Jona 2 | ALB Bible Study

Jona 2:1 (ALB)
Atëherë Jona iu lut Zotit, Perëndisë të tij, nga barku i peshkut dhe tha:

Jona 2:2 (ALB)
"Në fatkeqësinë time i thirra Zotit dhe ai m’u përgjigj; nga gjiri i Sheolit i thirra dhe ti e dëgjove zërin tim.

Jona 2:3 (ALB)
Më hodhe në një vend të thellë, në zemër të deteve, rryma më mori dhe gjithë dallgët e tua dhe valët e tua më kaluan sipër.

Jona 2:4 (ALB)
Atëherë thashë: U dëbova nga prania jote. Megjithatë do të shikoj akoma në drejtim të tempullit tënd të shenjtë.

Jona 2:5 (ALB)
Ujërat më kanë rrethuar deri në shpirt, humnera më ka mbështjellë, algat u mblodhën rreth kokës sime.

Jona 2:6 (ALB)
Zbrita deri në themelet e maleve, toka mbylli shufrat e saj pas meje për gjithnjë, por ti e ngrite jetën time nga gropa, o Zot, Perëndia im.

Jona 2:7 (ALB)
Kur shpirti im po ligështohej brenda meje, kujtova Zotin, dhe lutja ime arriti deri te ti, në tempullin tënd të shenjtë.

Jona 2:8 (ALB)
Ata që jepen pas kotësive të rreme braktisin vetë burimin e hirit të tyre.

Jona 2:9 (ALB)
Por unë me zëra lëvdimi do të ofroj flijime dhe do të plotësoj betimet që kam bërë. Shpëtimi i përket Zotit".

Jona 2:10 (ALB)
Atëherë Zoti i foli peshkut dhe peshku e volli Jonan në breg.

Previous Chapter
« Jona 1

Next Chapter
Jona 3 »

Jona (ALB) Chapter Selection

1 2 3 4

ALB Book Selection List

View full list of ALB Bible Books and Chapters