Kolosianëve 3:1 (ALB)
Në qoftë se ju jeni ringjallur me Krishtin, kërkoni ato që janë lart, ku Krishti është ulur në të djathtë të Perëndisë.

Kolosianëve 3:2 (ALB)
Kini në mend gjërat që janë atje lart, jo ato që janë mbi tokë,

Kolosianëve 3:3 (ALB)
sepse ju keni vdekur dhe jeta juaj është fshehur bashkë me Krishtin në Perëndinë.

Kolosianëve 3:4 (ALB)
Kur të shfaqet Krishti, jeta jonë, atëherë edhe ju do të shfaqeni në lavdi bashkë me të.

Kolosianëve 3:5 (ALB)
Bëni, pra, të vdesin gjymtyrët tuaja që janë mbi tokë: kurvërinë, ndyrësinë, pasionet, dëshirat e këqija dhe lakminë, që është idhujtari;

Kolosianëve 3:6 (ALB)
për këto gjëra zemërimi i Perëndisë vjen përmbi bijtë e mosbindjes,

Kolosianëve 3:7 (ALB)
midis të cilëve dikur ecët edhe ju, kur rronit në to.

Kolosianëve 3:8 (ALB)
Por tani hiqni edhe ju të gjitha këto gjëra: zemërim, zemëratë, ligësi, e mos të dalë sharje e asnjë e folur e pandershme nga goja juaj.

Kolosianëve 3:9 (ALB)
Mos gënjeni njeri tjetrin, sepse ju e zhveshët njeriun e vjetër me veprat e tij,

Kolosianëve 3:10 (ALB)
edhe veshët njeriun e ri, që përtërihet në njohurinë sipas shëmbullit të atij që e krijoi.

Kolosianëve 3:11 (ALB)
Këtu nuk ka më Grek e Jud, rrethprerje dhe parrethprerje, Barbar e Skithas, shërbëtor e i lirë, por Krishti është gjithçka dhe në të gjithë.

Kolosianëve 3:12 (ALB)
Vishuni, pra, si të zgjedhur të Perëndisë, shenjtorë dhe të dashur, me dhembshuri të brendshme, mirësinë, përulësinë, zemërbutësinë dhe me durimin,

Kolosianëve 3:13 (ALB)
duke duruar njeri tjetrin dhe duke falur njeri tjetrin, nëqoftëse dikush ankohet kundër një tjetri; dhe sikundër Krishti ju ka falur, ashtu bëni edhe ju.

Kolosianëve 3:14 (ALB)
Dhe, përmbi të gjitha këto gjëra, vishni dashurinë, që është lidhja e përsosmërisë.

Kolosianëve 3:15 (ALB)
Dhe paqja e Perëndisë, për të cilin ju u thirrët në një trup të vetëm, të mbretërojë në zemrat tuaja; dhe jini mirënjohës!

Kolosianëve 3:16 (ALB)
Fjala e Krishtit banoftë në ju me begatinë e vet; në çdo dituri, mësoni dhe këshilloni njeri tjetrin me psalme, himne dhe këngë frymërore, duke kënduar Zotit me hir në zemrat tuaja!

Kolosianëve 3:17 (ALB)
Dhe çdo gjë që të bëni, me fjalë a me vepër, t’i bëni në emër të Zotit Jezus, duke e falënderuar Perëndinë Atë nëpërmjet tij.

Kolosianëve 3:18 (ALB)
Ju bashkëshorte, jini të nënshtruara bashkëshortëve tuaj, ashtu si ka hije në Zotin.

Kolosianëve 3:19 (ALB)
Ju bashkëshortë, duaini bashkëshortet tuaja dhe mos u bëni të ashpër ndaj tyre.

Kolosianëve 3:20 (ALB)
Ju bij, binduni prindërve në çdo gjë, sepse kjo është e pranueshme për Zotin.

Kolosianëve 3:21 (ALB)
Ju etër, mos provokoni për zemërim bijtë tuaj, që të mos i lëshojë zemra.

Kolosianëve 3:22 (ALB)
Ju shërbëtorë, binduni në çdo gjë zotërinjve tuaj sipas mishit, duke u shërbyer jo vetëm kur ju shohin, sikurse të doni t’u pëlqeni njerëzve, por me thjeshtësinë e zemrës, duke druajtur Perëndinë.

Kolosianëve 3:23 (ALB)
Dhe çdo gjë që të bëni, ta bëni me dëshirë të mirë, si për Zotin dhe jo për njerëzit,

Kolosianëve 3:24 (ALB)
duke ditur se nga Zoti do të merrni shpërblimin e trashëgimisë, sepse ju i shërbeni Krishtit, Zotit.

Kolosianëve 3:25 (ALB)
Por ai që punon padrejtësisht do të marrë shpagimin për gjëra të padrejta që ka bërë, dhe nuk do të ketë anësi për asnjë.