2 Timoteut 2 | ALB Bible Study

2 Timoteut 2:1 (ALB)
Ti, pra, biri im, forcohu në hirin që është në Krishtin Jezus;

2 Timoteut 2:2 (ALB)
dhe ato që dëgjove nga unë përpara shumë dëshmitarëve, jepua njerëzve besnikë, që do të jenë të aftë të mësojnë edhe të tjerë.

2 Timoteut 2:3 (ALB)
Ti, pra, duro pjesën tënde të vuajtjeve, si një ushtar i mirë i Jezu Krishtit.

2 Timoteut 2:4 (ALB)
Sepse asnjë nga ata që shkojnë ushtarë nuk ngatërrohet me punërat e jetës, që t’i pëlqejë atij që e mori ushtar.

2 Timoteut 2:5 (ALB)
Po ashtu, nëse dikush merr pjesë në gara, nuk kurorëzohet po të mos ketë luftuar sipas rregullave.

2 Timoteut 2:6 (ALB)
Bujku që mundohet duhet ta marrë i pari pjesën e fryteve.

2 Timoteut 2:7 (ALB)
Mendo për ato që të them, sepse Zoti do të të japë mend për të gjitha.

2 Timoteut 2:8 (ALB)
Kujto që Jezu Krishti, nga fisi i Davidit, u ngjall së vdekuri sipas ungjillit tim,

2 Timoteut 2:9 (ALB)
për të cilin unë po vuaj deri edhe në pranga posi keqbërës; por fjala e Perëndisë nuk lidhet në pranga.

2 Timoteut 2:10 (ALB)
Prandaj unë i duroj të gjitha për shkak të të zgjedhurve, që ata të kenë shpëtimin që është në Krishtin Jezus, bashkë me lavdi të përjetshme.

2 Timoteut 2:11 (ALB)
Kjo fjalë është e vërtetë, sepse, nëse ne vdiqëm me të, me të edhe do të rrojmë;

2 Timoteut 2:12 (ALB)
në qoftë se vuajmë, do të mbretërojmë bashkë me të; po ta mohojmë, edhe ai do të na mohojë.

2 Timoteut 2:13 (ALB)
Nëse jemi të pabesë, ai mbetet besnik, sepse ai nuk mund të mohojë vetveten.

2 Timoteut 2:14 (ALB)
Ua kujto atyre këto gjëra, duke u përbetuar përpara Zotit të mos hahen kot me fjalë pa asnjë dobi, në dëm të atyre që dëgjojnë.

2 Timoteut 2:15 (ALB)
Mundohu të dalësh përpara Perëndisë si i sprovuar, si punëtor që nuk ka pse të turpërohet, që thotë drejt fjalën e së vërtetës.

2 Timoteut 2:16 (ALB)
Shmangu nga fjalët e kota dhe profane, sepse do të çojnë në pabesi,

2 Timoteut 2:17 (ALB)
dhe fjala e tyre do të brejë si një gangrenë; ndër këta janë Himeneu dhe Fileti,

2 Timoteut 2:18 (ALB)
të cilët dolën jashtë rrugës së të vërtetës, duke thënë se ringjallja ka ngjarë dhe përmbysin besimin e disave.

2 Timoteut 2:19 (ALB)
Megjithatë themeli i fortë i Perëndisë qëndron i patundur, dhe ka këtë vulë: "Zoti i njeh të vetët," dhe: "Le t’i largohet paudhësisë kushdo që përmend emrin e Krishtit".

2 Timoteut 2:20 (ALB)
Në një shtëpi të madhe nuk ka vetëm enë prej ari dhe argjendi, por edhe prej druri dhe balte; disa për të nderuar; të tjerat për të mos nderuar.

2 Timoteut 2:21 (ALB)
Pra, në qoftë se dikush pastrohet nga këto gjëra, do të jetë një enë nderi, e shenjtëruar dhe e dobishme për të zotin, e përgatitur për çdo vepër të mirë.

2 Timoteut 2:22 (ALB)
Largohu nga pasionet rinore dhe bjeru pas drejtësisë, besimit, dashurisë dhe paqes bashkë me ata që e thërresin në ndihmë Zotin me zemër të pastër.

2 Timoteut 2:23 (ALB)
Shmang gjithashtu diskutimet e marra dhe pa mend, duke ditur se shkaktojnë grindje.

2 Timoteut 2:24 (ALB)
Sepse shërbëtori i Zotit nuk duhet të zihet, por të jetë i butë me të gjithë, i aftë për të mësuar njerëzit dhe i durueshëm,

2 Timoteut 2:25 (ALB)
duke i mësuar me butësi kundërshtarët, me shpresë se Perëndia ua jep atyre të pendohen, që arrijnë të njohin të vërtetën,

2 Timoteut 2:26 (ALB)
dhe të vijnë në vete, duke shpëtuar nga laku i djallit, që i ka zënë robër të vullnetit të tij.

Previous Chapter
« 2 Timoteut 1

Next Chapter
2 Timoteut 3 »

2 Timoteut (ALB) Chapter Selection

1 2 3 4

ALB Book Selection List

View full list of ALB Bible Books and Chapters