1 Gjonit 3 | ALB Bible Study

1 Gjonit 3:1 (ALB)
Shikoni ç’dashuri të madhe na dha Ati, që të quhemi bij të Perëndisë. Prandaj bota nuk na njeh, sepse nuk e ka njohur atë.

1 Gjonit 3:2 (ALB)
Shumë të dashur, tani jemi bij të Perëndisë, por ende nuk është shfaqur ç’do të jemi; por dimë se, kur të shfaqet ai, do të jemi të ngjashëm me të, sepse do ta shohim se si është ai.

1 Gjonit 3:3 (ALB)
Dhe kushdo që e ka këtë shpresë në të, le ta pastrojë veten, siç është i pastër ai.

1 Gjonit 3:4 (ALB)
Kush bën mëkat, bën edhe shkelje të ligjit; dhe mëkati është shkelje e ligjit.

1 Gjonit 3:5 (ALB)
Dhe ju e dini se ai u shfaq për të hequr mëkatet tona; dhe në të nuk ka mëkat.

1 Gjonit 3:6 (ALB)
Kush qëndron në të nuk mëkaton; kush mëkaton nuk e ka parë dhe as nuk e ka njohur.

1 Gjonit 3:7 (ALB)
Djema, kurrkush mos ju mashtroftë: ai që zbaton drejtësinë është i drejtë, ashtu sikur është i drejtë ai.

1 Gjonit 3:8 (ALB)
Kush kryen mëkat është nga djalli, sepse djalli mëkaton nga fillimi; prandaj është shfaqur Biri i Perëndisë: për të shkatërruar veprat e djallit.

1 Gjonit 3:9 (ALB)
Kush lindi nga Perëndia nuk kryen mëkat, sepse fara e Perëndisë qëndron në të dhe nuk mund të mëkatojë sepse lindi nga Perëndia.

1 Gjonit 3:10 (ALB)
Prej kësaj njihen bijtë e Perëndisë dhe bijtë e djallit; kushdo që nuk praktikon drejtësinë nuk është nga Perëndia, dhe i tillë nuk është as ai që nuk do vëllanë e vet.

1 Gjonit 3:11 (ALB)
Sepse ky është mesazhi që dëgjuat nga fillimi. Ta duam njeri-tjetrin,

1 Gjonit 3:12 (ALB)
jo sikundër Kaini, i cili ishte nga i ligu dhe vrau vëllanë e vet. Dhe për çfarë arësye e vrau atë? Sepse veprat e tij ishin të liga dhe ato të të vëllait ishin të drejta.

1 Gjonit 3:13 (ALB)
Mos u çuditni, vëllezër të mi, nëse bota ju urren.

1 Gjonit 3:14 (ALB)
Ne e dimë se kemi kaluar nga vdekja në jetë, sepse i duam vëllezërit; kush nuk e do vëllanë e vet, mbetet në vdekje.

1 Gjonit 3:15 (ALB)
Kushdo që urren vëllanë e vet është vrasës; dhe ju e dini se asnjë vrasës nuk ka jetë të përjetshme të qëndrueshme në vete.

1 Gjonit 3:16 (ALB)
Nga kjo e kemi njohur dashurinë: ai e dha jetën e vet për ne; dhe ne duhet ta japim jetën tonë për vëllezërit.

1 Gjonit 3:17 (ALB)
Dhe nëse njëri ka të mirat e kësaj bote dhe sheh të vëllanë që është në nevojë dhe e mbyll zemrën e tij, si qëndron në të dashuria e Perëndisë?

1 Gjonit 3:18 (ALB)
Djema të rinj, të mos duam me fjalë, as me gjuhë, por me vepra dhe në të vërtetë.

1 Gjonit 3:19 (ALB)
Dhe nga kjo ne dimë se jemi në të vërtetën dhe do t’i bindim zemrat tona para atij;

1 Gjonit 3:20 (ALB)
sepse, po të na dënojë zemra jonë, Perëndia është më i madh se zemra jonë dhe njeh çdo gjë.

1 Gjonit 3:21 (ALB)
Shumë të dashur, nëse zemra jonë nuk na dënon, kemi siguri para Perëndisë;

1 Gjonit 3:22 (ALB)
dhe ç’të kërkojmë, e marrim nga ai, sepse zbatojmë urdhërimet e tij dhe bëjmë gjërat që janë të pëlqyera prej tij.

1 Gjonit 3:23 (ALB)
Dhe ky është urdhërimi i tij që besojmë në emrin e Birit të tij Jezu Krisht dhe ta duam njeri-tjetrin si na urdhëroi ai.

1 Gjonit 3:24 (ALB)
Ai që zbaton urdhërimet e tij qëndron në Perëndinë, dhe Ai në të; dhe prej kësaj ne dijmë se ai qëndron në ne: nga Fryma që ai na dha.

Previous Chapter
« 1 Gjonit 2

Next Chapter
1 Gjonit 4 »

1 Gjonit (ALB) Chapter Selection

1 2 3 4 5

ALB Book Selection List

View full list of ALB Bible Books and Chapters