1 Timoteut 5:1 (ALB)
Mos e qorto ashpër një plak, por këshilloje si atë, dhe më të rinjtë si vëllezër,

1 Timoteut 5:2 (ALB)
plakat si nëna, të rejat si motra, me plot dlirësi.

1 Timoteut 5:3 (ALB)
Ndero vejushat që janë me të vërtetë të veja.

1 Timoteut 5:4 (ALB)
Por në qoftë se një e ve ka djem a nipa, këta le të mësojnë më parë të tregojnë perëndishmëri ndaj atyre të familjes së vet dhe t’ua shpërblejnë prindërve të tyre, sepse kjo është e mirë dhe e pëlqyer përpara Perëndisë.

1 Timoteut 5:5 (ALB)
Dhe ajo që është me të vërtetë e ve, dhe ka mbetur e vetme, e ka shpresën në Perëndinë dhe qëndron në lutje dhe në të falura natë e ditë.

1 Timoteut 5:6 (ALB)
Ndërsa ajo që jeton e shthurur, ndonëse rron, është e vdekur.

1 Timoteut 5:7 (ALB)
Porosit edhe këto gjëra, që të jenë të patëmeta.

1 Timoteut 5:8 (ALB)
Por në qoftë se dikush nuk kujdeset për të vetët, dhe më tepër për ata të shtëpisë, ai e ka mohuar besimin dhe është më i keq se një jobesimtar.

1 Timoteut 5:9 (ALB)
Një e ve të regjistrohet në listën e vejushave, po të jetë jo më e re se gjashtëdhjetë vjeçe, të ketë qenë bashkëshorte e një burri të vetëm,

1 Timoteut 5:10 (ALB)
dhe të ketë dëshminë për vepra të mira: që i ka rritur fëmijët e saj, ka pritur të huajt, ua ka larë këmbët shenjtorëve, ka ndihmuar nevojtarët, i është kushtuar vazhdimisht çdo vepre të mirë.

1 Timoteut 5:11 (ALB)
Po mos i prano vejushat më të reja, sepse, duke u dhënë pas dëshirave të tyre, ngrihen kundër Krishtit, duan të martohen,

1 Timoteut 5:12 (ALB)
duke tërhequr mbi vete një dënim, sepse kanë shkelur besimin e parë.

1 Timoteut 5:13 (ALB)
Madje ato mësojnë të jenë përtace duke shkuar shtëpi më shtëpi, edhe jo vetëm përtace, por edhe llafazane dhe kureshtare duke folur për gjëra të kota.

1 Timoteut 5:14 (ALB)
Dua, pra, që vejushat e reja të martohen, të kenë fëmijë, të bëhen zonja shtëpie dhe të mos i japin kundërshtarit asnjë shkak për të përfolur;

1 Timoteut 5:15 (ALB)
sepse disa tashmë devijuan për të ndjekur Satanin.

1 Timoteut 5:16 (ALB)
Në qoftë se ndonjë besimtar ose besimtare ka vejusha, le t’i ndihmojë e të mos bëhen barrë kishës, e cila mund të ndihmojë ato që janë me të vërtetë të veja.

1 Timoteut 5:17 (ALB)
Pleqtë që e drejtojnë mirë parësinë në kishë, le të nderohen dyfish, sidomos ata që mundohen me fjalë e me mësim.

1 Timoteut 5:18 (ALB)
Sepse Shkrimi thotë: "Mos ia lidh gojën kaut që shin në lëmë," dhe: “Punëtori e ka hak mëditjen e tij.”

1 Timoteut 5:19 (ALB)
Mos prano asnjë padi kundër një plaku, veçse kur ka dy ose tre dëshmitarë.

1 Timoteut 5:20 (ALB)
Ata që mëkatojnë qortoji përpara të gjithëve, që edhe të tjerët të kenë frikë.

1 Timoteut 5:21 (ALB)
Unë të vë në be përpara Perëndisë, dhe Zotit Jezu Krisht dhe engjëjve të zgjedhur, që t’i zbatosh këto gjëra pa paragjykime, dhe mos bëj asgjë me anësi.

1 Timoteut 5:22 (ALB)
Mos i vër duart askujt me ngut dhe mos u bëj pjestar në mëkatet e të tjerëve; ruaje veten të pastër.

1 Timoteut 5:23 (ALB)
Mos pi më ujë, por përdor pak verë për stomakun tënd dhe për sëmundjet e tua të shpeshta.

1 Timoteut 5:24 (ALB)
Disa njerëzve mëkatet u duken sheshit edhe përpara gjyqit, ndërsa të tjerëve u duken më pas.

1 Timoteut 5:25 (ALB)
Gjithashtu edhe veprat e mira duken; por edhe ato që janë ndryshe nuk mund të mbeten të fshehura.