Ligji i Përtërirë 33 | ALB Bible Study

Ligji i Përtërirë 33:1 (ALB)
Ky është bekimi me të cilin Moisiu, njeri i Perëndisë, bekoi bijtë e Izraelit, para se të vdiste.

Ligji i Përtërirë 33:2 (ALB)
Dhe u tha: "Zoti erdhi nga Sinai dhe u ngrit mbi ta në Seir; u paraqit në madhështinë e tij nga mali Paran, arriti nga mesi i një morie shenjtorësh; nga e djathta e tyre dilte për ta një ligj i zjarrtë.

Ligji i Përtërirë 33:3 (ALB)
Me siguri ai i do popujt; të gjithë shenjtorët e tij janë në duart e tua; ata janë ulur në këmbët e tua, secili i dëgjon fjalët e tua.

Ligji i Përtërirë 33:4 (ALB)
Moisiu na ka urdhëruar një ligj, një trashëgimi të asamblesë së Jakobit.

Ligji i Përtërirë 33:5 (ALB)
Ai ka qenë mbret në Jeshuruni, kur mblidheshin krerët e popullit, tërë fiset e Izraelit tok.

Ligji i Përtërirë 33:6 (ALB)
Rroftë Rubeni dhe mos vdektë; por njerëzit e tij mbetshin pak".

Ligji i Përtërirë 33:7 (ALB)
Judës përkundrazi i tha këto: "Dëgjo, o Zot, zërin e Judës dhe ktheje tek populli i tij; dora e tij lufton për çështjen e tij; bëhu ti një ndihmës i tij kundër armiqve të tij.

Ligji i Përtërirë 33:8 (ALB)
Pastaj për Levin tha: "Thumimët dhe Urimët e tu i përkasin njeriut tënd besimtar, që ti provove në Masa dhe me të cilin je grindur në ujërat e Meribës.

Ligji i Përtërirë 33:9 (ALB)
Ai thotë për të atin dhe për të ëmën: "Unë nuk i kam parë"; ai nuk i njohu vëllezërit e tij dhe nuk njohu bijtë; sepse Levitët kanë respektuar fjalën tënde dhe kanë ruajtur besëlidhjen tënde.

Ligji i Përtërirë 33:10 (ALB)
Ata u mësojnë dekretet e tua Jakobit dhe ligjin tënd Izraelit; vënë temjanin para teje dhe tërë olokaustin mbi altarin tënd.

Ligji i Përtërirë 33:11 (ALB)
O Zot, beko forcën e tij dhe prano veprën e duarve të tij. Shpo tej e përtej ata që ngrejnë krye kundër atij dhe që e urrejnë, me qëllim që të mos ngrihen më".

Ligji i Përtërirë 33:12 (ALB)
Përsa i përket Beniaminit, ai tha: "I dashuri i Zotit do të banojë me siguri pranë tij. Zoti do ta mbrojë vazhdimisht dhe do të banojë në krahët e tij".

Ligji i Përtërirë 33:13 (ALB)
Përsa i përket Jozefit, ai tha: "Vendi i tij qoftë i bekuar nga Zoti me dhurata të çmuara të qiellit, me vesën, me ujërat e humnerës që ndodhet poshtë,

Ligji i Përtërirë 33:14 (ALB)
me frytet e çmuara të diellit, me prodhimet e çmuara të çdo muaji,

Ligji i Përtërirë 33:15 (ALB)
me prodhimet më të mira të maleve të lashta, me dhuratat e çmuara të kodrave të përjetshme,

Ligji i Përtërirë 33:16 (ALB)
me dhuratat e çmuara të tokës dhe të të gjitha gjërave që ajo përmban. Favori i atij që ishte në ferrishte të bjerë mbi kryet e Jozefit, mbi majën e kokës së atij që është zgjedhur ndërmjet vëllezërve të tij!

Ligji i Përtërirë 33:17 (ALB)
Madhështia e tij është si ajo e demit të tij të parëlindur, brirët e tij janë si brirët e një bualli. Me to do të shpojë tërë popujt, deri në skajet e dheut. Këto janë moritë e Efraimit. Këto janë mijërat e Manasit".

Ligji i Përtërirë 33:18 (ALB)
Përsa i përket Zabulonit, ai tha: "Gëzoje, Zabulon, daljen tënde, dhe ti Isakar, ndejtjen në çadrat e tua!

Ligji i Përtërirë 33:19 (ALB)
Ata do të thërrasin popujt në mal dhe aty do të ofrojnë flijime drejtësie; sepse ata do të thithin bollëkun e detrave dhe thesaret e fshehura në rërë".

Ligji i Përtërirë 33:20 (ALB)
Përsa i përket Gadit, ai tha: "I bekuar qoftë ai që e shtrin Gadin. Ai rri shtrirë si një luaneshë dhe copëton krahë dhe kafkë.

Ligji i Përtërirë 33:21 (ALB)
Ai shtie në dorë pjesën e parë për veten e tij, sepse aty ishte pjesa e parë e rezervuar e udhëheqësit; ai erdhi me krerët e popullit dhe zbatoi drejtësinë e Zotit dhe dekretet e tij me Izraelin".

Ligji i Përtërirë 33:22 (ALB)
Përsa i përket Danit, ai tha: "Dani është një luan i vogël, që hidhet nga Bashani".

Ligji i Përtërirë 33:23 (ALB)
Përsa i përket Neftalit, ai tha: "O Neftali, i ngopur me favore dhe i mbushur me bekime të Zotit, pushto perëndimin dhe jugun".

Ligji i Përtërirë 33:24 (ALB)
Përsa i përket Asherit, ai tha: "Më i bekuari nga tërë bijtë qoftë Asheri! Le të jetë i preferuari i vëllezërve të tij dhe të zhysë këmbën e tij në vaj.

Ligji i Përtërirë 33:25 (ALB)
Sandalet e tij të jenë prej hekuri dhe prej bronzi, dhe forca jote të vazhdojë sa janë ditët e tua.

Ligji i Përtërirë 33:26 (ALB)
Askush nuk është barabar me Perëndinë e Jeshurunit, që shkon me kalë nëpër qiejtë në ndihmën tënde dhe shkon mbi retë me madhështinë e tij.

Ligji i Përtërirë 33:27 (ALB)
Perëndia i kohëve të lashta është streha jote dhe poshtë teje ndodhen krahët e tij të përjetshëm. Ai do ta dëbojë armikun para teje dhe do të thotë: "Shkatërroje!".

Ligji i Përtërirë 33:28 (ALB)
Atëherë Izraeli do ta ndiejë veten të sigurtë, në një vend gruri dhe mushti; dhe qielli i tij di të japë vesë.

Ligji i Përtërirë 33:29 (ALB)
Ti je i lumtur, o Izrarel! Kush është barabar me ty, o popull i shpëtuar nga Zoti? Ai është mburoja që të ndihmon dhe shpata e lavdisë sate. Armiqtë e tu do të të nënshtrohen dhe ti do të shkelësh vendet e tyre të larta".

Previous Chapter
« Ligji i Përtërirë 32

Next Chapter
Ligji i Përtërirë 34 »

Ligji i Përtërirë (ALB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34

ALB Book Selection List

View full list of ALB Bible Books and Chapters