2 Samuelit 23:1 (ALB)
Këto janë fjalët e fundit të Davidit. Kështu thotë Davidi, bir i Isait, kështu thotë njeriu që u ngrit lart, i vajosuri i Perëndisë së Jakobit, këngëtari i ëmbël i Izraelit:

2 Samuelit 23:2 (ALB)
"Fryma e Zotit ka folur nëpërmjet meje dhe fjala e tij ka qenë mbi buzët e mia.

2 Samuelit 23:3 (ALB)
Perëndia i Izraelit ka folur, Kalaja e Izraelit më ka thënë: "Ai që mbretëron me drejtësi mbi njerëzit, ai që mbretëron në frikën e Perëndisë,

2 Samuelit 23:4 (ALB)
është si drita e mëngjesit në të dalë të diellit, në një mëngjes pa re, ashtu si shkëlqimi mbas shiut, që bën të mbijë bari i njomë nga dheu".

2 Samuelit 23:5 (ALB)
A nuk është vallë kështu shtëpia ime përpara Perëndisë? Sepse ai ka lidhur me mua një besëlidhje të përjetshme që parashikon çdo gjë dhe që është e sigurt. A nuk do të bëjë ai të lulëzojë shpëtimi im i plotë dhe të gjitha ato që unë dëshiroj?

2 Samuelit 23:6 (ALB)
Njerëzit e kobshëm do të hidhen tej të gjithë si gjembat, sepse nuk mund të kapen me duar.

2 Samuelit 23:7 (ALB)
Kush i prek duhet të armatoset me një hekur ose me shkopin e një ushte; ato digjen plotësisht në vend me zjarr".

2 Samuelit 23:8 (ALB)
Këto janë emrat e luftëtarëve trima që ishin në shërbim të Davidit: Josheb-Bashshebethi, Tahkemoniti, prijës i oficerëve kryesorë. Atë e quajtën Etseniti Adino; sepse kishte vrarë tetëqind njerëz në një herë të vetme.

2 Samuelit 23:9 (ALB)
Pas tij vinte Eleazari, bir i Dodas, që ishte bir i Ahohit, një ndër tre luftëtarët trima që ishin me Davidin, kur sfiduan Filistejtë e mbledhur për të luftuar, ndërsa Izraelitët ishin tërhequr.

2 Samuelit 23:10 (ALB)
Ai u ngrit dhe i goditi Filistejtë, deri sa dora e tij e rraskapitur i ngriu me shpatën. Atë ditë Zoti korri një fitore të madhe dhe populli shkoi pas tij vetëm për të bërë plaçkë.

2 Samuelit 23:11 (ALB)
Prapa tij vinte Shamahu, bir i Agesë, Hararitit. Filisejtë ishin mbledhur në një numër të madh në një fushë të mbjellë me thjerrëza. Populli ia kishte mbathur përpara Filistejve,

2 Samuelit 23:12 (ALB)
por Shamahu, ishte vendosur në mes të kampit dhe e mbrojti atë, dhe bëri kërdinë në radhët e Filistejve. Kështu Zoti korri një fitore të madhe.

2 Samuelit 23:13 (ALB)
Tre nga tridhjetë krerët zbritën në kohën e korrjes dhe erdhën te Davidi në shpellën e Adullamit, ndërsa një grup Filistejsh kishte ngritur kampin e tij në luginën e gjigantëve.

2 Samuelit 23:14 (ALB)
Davidi ndodhej atëherë në kala dhe kishte një garnizon Filistejsh në Betlem.

2 Samuelit 23:15 (ALB)
Davidi pati një dëshirë të madhe dhe tha: "Ah, sikur dikush të më jepte të pija ujë nga pusi i Betlemit, që është afër portës".

2 Samuelit 23:16 (ALB)
Të tre trimat çanë në mes të kampit të Filistejve dhe morën ujë nga pusi i Betlemit, pranë portës; pastaj e morën me vete dhe ia çuan Davidit. Por ai nuk desh ta pinte, por e derdhi përpara Zotit,

2 Samuelit 23:17 (ALB)
duke thënë: "Larg qoftë për mua, o Zot, një veprim i tillë! A nuk u vu, vallë gjaku i njerëzve, jeta e tyre në rrezik?". Dhe nuk deshi ta pinte. Kështu vepruan ata tre trima.

2 Samuelit 23:18 (ALB)
Abishai, vëlla i Joabit dhe biri Tserujahut, ishte prijës i një treshe tjetër. Ngriti ushtën e tij kundër treqind njerëzve dhe i vrau; kështu u bë i famshëm në mes të treve.

2 Samuelit 23:19 (ALB)
Ishte më i dëgjuari i treshes; prandaj u bë dhe kryetari i tyre, por nuk arriti të barazohet me tre të parët.

2 Samuelit 23:20 (ALB)
Benajahu, bir i Jehojadit, bir i një trimi nga Kabtseeli, bëri trimëri të mëdha. Vrau dy heronj të Moabit, që ishin si luanë. Zbriti edhe në mes të një sterne ku vrau një luan, një ditë që binte borë.

2 Samuelit 23:21 (ALB)
Ai vrau gjithashtu një Egjiptas gjigand që kishte në dorë një shtizë; por Benajahu i doli përballë me një bastun, i hoqi nga dora shtizën dhe e vrau me shtizën e tij.

2 Samuelit 23:22 (ALB)
Këto gjëra bëri Benajahu, bir i Jehojadit, dhe u bë i famshëm ndër të tre trima.

2 Samuelit 23:23 (ALB)
Ishte më i dëgjuari i të tridhjetëve, por nuk arriti të barazohet me treshen e parë. Davidi e bëri shef të truprojes së tij.

2 Samuelit 23:24 (ALB)
Pastaj vinin: Asaheli, vëlla i Joabit, njeri nga tridhjetët; Elhanani, bir i Dodos, nga Betlemi;

2 Samuelit 23:25 (ALB)
Shamahu nga Harodi; Elika nga Harodi;

2 Samuelit 23:26 (ALB)
Heleci nga Palti; Ira, bir i Ikeshit, nga Tekoa;

2 Samuelit 23:27 (ALB)
Abiezeri nga Anathothi; Mebunai nga Husha;

2 Samuelit 23:28 (ALB)
Tsalmoni nga Ahoahu; Maharai nga Netofa;

2 Samuelit 23:29 (ALB)
Helebi, bir i Baanahut (nga Netofa);

2 Samuelit 23:30 (ALB)
Benajahu nga Pirathoni; Hidai nga përrenjtë e Gaashit;

2 Samuelit 23:31 (ALB)
Abi-Alboni nga Arbathi; Azmavethi nga Barhumi;

2 Samuelit 23:32 (ALB)
Eliahba nga Shaalboni (nga bijtë e Jasenit), Jonathani;

2 Samuelit 23:33 (ALB)
Shamahu nga Harari; Ahiami, bir i Shararit, nga Harari;

2 Samuelit 23:34 (ALB)
Elifeleti, bir i Ahasbait, bir i një Maakatheu; Eliami, bir i Ahithofelit, nga Gilo;

2 Samuelit 23:35 (ALB)
Hetsrai nga Karmeli; Paarai nga Arabi;

2 Samuelit 23:36 (ALB)
Igali, bir i Nathanit, nga Tsobahu; Bani nga Gadi;

2 Samuelit 23:37 (ALB)
Tseleku, Amoniti; Naharai nga Beerothi (shqyrtar i Joabit, birit të Tserujahut);

2 Samuelit 23:38 (ALB)
Ira nga Jetheri; Garedi nga Jetheri;

2 Samuelit 23:39 (ALB)
Uriahu, Hiteu. Gjithsej tridhjetë e shtatë veta.