1 Mbretërve 4:1 (ALB)
Mbreti Salomon mbretëronte mbi tërë Izraelin.

1 Mbretërve 4:2 (ALB)
Këta ishin funksionarët e tij të lartë: Azariahu, bir i priftit Tsadok,

1 Mbretërve 4:3 (ALB)
Elihorefi dhe Ahijahu, bij të Shishas, ishin sekretarë; Jozafati, bir i Ahiludit, ishte kancelier;

1 Mbretërve 4:4 (ALB)
Benajahu, bir i Jehojadit, ishte komandant i ushtrisë; Tsadoku dhe Abiathari ishin priftërinjtë;

1 Mbretërve 4:5 (ALB)
Azariahu, bir i Nathanit, ishte kryetar i prefektëve; Zabudi, bir i Nathanit, ishte prift dhe këshilltar personal i mbretit.

1 Mbretërve 4:6 (ALB)
Ahishari ishte maxhordom dhe Adinorami, bir i Abdas, ishte caktuar për haraçet.

1 Mbretërve 4:7 (ALB)
Salomoni kishte dymbëdhjetë prefektë në të gjithë Izraelin, të cilët kujdeseshin për mbajtjen e mbretit dhe të shtëpisë së tij; secili prej tyre ishte ngarkuar për tu kujdesur për një muaj në vit.

1 Mbretërve 4:8 (ALB)
Këto janë emrat e tyre: Ben-Hur në krahinën malore të Efraimit;

1 Mbretërve 4:9 (ALB)
Ben-Dekjer në Makats, Shaalbim, Beth-Shemesh dhe Elon të Beth-Hananit;

1 Mbretërve 4:10 (ALB)
Ben-Hesed në Aruboth; Sokothi dhe tërë vendi i Heferit ishin pronë e tij;

1 Mbretërve 4:11 (ALB)
Ben-Abinabadi, në gjithë krahinën e Dorit; Tafatha, bijë e Salomonit, ishte gruaja e tij;

1 Mbretërve 4:12 (ALB)
Baana, bir i Ahiludit, kishte Taanakun, Megidon dhe tërë Beth-Shenin, që është pranë Tsarethanit, poshtë Jizreelit, dhe që shtrihet nga Beth-Sheani deri në Abel-Meholahu dhe matanë Jokneamit.

1 Mbretërve 4:13 (ALB)
Ben-Geber, në Ramoth të Galaadit, kishte fshatrat e Jairit, birit të Manasit, në Galaad, si edhe Argobin në Bashan, gjashtëdhjetë qytete të mëdha me mure dhe shule prej bronzi;

1 Mbretërve 4:14 (ALB)
Ahinadabi, bir i Idos, në Mahanaim;

1 Mbretërve 4:15 (ALB)
Ahimatsi, në Neftali; edhe ai kishte për grua Basmethin, një nga bijat e Salomonit;

1 Mbretërve 4:16 (ALB)
Banahun, bir i Hushait, në Asher dhe në Aloth;

1 Mbretërve 4:17 (ALB)
Jozafati, bir i Parnahut, në Isakar;

1 Mbretërve 4:18 (ALB)
Shimei, bir i Elahut, në Beniamin;

1 Mbretërve 4:19 (ALB)
Geberi, bir i Urit, në vendin e Galaadit, në vendin e Sihonit, mbretit të Amorejve, dhe të Ogut, mbretit të Bashanit; ai ishte i vetmi prefekt që ishte në vend.

1 Mbretërve 4:20 (ALB)
Juda dhe Izraeli ishin të shumtë si rëra që është në bregun e detit. Ata hanin dhe pinin me gaz.

1 Mbretërve 4:21 (ALB)
Kështu Salomoni sundone mbi gjithë mbretërinë nga Lumi deri në vendin e Filistejve dhe në kufijtë e Egjiptit. Këta i sillnin haraçe dhe i shërbyen tërë ditët e jetës së tij.

1 Mbretërve 4:22 (ALB)
Furnizimi ditor i ushqimeve për Salomonin përbëhej nga tridhjetë kore lule dielli dhe gjashtëdhjetë kore mielli të zakonshëm,

1 Mbretërve 4:23 (ALB)
dhjetë qe të majmë, njëzet qe të kullotës dhe njëqind dele pa llogaritur drerët, gazelat, kapronjtë dhe shpendët e majmë.

1 Mbretërve 4:24 (ALB)
Ai sundonte gjithë vendin nga kjo anë e Lumit, nga Tifsahu deri në Gaza, mbi tërë mbretërit nga kjo anë e Lumit, dhe jetonte në paqe me të gjithë shtetet kufitare që ishin rreth e qark.

1 Mbretërve 4:25 (ALB)
Juda dhe Izraeli, nga Dani deri në Beer-Sheba, jetuan të sigurtë, secili nën pjergullën dhe fikun e tij, tërë kohën që mbretëroi Salomoni.

1 Mbretërve 4:26 (ALB)
Salomoni kishte gjithashtu dyzet mijë stalla kuajsh për qerret e tij dhe dymbëdhjetë mijë kalorës.

1 Mbretërve 4:27 (ALB)
Këta prefektë, secili në muajin e tij, merreshin me mbajtjen e mbretit Salomon dhe të gjithë atyre që pranoheshin në tryezën e tij; dhe nuk linin t’u mungonte asgjë.

1 Mbretërve 4:28 (ALB)
Sillnin edhe elbin dhe kashtën për kuajt dhe mushkat në vendin e duhur, secili sipas urdhrave që kishte marrë.

1 Mbretërve 4:29 (ALB)
Perëndia i dha Salomonit dituri, zgjuarsi të madhe dhe një mëndje të hollë si rëra që është në bregun e detit.

1 Mbretërve 4:30 (ALB)
Dhe dituria e Salomonit ia kaloi diturisë të të gjithë bijve të Lindjes dhe tërë diturisë të Egjiptasve.

1 Mbretërve 4:31 (ALB)
Ai ishte më i ditur se çdo njeri tjetër: më tepër se Ezrahiti Ethan; më tepër se Hemani, se Kakoli dhe se Darda, bijtë e Maholit; dhe fama e tij u përhap në të gjitha kombet e afërta.

1 Mbretërve 4:32 (ALB)
Shqiptoi tre mijë proverba dhe kantikët e tij qenë një mijë e pesëqind.

1 Mbretërve 4:33 (ALB)
Foli edhe për drurët, nga kedri i Libanit deri në isopin që mbin nga muri; foli gjithashtu për kafshët, për zogjtë, për rrëshqanorët dhe për peshqit.

1 Mbretërve 4:34 (ALB)
Nga të gjithë popujt vinin njerëz për të dëgjuar diturinë e Salomonit; ata ishin të dërguar nga tërë mbretërit e dheut që kishin dëgjuar të flitej për diturinë e tij.