Nehemia 12:1 (ALB)
Këta janë priftërinjtë dhe Levitët që u kthyen me Zorobabelin, birin e Shealthielit, dhe me Jeshuan: Serajahu, Jeremia, Ezdra,

Nehemia 12:2 (ALB)
Amariahu, Malluku, Hatushi,

Nehemia 12:3 (ALB)
Shekaniahu, Rehumi, Meremothi,

Nehemia 12:4 (ALB)
Ido, Ginethoi, Abijahu,

Nehemia 12:5 (ALB)
Mijamini, Maadiahu, Bilgahu,

Nehemia 12:6 (ALB)
Shemajahu, Jojaribi, Jedajahu,

Nehemia 12:7 (ALB)
Sallu, Amoku, Hilkiahu dhe Jedajahu. Këta ishin krerët e priftërinjve dhe të vëllezërve të tyre në kohën e Jeshuas.

Nehemia 12:8 (ALB)
Levitët përfaqësoheshin nga Jeshua, Binu, Kamieli, Sherebiahu, Juda dhe Mataniahu, që ishte caktuar bashkë me vëllezërit e tij në këngën e falenderimit.

Nehemia 12:9 (ALB)
Bakbukiahu dhe Uni, vëllezër të tyre, rrinin përballë tyre sipas funksioneve të tyre.

Nehemia 12:10 (ALB)
Jeshuas i lindi Jojakimi; Jojakimit i lindi Eliashibi; Eliashibit i lindi Jojada,

Nehemia 12:11 (ALB)
Jojadas i lindi Jonathani; Joathanit i lindi Jadua.

Nehemia 12:12 (ALB)
Në kohën e Jojakimit, priftërinjtë të parët e shtëpive atërore ishin si vijon: nga shtëpia e Serajahut, Merajahu; nga ajo e Jeremias, Hananiahu;

Nehemia 12:13 (ALB)
nga ajo e Ezdras, Meshulami; nga ajo e Amariahut, Jehohanani;

Nehemia 12:14 (ALB)
nga ajo e Melikut, Jonathani; nga ajo e Shebaniahut, Jozefi;

Nehemia 12:15 (ALB)
nga ajo e Harimit, Adna; nga ajo e Merajothit, Helkai;

Nehemia 12:16 (ALB)
nga ajo e Idos, Zakaria; nga ajo e Ginethonit, Meshulami;

Nehemia 12:17 (ALB)
nga ajo e Abijahut, Zikri; nga ajo e Miniaminit dhe e Moadiahut, Piltai;

Nehemia 12:18 (ALB)
nga ajo e Bilgahut, Shamua; nga ajo e Shemajahut, Jonathani;

Nehemia 12:19 (ALB)
nga ajo e Jojaribit, Matenai; nga ajo e Jedajahut, Uzi;

Nehemia 12:20 (ALB)
nga ajo e Sallait, Kallai; nga ajo e Amokut, Eberi;

Nehemia 12:21 (ALB)
nga ajo e Hilkiahut, Hashabiahu dhe nga ajo e Jedajahut, Nethaneeli.

Nehemia 12:22 (ALB)
Gjatë mbretërimit të Darit, Persianit, u regjistruan bashkë me priftërinjtë, Levitët që ishin të parë të shtëpive atërore në kohën e Eliashibit, të Jojadas, të Johananit dhe të Jaduas.

Nehemia 12:23 (ALB)
Bijtë e Levit, që ishin të parë të shtëpive atërore, u regjistruan përkundrazi në librin e Kronikave deri në kohën e Johananit, birit të Eliashibit.

Nehemia 12:24 (ALB)
Krerët e Levitëve Hashabiahu, Sherabiahu dhe Jeshua, bir i Kadmielit, bashkë me vëllezërit e tyre, që rrinin përballë tyre, këndonin himne lëvdimi dhe falenderimi me grupe të alternuara, sipas urdhrit të Davidit, njeriut të Perëndisë.

Nehemia 12:25 (ALB)
Mataniahu, Bakbukiahu, Obadiahu, Meshulami, Talmoni dhe Akubi ishin derëtarë dhe ruanin magazinat e portave.

Nehemia 12:26 (ALB)
Këta jetonin në kohën e Jojakimit, birit të Jeshuas, bir i Jotsadakut, dhe në kohën e Nehemias, qeveritarit, dhe të Ezdras, që ishte prift dhe shkrues.

Nehemia 12:27 (ALB)
Për kushtimin e mureve të Jeruzalemit dërguan të kërkojnë Levitë nga tërë vendet e tyre, për t’i sjellë në Jeruzalem që të kremtonin kushtimin me gëzim, me lavderime dhe me këngë, me cembale, me harpa dhe me qeste.

Nehemia 12:28 (ALB)
Dhe bijtë e këngëtarëve u mblodhën nga krahina përreth Jeruzalemit, nga fshatrat e Netofathitëve,

Nehemia 12:29 (ALB)
nga Beth-Gilgali, nga fusha e Gebas dhe të Azmavethit, sepse këngëtarët kishin ndërtuar fshatra përreth Jeruzalemit.

Nehemia 12:30 (ALB)
Priftërinjtë dhe Levitët u pastruan vetë dhe pastruan popullin, portat dhe muret.

Nehemia 12:31 (ALB)
Pastaj unë bëra të hipnin mbi muret krerët e Judës dhe formova kështu dy kore të mëdha lëvdimi. I pari u nis në të djathtë, mbi muret, në drejtim të portës së Plehut;

Nehemia 12:32 (ALB)
prapa tij ecnin Hoshajahu, gjysma e krerëve të Judës,

Nehemia 12:33 (ALB)
Azaria, Ezdra, Meshulami,

Nehemia 12:34 (ALB)
Juda, Beniamini, Shemajahu, Jeremia,

Nehemia 12:35 (ALB)
dhe disa nga bijtë e priftërinjve me boritë e tyre: Zakaria, bir i Jonathanit, bir i Shemajahut, bir i Mataniahut, bir i Mikajahut, bir i Zakurit, bir i Asafit,

Nehemia 12:36 (ALB)
dhe vëllezërit e tij Shemajahu, Azareeli, Milalai; Gilalaji, Maai, Nethaneeli, Juda dhe Hanani, me veglat muzikore të Davidit, njeriut të Perëndisë. Ezdra, shkruesi, ecte në krye të tyre.

Nehemia 12:37 (ALB)
Kur arritën te porta e Burimit u ngjitën drejtpërdrejtë nëpër shkallët e qytetit të Davidit, ku muret lartohen mbi shtëpinë e Davidit, deri te porta e Ujërave, në lindje.

Nehemia 12:38 (ALB)
Kori i dytë i lëvdimit mori drejtimin e kundërt; unë e ndiqja me gjysmën e popullit, mbi muret, mbi kullën e Furrave, deri te muri i Gjerë,

Nehemia 12:39 (ALB)
pastaj mbi portën e Efraimit, mbi portën e Vjetër, mbi portën e Peshqve, mbi kullën e Hananeelit, mbi kullën e Meahut, deri te porta e Deleve; kori u ndal te porta e Burgut.

Nehemia 12:40 (ALB)
Dy koret e lëvdimit u ndalën te shtëpia e Perëndisë; kështu bëra edhe unë me gjysmën e gjyqtarëve që ishin me mua,

Nehemia 12:41 (ALB)
dhe priftërinjtë Eliakim, Maasejah, Minialin, Mikajah, Elioenai, Zakaria, Hananiahu me boritë,

Nehemia 12:42 (ALB)
dhe Maasejahu, Shemajahu, Eleazari, Uzi, Jehohanani, Milkijahu, Elami dhe Ezetri. Këngëtarët kënduan me zë të lartë nën drejtimin e Jezrahiahut.

Nehemia 12:43 (ALB)
Atë ditë ofruan flijime të mëdha dhe u gëzuan sepse Perëndia i kishte mbushur me një gëzim të madh. Edhe gratë dhe fëmijët u gëzuan; dhe gëzimi i Jeruzalemit dëgjohej nga larg.

Nehemia 12:44 (ALB)
Në atë kohë disa njerëz u caktuan për dhomat që shërbenin si magazina për ofertat, për prodhimet e para dhe për të dhjetat, për të mbledhur aty nga arat e qyteteve pjesët e caktuara nga ligji për priftërinjtë dhe për Levitët, sepse Judejtë gëzoheshin kur shihnin priftërinjtë dhe Levitët që kryenin shërbimin.

Nehemia 12:45 (ALB)
Ata e kryenin shërbimin e Perëndisë të tyre dhe shërbimin e pastrimit, bashkë me këngëtarët dhe me derëtarët, sipas urdhrit të Davidit dhe të Salomonit, që ishte biri i tij.

Nehemia 12:46 (ALB)
Në lashtësi, në kohën e Davidit dhe të Asafit, kishte në të vërtetë drejtues këngëtarësh dhe këngë lëvdimi dhe falenderimi drejtuar Perëndisë.

Nehemia 12:47 (ALB)
Në kohën e Zerubabelit dhe të Nehemias, gjithë Izraeli u jepte çdo ditë racionet e caktuara këngëtarëve dhe derëtarëve; vinte gjithashtu mënjanë racionin për Levitët, dhe Levitët vinin mënjanë racionin e shenjtëruar për bijtë e Aaronit.