2 Thesalonikasve 3 | ALB Bible Study

2 Thesalonikasve 3:1 (ALB)
Më në fund, o vëllezër, lutuni për ne, që fjala e Zotit të përhapet me të shpejtë dhe të lëvdohet, porsi ndër ju,

2 Thesalonikasve 3:2 (ALB)
dhe derisa të shpëtojmë nga njerëzit e çoroditur dhe të këqij, sepse jo të gjithë kanë besim.

2 Thesalonikasve 3:3 (ALB)
Por Zoti është besnik, dhe ai do t’ju forcojë dhe do t’ju ruajë nga i ligu.

2 Thesalonikasve 3:4 (ALB)
Dhe ne kemi besim për ju te Zoti, se gjërat që ju porositëm po i bëni dhe do t’i bëni.

2 Thesalonikasve 3:5 (ALB)
Edhe Zoti i drejtoftë zemrat tuaja te dashuria e Perëndisë dhe te qëndrueshmëria e Krishtit.

2 Thesalonikasve 3:6 (ALB)
Dhe ju porositim, o vëllezër, në emër të Zotit tonë Jezu Krisht, që të largoheni nga çdo vëlla që ecën i çrregullt dhe jo sipas porosisë që keni marrë prej nesh.

2 Thesalonikasve 3:7 (ALB)
Sepse ju e dini vetë se si duhet të na shëmbëlleni, sepse ne nuk u sollëm në mënyrë të çrregullt midis jush,

2 Thesalonikasve 3:8 (ALB)
dhe nuk kemi ngrënë falas bukën e ndonjërit, por punuam me mundim e cfilitje ditë e natë, që të mos i bëheshim barrë asnjërit prej jush.

2 Thesalonikasve 3:9 (ALB)
Jo se ne nuk e kemi këtë të drejtë, po për t’ju dhënë ne vetë një shëmbull që ju të na imitonit.

2 Thesalonikasve 3:10 (ALB)
Në fakt, edhe kur ishim në mes tuaj, ju porosisnim këtë: se po qe se ndonjë nuk do të punojë, as të mos hajë.

2 Thesalonikasve 3:11 (ALB)
Në fakt dëgjojmë se disa prej jush që ecin në mënyrë të çrregullt, nuk bëjnë asgjë dhe merren me gjëra të kota.

2 Thesalonikasve 3:12 (ALB)
Këta i porosisim dhe i bëjmë thirrje në Zotin tonë Jezu Krisht, që të hanë bukën e tyre duke punuar shtruar.

2 Thesalonikasve 3:13 (ALB)
Dhe sa për ju, o vëllezër, mos u lodhni së bëri të mirën.

2 Thesalonikasve 3:14 (ALB)
Dhe nëqoftëse dikush nuk i bindet fjalës sonë në këtë letër, shënojeni atë dhe mos u shoqëroni me të, që ai të turpërohet.

2 Thesalonikasve 3:15 (ALB)
Por mos e mbani atë si një armik, po këshillojeni si vëlla.

2 Thesalonikasve 3:16 (ALB)
Dhe vetë Zoti i paqes ju dhëntë vazhdimisht paqe në çdo mënyrë. Zoti qoftë me ju të gjithë.

2 Thesalonikasve 3:17 (ALB)
Të falat me shëndet janë nga dora ime, nga mua, Pali; dhe kjo është një shenjë në çdo letër prej meje; unë shkruaj kështu.

2 Thesalonikasve 3:18 (ALB)
Hiri i Zotit tonë Jezu Krisht qoftë me ju të gjithë. Amen.

Previous Chapter
« 2 Thesalonikasve 2

Next Chapter
1 Timoteut 1 »

2 Thesalonikasve (ALB) Chapter Selection

1 2 3

ALB Book Selection List

View full list of ALB Bible Books and Chapters