Efesianëve 2 | ALB Bible Study

Efesianëve 2:1 (ALB)
Ai ju dha jetë edhe juve, që ishit të vdekur në faje dhe në mëkate,

Efesianëve 2:2 (ALB)
në të cilat keni ecur dikur, sipas ecjës së kësaj bote, sipas prijësit të pushtetit të erës, sipas frymës që vepron tani në bijtë e mosbindjes,

Efesianëve 2:3 (ALB)
ndërmjet të cilëve edhe ne dikur jetuam në lakmitë e mishit tonë duke i plotësuar dëshirat e mishit dhe të mendjes, dhe ishim prej natyre bij të zemërimit, ashtu si edhe të tjerët.

Efesianëve 2:4 (ALB)
Por Perëndia, që është i pasur në mëshirë, për shkak të dashurisë së tij të madhe me të cilën na deshi,

Efesianëve 2:5 (ALB)
edhe atëherë kur ishim të vdekur në faje, na dha jetë me Krishtin (ju jeni të shpëtuar me anë të hirit),

Efesianëve 2:6 (ALB)
edhe na ringjalli me të, dhe me të na vuri të rrimë në vendet qiellore në Krishtin Jezus,

Efesianëve 2:7 (ALB)
për të treguar në epokat që do të vijnë pasurinë e pamasë të hirit të tij, me anë të mirësisë ndaj nesh në Krishtin Jezus.

Efesianëve 2:8 (ALB)
Ju në fakt, jeni të shpëtuar me anë të hirit, nëpërmjet besimit, dhe kjo nuk vjen nga ju, po është dhurata e Perëndisë,

Efesianëve 2:9 (ALB)
jo nga vepra, që të mos mburret askush.

Efesianëve 2:10 (ALB)
Ne në fakt jemi vepra e tij, e krijuar në Krishtin Jezus për veprat e mira që Perëndia përgatiti që më parë, që ne të ecim në to.

Efesianëve 2:11 (ALB)
Prandaj kujtohuni se dikur ju johebrenj në mish, të quajtur të parrethprerë nga ata që e quajnë veten të rrethprerë, sepse të tillë u bënë në mish, nga dora e njeriut,

Efesianëve 2:12 (ALB)
ishit në atë kohë pa Krishtin, të huaj në qytetërinë e Izraelit dhe të huaj për besëlidhjen e premtimit, pa pasur shpresë dhe duke qënë pa Perëndi në botë.

Efesianëve 2:13 (ALB)
Por tani, në Krishtin Jezus, ju që dikur ishit larg, u afruat me anë të gjakut të Krishtit.

Efesianëve 2:14 (ALB)
Ai në fakt, është paqja jonë, ai që ka bërë nga të dy popujt një dhe ka shembur murin e ndarjes,

Efesianëve 2:15 (ALB)
duke e prishur armiqësinë në mishin e tij, ligjin e urdhërimeve të përftuar nga porosi, për të krijuar në vetvete nga dy një njeri të ri, duke bërë paqen,

Efesianëve 2:16 (ALB)
dhe për t’i pajtuar të dy me Perëndinë në një trup të vetëm me anë të kryqit, mbasi vrau armiqësinë në vetvete.

Efesianëve 2:17 (ALB)
Dhe ai erdhi për t’ju shpallur paqen, juve që ishit larg dhe atyre që ishin afër,

Efesianëve 2:18 (ALB)
sepse përmes tij që të dy kemi hyrje tek Ati nëpër një Frymë të vetme.

Efesianëve 2:19 (ALB)
Ju, pra, nuk jeni më të huaj, as bujtës, por bashkëqytetarë të shenjtorëve dhe pjestarë të familjes së Perëndisë,

Efesianëve 2:20 (ALB)
të ndërtuar mbi themelin e apostujve dhe të profetëve, duke qënë Jezu Krishti vetë guri i qoshes,

Efesianëve 2:21 (ALB)
mbi të cilin gjithë ndërtesa, e lidhur mirë, rritet për të qenë një tempull i shenjtë në Zotin,

Efesianëve 2:22 (ALB)
në të cilin edhe ju jeni bashkëndërtuar për të qenë një banesë e Perëndisë në Frymë.

Previous Chapter
« Efesianëve 1

Next Chapter
Efesianëve 3 »

Efesianëve (ALB) Chapter Selection

1 2 3 4 5 6

ALB Book Selection List

View full list of ALB Bible Books and Chapters