Isaia 32 | ALB Bible Study

Isaia 32:1 (ALB)
Ja, një mbret do të mbretërojë me drejtësi dhe princat do të qeverisin me paanësi.

Isaia 32:2 (ALB)
Secili prej tyre do të jetë si një mbrojtje nga era dhe një strehë kundër uraganit, si rrëke uji në një vend të thatë, si hija e një shkëmbi të madh në një tokë të zhuritur.

Isaia 32:3 (ALB)
Sytë e atyre që shohin nuk do t’u erren më dhe veshët e atyre që dëgjojnë do të jenë të vëmendshëm.

Isaia 32:4 (ALB)
Zemra e njerëzve të pamend do të fitojë njohuri dhe gjuha e atyre që belbëzojnë do të flasë shpejt dhe qartë.

Isaia 32:5 (ALB)
Njeriu i përçmuar nuk do të thirret më fisnik, as i pandershmi nuk do të thirret i pavlerë.

Isaia 32:6 (ALB)
Sepse njeriu i përçmuar thotë gjëra të neveritshme dhe zemra e tij jepet pas paudhësisë, për të kryer pabesi dhe për të thënë gjëra pa respekt kundër Zotit, për ta lënë bosh stomakun e të uriturit dhe për ta lënë thatë atë që vuan nga etja.

Isaia 32:7 (ALB)
Armët e të pandershmit janë të poshtra; ai kurdis plane të këqija për të shkatërruar të mjerin me fjalë gënjeshtare, edhe kuri mjeri pohon të drejtën.

Isaia 32:8 (ALB)
Por njeriu fisnik mendon plane fisnike dhe i vë vetes qëllime fisnike.

Isaia 32:9 (ALB)
Çohuni, o gra që jetoni në bollëk, dhe dëgjoni zërin tim; o bija pa mend, ia vini veshin fjalës sime!

Isaia 32:10 (ALB)
Brenda një viti dhe disa ditëve ju do të dridheni, o gra pa mend, sepse vjelja e rrushit do të shkojë keq dhe korrje nuk do të ketë.

Isaia 32:11 (ALB)
Fërgëlloni, o gra që jetoni në bollëk, dridhuni o ju gra pa mend. Hiqni veshjet tuaja, zhvishuni dhe vini një grethore në ijët,

Isaia 32:12 (ALB)
duke i rënë gjoksit nëpër arat e mira dhe nëpër vreshtat prodhimtare.

Isaia 32:13 (ALB)
Mbi tokën e popullit tim do të rriten gjemba dhe ferra; po, mbi të gjitha shtëpitë e gëzimit të qytetit të qejfeve.

Isaia 32:14 (ALB)
Sepse pallati do të braktiset, qyteti i zhurmshëm do të shkretohet, Ofeli dhe kulla do të bëhen për gjithnjë shpella gëzimi për gomarët e egër dhe kullotë për kopetë.

Isaia 32:15 (ALB)
deri sa mbi ne të përhapet Fryma nga lart, shkretëtira të bëhet pemishte dhe pemishtja të konsiderohet si një pyll.

Isaia 32:16 (ALB)
Atëherë i drejti do të banojë në shkretëtirë dhe drejtësia do të banojë në pemishte.

Isaia 32:17 (ALB)
Pasojë e drejtësisë do të jetë paqja, rezultat i drejtësisë qetësia dhe siguria përjetë.

Isaia 32:18 (ALB)
Populli im do të banojë në një vend paqeje, në banesa të sigurta dhe në vende të qeta pushimi,

Isaia 32:19 (ALB)
edhe sikur të binte breshër mbi pyllin dhe qyteti të ulej shumë.

Isaia 32:20 (ALB)
Lum ju që mbillni në breg të të gjithë ujërave dhe që lini të shkojë e lirë këmba e kaut dhe e gomarit.

Previous Chapter
« Isaia 31

Next Chapter
Isaia 33 »

Isaia (ALB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66

ALB Book Selection List

View full list of ALB Bible Books and Chapters