krishtin, as rrethprerja, as parrethprerja s’kanë ndonjë vlerë, por besimi që vepron me anë dashurie.

Galatasve 5:7 (ALB)
Ju vraponit bukur; kush ju ka penguar që të mos i bindeni së vërtetës?

Galatasve 5:8 (ALB)
Kjo bindje nuk vjen nga ai që ju thërret.

Galatasve 5:9 (ALB)
Pak maja e bën të vijë gjithë brumin.

Galatasve 5:10 (ALB)
Kam besim te Perëndia për ju, se nuk do të mendoni ndryshe; por ai që ju turbullon juve, kushdo qoftë, do të marrë dënimin.

Galatasve 5:11 (ALB)
Sa për mua, o vëllezër, në qoftë se unë vazhdoj të predikoj rrethprerjen, përse më përndjekin akoma? Atëherë skandali i kryqit ra poshtë.

Galatasve 5:12 (ALB)
Oh, sikur ata që ju turbullojnë, të gjymtoheshin vetë!

Galatasve 5:13 (ALB)
Sepse ju, o vëllezër, u thirrët në liri; por mos e përdorni këtë liri si një rast për mishin, por, me dashuri t’i shërbeni njëri-tjetrit.

Galatasve 5:14 (ALB)
Sepse gjithë ligji përmblidhet në këtë fjalë, të vetme: “Duaje të afërmin tënd porsi vetveten!.”

Galatasve 5:15 (ALB)
Sepse nëse ju kafshoni dhe hani njëri-tjetrin, ruhuni mos prisheni njëri nga tjetri.

Galatasve 5:16 (ALB)
Dhe unë them: Ecni sipas Frymës dhe nuk do ta përmbushni dëshirat e mishit,

Galatasve 5:17 (ALB)
sepse mishi ka dëshira kundër Frymës, dhe Fryma ka dëshira kundër mishit; dhe këto janë të kundërta me njëra-tjetrën, që ju të mos bëni ato që dëshironi.

Galatasve 5:18 (ALB)
Por në qoftë se udhëhiqeni nga Fryma, ju nuk jeni nën ligj.

Galatasve 5:19 (ALB)
Dhe veprat e mishit janë të zbuluar dhe janë: kurorëshkelja, kurvëria, ndyrësia, shthurja,

Galatasve 5:20 (ALB)
idhujtaria, magjia, armiqësimi, grindjet, xhelozitë, mëritë, zënkat, përçarjet, tarafet,

Galatasve 5:21 (ALB)
smira, vrasjet, të dehurit, grykësia dhe gjëra të ngjashme me këto, për të cilat po ju paralajmëroj, si kurse ju thashë edhe më parë, se ata që i bëjnë këto gjëra nuk do të trashëgojnë mbretërinë e Perëndisë.

Galatasve 5:22 (ALB)
Por fryti i Frymës është: dashuria, gëzimi, paqja, durimi, mirëdashja, mirësia, besimi, zemërbutësia, vetëkontrolli.

Galatasve 5:23 (ALB)
Kundër këtyre gjërave nuk ka ligj.

Galatasve 5:24 (ALB)
Edhe ata që janë të Krishtit e kanë kryqëzuar mishin bashkë me pasionet dhe lakmitë të tij.

Galatasve 5:25 (ALB)
Në qoftë se rrojmë në Frymë, në Frymë edhe duhet të ecim.

Galatasve 5:26 (ALB)
Le të mos jemi mburravecë, duke provokuar dhe duke pasur smirë njëri-tjetrin.