Efesianëve 4:1 (ALB)
Unë, pra, i burgosuri për Zotin, ju bëj thirrje që të ecni denjësisht sipas thirrjes për të cilën u thirrët,

Efesianëve 4:2 (ALB)
me çdo përulësi e zemërbutësi, me durim, duke e duruar njëri-tjetrin në dashuri,

Efesianëve 4:3 (ALB)
duke u përpjekur të ruani unitetin e Frymës në lidhjen e paqes.

Efesianëve 4:4 (ALB)
Éshtë një trup i vetëm dhe një Frym i vetëm, sikurse ju u thirrët në shpresën e vetme të thirrjes suaj.

Efesianëve 4:5 (ALB)
Éshtë një Zot i vetëm, një besim i vetëm, një pagëzim i vetëm,

Efesianëve 4:6 (ALB)
një Perëndi i vetëm dhe Atë i të gjithëve, që është përmbi të gjithë, në mes të të gjithëve dhe në ju të gjithë.

Efesianëve 4:7 (ALB)
Po secilit nga ne iu dha hiri sipas masës së dhuntisë së Krishtit.

Efesianëve 4:8 (ALB)
Për ç’ka Shkrimi thotë: “Kur ai u ngjit lart, ai e burgosi burgosjen dhe u dha dhurata njerëzve.”

Efesianëve 4:9 (ALB)
Tani kjo: “Ai u ngjit,” ç’do të thotë tjetër përveç se ai më parë edhe kishte zbritur në pjesët më të ulta të dheut?

Efesianëve 4:10 (ALB)
Ai që zbriti është po ai që edhe u ngjit përmbi të gjithë qiejt, për të përmbushur të gjitha gjërat.

Efesianëve 4:11 (ALB)
Dhe ai vetë i dha disa si apostuj, të tjerë si profetë, të tjerë si ungjilltarë dhe të tjerë si barinj e mësues,

Efesianëve 4:12 (ALB)
për përsosjen e shenjtorëve, për veprën e shërbimit dhe për ndërtimin e trupit të Krishtit,

Efesianëve 4:13 (ALB)
derisa të arrijmë të gjithë te uniteti i besimit dhe të njohjes së Birit të Perëndisë, te një njeri i përsosur, në masën e shtatit të plotësisë së Krishtit,

Efesianëve 4:14 (ALB)
që të mos jemi më foshnja, të lëkundur dhe të transportuar nga çdo erë doktrineje, nga mashtrimi i njerëzve, nga dinakëria e tyre nëpërmjet gënjeshtrave të gabimit,

Efesianëve 4:15 (ALB)
por, duke thënë të vërtetën me dashuri, të rritemi në çdo gjë drejt atij që është kreu, Krishti.

Efesianëve 4:16 (ALB)
Prej të cilit gjithë trupi, i lidhur mirë dhe i bashkuar, me anë të kontributit që jep çdo gjymtyrë dhe sipas forcës së çdo pjese të veçantë, shkakton rritjen e trupit, për ndërtimin e vetes së tij në dashuri.

Efesianëve 4:17 (ALB)
Këtë, pra, po dëshmoj në Zotin: të mos ecni më si po ecin ende johebrenjtë e tjerë, në kotësinë e mendjes së tyre,

Efesianëve 4:18 (ALB)
të errësuar në mendje, të shkëputur nga jeta e Perëndisë, për shkak të padijes që është në ta dhe ngurtësimit të zemrës së tyre.

Efesianëve 4:19 (ALB)
Ata, duke u bërë të pandjeshëm, e dhanë veten në shthurje, duke kryer çdo papastërti me lakmi të pangopur.

Efesianëve 4:20 (ALB)
Por ju nuk e keni njohur kështu Krishtin,

Efesianëve 4:21 (ALB)
në qoftë se e keni dëgjuar atë dhe keni qënë të mësuar në të sipas së vërtetës që është në Jezusin,

Efesianëve 4:22 (ALB)
që të zhvisheni, për sa i takon sjelljes së mëparshme, nga njeriu i vjetër që korruptohet me anë të lakmive të gënjeshtrës,

Efesianëve 4:23 (ALB)
dhe të përtëriteni në frymën e mendjes suaj

Efesianëve 4:24 (ALB)
dhe të visheni me njeriun e ri, të krijuar sipas Perëndisë në drejtësinë dhe shenjtërinë e së vërtetës.

Efesianëve 4:25 (ALB)
Prandaj, duke e lënë mënjanë gënjeshtrën, secili t’i thotë të vërtetën të afërmit të vet, sepse jemi gjymtyrë, njeri me tjetrin.

Efesianëve 4:26 (ALB)
Zemërohuni dhe mos mëkatoni; dielli të mos perëndojë mbi inatin tuaj;

Efesianëve 4:27 (ALB)
dhe mos i jepni vend djallit.

Efesianëve 4:28 (ALB)
Ai që vidhte, le të mos vjedhë më, por më tepër të mundohet duke bërë ndonjë punë të mirë me duart e veta, që të ketë t’i japë diçka atij që ka nevojë.

Efesianëve 4:29 (ALB)
Asnjë fjalë e keqe le të mos dalë nga goja juaj, por ajo që është e mirë për ndërtimin, sipas nevojës, që t’u japë hir atyre që dëgjojnë.

Efesianëve 4:30 (ALB)
Dhe mos e trishtoni Frymën e Shenjtë të Perëndisë, me të cilin u vulosët për ditën e shpengimit.

Efesianëve 4:31 (ALB)
Le të flaket larg jush çdo hidhërim, zemërim, inat, trazirë dhe shpifje me çdo ligësi.

Efesianëve 4:32 (ALB)
Por jini të mirë dhe të mëshirshëm njeri me tjetrin, duke e falur njëri-tjetrin, sikurse edhe Perëndia ju ka falur në Krishtin.