1 Gjonit 2:1 (ALB)
Djema të mi, ju shkruaj këto gjëra që të mos mëkatoni; dhe në qoftë se ndokush mëkatoi, kemi një avokat te Ati, Jezu Krishtin të drejtin.

1 Gjonit 2:2 (ALB)
Ai është shlyesi për mëkatet tona; dhe jo vetëm për tonat, por edhe për ata të të gjithë botës.

1 Gjonit 2:3 (ALB)
Dhe nga kjo e dimë se e kemi njohur atë, në qoftë se i zbatojmë urdhërimet e tij.

1 Gjonit 2:4 (ALB)
Ai që thotë: “Unë e kam njohur atë,” dhe nuk zbaton urdhërimet e tij, është gënjeshtar dhe e vërteta nuk është në të.

1 Gjonit 2:5 (ALB)
Por kush e zbaton fjalën e tij, në të me të vërtetë dashuria e Perëndisë është përsosur. Nga kjo e njohim se jemi në të.

1 Gjonit 2:6 (ALB)
Ai që thotë se qëndron në të, duhet të ecë edhe vetë sikurse ka ecur ai.

1 Gjonit 2:7 (ALB)
Vëllezër, nuk ju shkruaj një urdhërim të ri, por një urdhërim të vjetër, që e kishit nga fillimi: urdhërimi i vjetër është fjala që dëgjuat nga fillimi.

1 Gjonit 2:8 (ALB)
E megjithatë po ju shkruaj një urdhërim të ri, që është i vërtetë në të dhe në ju, sepse errësira po shkon dhe tashmë po ndrit drita e vërtetë.

1 Gjonit 2:9 (ALB)
Ai që thotë se është në dritë dhe urren vëllanë e vet, është ende në errësirë.

1 Gjonit 2:10 (ALB)
Ai që e do vëllanë e vet qëndron në dritë dhe nuk ka asgjë në të që e bënë të bjerë.

1 Gjonit 2:11 (ALB)
Por ai që urren vëllanë e vet është në errësirë, ecën në errësirë dhe nuk di ku shkon, sepse errësira ia ka verbuar sytë.

1 Gjonit 2:12 (ALB)
Djema, ju shkruaj sepse mëkatet ju janë falur nëpërmjet emrit të tij.

1 Gjonit 2:13 (ALB)
Etër, ju shkruaj sepse ju e keni njohur atë që është që nga fillimi. Të rinj, ju shkruaj sepse e mundët të ligun. Djema, po ju shkruaj sepse e keni njohur Atin.

1 Gjonit 2:14 (ALB)
Etër, ju kam shkruar sepse e keni njohur atë që është nga fillimi. Të rinj, ju kam shkruar sepse jeni të fortë dhe fjala e Perëndisë qëndron në ju dhe sepse e mundët të ligun.

1 Gjonit 2:15 (ALB)
Mos e doni botën, as gjërat që janë në botë. Ne qoftë se ndokush do botën, dashuria e Atit nuk është në të,

1 Gjonit 2:16 (ALB)
sepse gjithçka që është në botë, lakmia e mishit, lakmia e syve dhe krenaria e jetës, nuk vjen nga Ati, por nga bota.

1 Gjonit 2:17 (ALB)
Dhe bota kalon me lakminë e saj; por ai që bën vullnetin e Perëndisë mbetet përjetë.

1 Gjonit 2:18 (ALB)
Fëmijë, është ora e fundit. Dhe, sikurse e dëgjuat, antikrishti duhet të vijë, dhe tani janë shfaqur shumë antikrishtë; prej nga e dimë se është ora e fundit.

1 Gjonit 2:19 (ALB)
Mes nesh dolën, por nuk ishin nga tanët, sepse, po të ishin nga tanët, do të kishin qëndruar me ne; por kjo ndodhi që të dalë se nuk janë të gjithë nga tanët.

1 Gjonit 2:20 (ALB)
Por ju keni vajosjen nga i Shenjti dhe i dini çdo gjë.

1 Gjonit 2:21 (ALB)
Nuk ju shkrova juve sepse nuk e njihni të vërtetën, por sepse ju e njihni dhe sepse asnjë gënjeshtër nuk del nga e vërteta.

1 Gjonit 2:22 (ALB)
Kush është gënjeshtari, veçse ai që mohon se Jezus është Krishti? Antikrishti është ai, që mohon Atin dhe Birin.

1 Gjonit 2:23 (ALB)
Kushdo që mohon Birin, s’ka as Atin; kushdo që njeh Birin, ka edhe Atin.

1 Gjonit 2:24 (ALB)
Ajo që ju, pra, dëgjuat nga fillimi le të qëndrojë në ju; në qoftë se ajo që dëgjuat nga fillimi qëndron në ju, edhe ju do të qëndroni në Birin dhe në Atin.

1 Gjonit 2:25 (ALB)
Dhe ky është premtimi që ai na bëri: jeta e përjetshme.

1 Gjonit 2:26 (ALB)
Ju shkrova këto gjëra për ata që kërkojnë t’ju gënjejnë.

1 Gjonit 2:27 (ALB)
Dhe, sa për ju, vajosja që keni marrë prej tij qëndron në ju dhe nuk keni nevojë që ndokush t’ju mësojë; por, duke qenë se vajosja e tij ju mëson çdo gjë dhe është e vërtetë e nuk është gënjeshtër, qëndroni në të ashtu sikurse ju mësoi.

1 Gjonit 2:28 (ALB)
Edhe tani, djema, qëndroni në të që, kur të shfaqet ai, ne të mund të kemi besim, dhe në ardhjen e tij të mos turpërohemi para Tij.

1 Gjonit 2:29 (ALB)
Në qoftë se e dini se ai është i drejtë, ta dini se kushdo që praktikon drejtësinë ka lindur prej tij.