Predikuesi 7 | ALB Bible Study

Predikuesi 7:1 (ALB)
Një emër i mirë pëlqehet më tepër se një vaj i parfumuar, dhe dita e vdekjes është më e mirë se dita e lindjes.

Predikuesi 7:2 (ALB)
Éshtë më mirë të shkosh në një shtëpi ku mbahet zi se sa të shkosh në një shtëpi ku ka festë, sepse ky është fundi i çdo njeriu, dhe kush rron ka për të vënë mend.

Predikuesi 7:3 (ALB)
Trishtimi është më i mirë nga gazi, sepse përpara një fytyre të trishtuar zemra bëhet më e mirë.

Predikuesi 7:4 (ALB)
Zemra e të urtit është në shtëpinë ku mbahet zi, por zemra e budallenjve është në një shtëpi të gëzuar.

Predikuesi 7:5 (ALB)
Éshtë më mirë për dikë të dëgjojë qortimin e të urtit se sa të dëgjojë këngën e budallenjve,

Predikuesi 7:6 (ALB)
sepse ashtu siç është kërcitja e shkurreve nën një tenxhere, kështu është e qeshura e budallait. Edhe kjo është kotësi.

Predikuesi 7:7 (ALB)
Me siguri shtypja e bën të pamend njeriun e urtë, dhe dhurata bën që të humbasë arsyen.

Predikuesi 7:8 (ALB)
Më mirë fundi i një gjëje se fillimi i saj, dhe më mirë ai që ka frymë të durueshëm se ai që ka frymë krenar.

Predikuesi 7:9 (ALB)
Mos u nxito në frymën tënd të zemërohesh, sepse zemërimi gjen strehë në gji të budallenjve.

Predikuesi 7:10 (ALB)
Mos thuaj: "Si është e mundur që ditët e kaluara ishin më të mira nga këto?," sepse nuk është urtësi të bësh një pyetje të tillë.

Predikuesi 7:11 (ALB)
Dituria është e mirë bashkë me një pasuri dhe u sjell përfitime atyre që shohin diellin.

Predikuesi 7:12 (ALB)
Sepse dituria është një mbrojtje ashtu si është paraja; por epërsia e diturisë qëndron në këtë; dituria i bën të jetojnë ata që e zotërojnë.

Predikuesi 7:13 (ALB)
Konsideroje veprën e Perëndisë: kush mund të drejtojë atë që ai ka bërë të shtrëmbër?

Predikuesi 7:14 (ALB)
Në ditën e bollëkut ji i gëzuar, por në ditën e fatkqësisë mendohu thellë. Perëndia ka bërë si njerën ashtu dhe tjetrën, me qëllim që njeriu të mos zbulojë asgjë nga ato që do të ndodhin pas tij.

Predikuesi 7:15 (ALB)
Pashë gjithçka në ditët e kotësisë sime. Ndodh që i drejti të vdesë në drejtësinë e vet dhe që i pabesi të jetojë gjatë në ligësinë e tij.

Predikuesi 7:16 (ALB)
Mos ji tepër i drejtë as i urtë jashtë mase. Pse kërkon të shkatërohesh?

Predikuesi 7:17 (ALB)
Mos ji tepër i keq dhe mos u trego budalla. Pse kërkon të vdesësh para kohës sate?

Predikuesi 7:18 (ALB)
Éshtë mirë që ti të kapesh pas kësaj gjëje dhe të mos heqësh dorë prej saj, sepse ai që ka frikë Perëndinë do t’u shmanget tërë këtyre gjërave.

Predikuesi 7:19 (ALB)
Dituria e bën të urtin më të fortë se dhjetë të fuqishëm në një qytet.

Predikuesi 7:20 (ALB)
Nuk ka në fakt asnjë njeri të drejtë mbi tokë që bën të mirën dhe të mos mëkatojë.

Predikuesi 7:21 (ALB)
Përveç kësaj mos u vër veshin tërë fjalëve që thuhen, që të mos mallkohesh nga shërbëtori yt,

Predikuesi 7:22 (ALB)
sepse zemra jote gjithashtu e di që ti vet i ke mallkuar shumë herë të tjerët.

Predikuesi 7:23 (ALB)
Unë i hetova të gjitha këto gjëra me dituri. Thashë: "Do të bëhem i urtë," por dituria është mjaft larg nga unë.

Predikuesi 7:24 (ALB)
Një gjë që është kaq larg dhe kaq e thellë, kush mund ta gjejë?

Predikuesi 7:25 (ALB)
Atëherë e vura zemrën time të njohë, të hetojë dhe të kërkojë diturinë dhe shkakun e gjërave dhe të njohë ligësinë e marrëzisë dhe budallallëkun e marrëzisë;

Predikuesi 7:26 (ALB)
dhe gjeta një gjë më të hidhur se vdekja; gruan zemra e së cilës është kurth dhe grackë dhe duart e së cilës janë pranga. Kush i pëlqen Perëndisë i shpëton asaj; por mëkatari do të kapet nga ajo.

Predikuesi 7:27 (ALB)
Ja ajo që gjeta," thotë Predikuesi, "duke i shqyrtuar një për një gjërat, për të gjetur shkakun e tyre.

Predikuesi 7:28 (ALB)
Atë që unë po kërkoj ende, por nuk e kam gjetur; një burrë ndër një mijë e gjeta, por një grua në mes gjithë atyre nuk e gjeta.

Predikuesi 7:29 (ALB)
Ja, vetëm këtë gjeta: Perëndia e ka bërë njeriun të drejtë, por njerëzit kanë kërkuar shumë marifete.

Previous Chapter
« Predikuesi 6

Next Chapter
Predikuesi 8 »

Predikuesi (ALB) Chapter Selection

1 2 3 4 5 6 7 8 9 10 11 12

ALB Book Selection List

View full list of ALB Bible Books and Chapters