Eksodi 40 | ALB Bible Study

« Eksodi 39

Levitiku 1 »

Eksodi 40:1 (ALB)
Pastaj Zoti i foli Moisiut, duke thënë:

Eksodi 40:2 (ALB)
"Ditën e parë të muajit të parë do të ngresh tabernakullin, çadrën e mbledhjes.

Eksodi 40:3 (ALB)
Do të vendosësh atje arkën e dëshmisë dhe do ta fshehësh arkën me një vel.

Eksodi 40:4 (ALB)
Do të sjellësh brenda tryezën dhe do të vendosësh mbi të gjërat që duhen; do të sjellësh gjithashtu shandanin dhe do të ndezësh llambat e tij.

Eksodi 40:5 (ALB)
Do të vendosësh altarin e artë për temjanin përpara arkës së dëshmisë, dhe do të vësh perden në hyrje të tabernakullit.

Eksodi 40:6 (ALB)
Do ta vësh altarin e olokausteve para hyrjes së tabernakullit, të çadrës së mbledhjes.

Eksodi 40:7 (ALB)
Do ta vendosësh legenin midis çadrës së mbledhjes dhe altarit dhe do të vësh ujë në të.

Eksodi 40:8 (ALB)
Do t’i vendosësh perdet e oborrit rreth e qark dhe do të vësh një perde në hyrje të oborrit.

Eksodi 40:9 (ALB)
Pastaj do të marrësh vajin e vajosjes dhe do të vajosh tabernakullin dhe tërë gjërat që ndodhen aty, dhe do ta shenjtërosh me të gjitha veglat e tij; dhe do të jetë i shenjtë.

Eksodi 40:10 (ALB)
Do të vajosh altarin e olokausteve dhe tërë orenditë e tij; do të shenjtërosh kështu altarin dhe altari do të jetë shumë i shenjtë.

Eksodi 40:11 (ALB)
Do të vajosh edhe legenin me të gjithë bazën e tij dhe do ta shenjtërosh.

Eksodi 40:12 (ALB)
Pastaj do të afrosh Aaronin dhe bijtë e tij në hyrje të çadrës së mbledhjes dhe do t’i lash me ujë.

Eksodi 40:13 (ALB)
Do ta veshësh Aaronin me rrobat e shenjta, do ta vajosh dhe do ta shenjtërosh, që të më shërbejë si prift.

Eksodi 40:14 (ALB)
Do të afrosh edhe bijtë e tij dhe do t’i veshësh me tunika,

Eksodi 40:15 (ALB)
do t’i vajosh ashtu si do të kesh vajuar atin e tyre, që të më shërbejnë si priftërinj; vajisja e tyre do t’u japë priftëri përjetë, brez pas brezi".

Eksodi 40:16 (ALB)
Moisiu ashtu veproi; bëri pikërisht të gjitha ato që Zoti i kishte urdhëruar.

Eksodi 40:17 (ALB)
Kështu ditën e parë të muajit të parë të vitit të dytë, u ndërtua tabernakulli.

Eksodi 40:18 (ALB)
Moisiu e ngriti tabernakullin, hodhi bazat e tij, sistemoi dërrasat e tij, i vuri traversat e tij dhe ngriti shtyllat e tij.

Eksodi 40:19 (ALB)
Mbi tabernakullin shtriu perden dhe mbi këtë vendosi mbulesën e çadrës, ashtu siç e kishte urdhëruar Zoti Moisiun.

Eksodi 40:20 (ALB)
Pastaj mori dëshminë dhe e vendosi brenda arkës, u vuri shtizat unazave të arkës, dhe e vuri pajtuesin mbi arkë;

Eksodi 40:21 (ALB)
e çoi arkën në tabernakull, e vari velin e perdes dhe kështu fshehu arkën e dëshmisë, ashtu si e kishte urdhëruar Zoti Moisiun.

Eksodi 40:22 (ALB)
Vendosi gjithashtu tryezën në çadrën e mbledhjes, në krahun verior të tabernakullit, jashtë velit.

Eksodi 40:23 (ALB)
Vendosi sipër me rregull bukën përpara Zotit, ashtu si e kishte urdhëruar Zoti Moisiun.

Eksodi 40:24 (ALB)
Pastaj vuri shandanin në çadrën e mbledhjes, përballë tryezës, nga ana jugore e tabernakullit;

Eksodi 40:25 (ALB)
dhe ndezi llambat përpara Zotit, ashtu si e kishte urdhëruar Zoti Moisiun.

Eksodi 40:26 (ALB)
Pastaj vuri altarin e artë në çadrën e mbledhjes, përpara velit,

Eksodi 40:27 (ALB)
dhe mbi të dogji temjanin e parfumuar, ashtu siç e kishte urdhëruar Zoti Moisiun.

Eksodi 40:28 (ALB)
Vuri gjithashtu perden në hyrje të tabernakullit.

Eksodi 40:29 (ALB)
Pastaj vendosi altarin e olokausteve në hyrje të tabernakullit, të çadrës së mbledhjes, dhe mbi të ofroi olokaustin dhe blatimin, ashtu si e kishte urdhëruar Zoti Moisiun.

Eksodi 40:30 (ALB)
Pastaj vuri legenin midis çadrës së mbledhjes dhe altarit dhe e mbushi me ujë për t’u larë.

Eksodi 40:31 (ALB)
Dhe me këtë ujë, Moisiu, Aaroni dhe bijtë e tij lanë duart dhe këmbët;

Eksodi 40:32 (ALB)
kur hynin në çadrën e mbledhjes dhe kur i afroheshin altarit, ata laheshin, ashtu si e kishte urdhëruar Zoti Moisiun.

Eksodi 40:33 (ALB)
Ndërtoi gjithashtu oborrin rreth tabernakullit dhe altarit dhe vuri perden në hyrje të oborrit. Kështu Moisiu e përfundoi punën e tij.

Eksodi 40:34 (ALB)
Atëherë reja e mbuloi çadrën e mbledhjes dhe lavdia e Zotit e mbushi tabernakullin.

Eksodi 40:35 (ALB)
Dhe Moisiu nuk mundi të hyjë në çadrën e mbledhjes, sepse reja e kishte mbuluar nga sipër dhe lavdia e Zotit mbushte tabernakullin.

Eksodi 40:36 (ALB)
Në të tëra zhvendosjet e tyre, kur reja ngrihej mbi tabernakullin, bijtë e Izraelit niseshin;

Eksodi 40:37 (ALB)
por në rast se reja nuk ngrihej, nuk niseshin deri ditën që ajo të ngrihej.

Eksodi 40:38 (ALB)
Sepse reja e Zotit qëndronte mbi tabernakullin gjatë ditës, dhe natën mbi të qëndronte një zjarr, para syve të të gjithë shtëpisë së Izraelit, gjatë gjithë zhvendosjeve së tyre.?

Previous Chapter
« Eksodi 39

Next Chapter
Levitiku 1 »

Eksodi (ALB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40

ALB Book Selection List

View full list of ALB Bible Books and Chapters